top ad

الخميس، 5 ديسمبر 2013

للى بدؤا يسألوا عن المدارس عشان يقدموا لولادهم

 من شهر يوليو 2011 و انا باطلب المدارس إللى ح أقدم فيها لبناتى "جى " و " هوهوز " اللى ح يدخلوا المدرسة فى 2013/2014... عشان أسئلهم عن الأوراق المطلوبة للتقديم فى المدارس ... من أغرب ما سمعت قالت ليا احدى مديرات المدرسة ، و ولادك عندهم شهادات إيه ؟؟؟
 و  اسقط ما فى يدى
فقلتلها شهادات إيه ؟؟ دول لسة ؟؟ ح أقدم لهم KG1 ... ما يعرفوش أى حاجة عشان يكون عندهم شهادات
قالتلى : لا اااااااااااااااا .... لازم يكون عندهم شهادات ، يا كدة يا مش ح نبص فى الملف بتاعهم اولا .

تعرفوا عملت ايه ؟؟


و قررت ادخل بناتى nursery   عشان أجبلهم شهادات ... مع ان بناتى عارفين أشكال الحروف و الأرقام ... لآنى كنت باطبعلهم الحروف و الأرقام على البرينتر و باسبهم يلونوها ، و بكدة  حفظوا شكل الحرف و عرفوا نطقه لأنهم كانوا بيلونوا فى الحرف يومين او تلاتة فكل يوم أقولهم اسم نفس الحرف لحد ما حفظوه ,

الأهم انى بدأت مقابلات المدارس ، و كان أول مقابلة لبناتى فى المدرسة الألمانى ... و خدت البنات و رحنا المعادى مع ان الطلب متقدم فى المدرسة الألمانى بباق اللوق ... و اول حاجة استغربتلها  ان استمارة التقديم اتأخرت رغم وجودها على النت .. و برضوا إتأخرات ... و  اتقدمنا للامتحان و اكتشفت ان بناتى لازم يكونوا داخلين تقديم اختبار المدرسة عارفين منهج kg1 – kg2
من ارقام – و حروف – نطق و كتابة – و الوان – ايام الأسبوع –  وسائل المواصلات – الخضر و الفاكهة – الحيوانات و الطيور – علم مصر - يكونوا بيرسموا بنت او قطة او وردة – لازم يكونوا بيغنوا اغنيتين باللغة الاساسية للمدرسة – المانى – فرنساوى – انجليزى – لازم البنات تدحل المدرسة عارفةح المنهج كامل

ه اتكرر الحال  مع المدرسة الألمانى بباب اللوق – و مع مدرسة ساكريه كور غمرة – و مع مدرسة ساكريه كور هليوبليس

و لكم تحياتى
مامى لأول مرة

midlle ad