top ad

الجمعة، 30 ديسمبر 2011

أسباب التشنجات الحرارية عند الأطفال و خاصة الرضع



عايزين نتعلم سلوكيات كتير جدا عشان نقدر نحافظ على صحة اولادنا ... و من اول هذه السلوكيات اننا نتعامل مع ارتفاع حرارة الاطفال بمنطق علمى .. يعنى لازم يكون فى بيتنا ترمومتر او ميزان حرارة زى ما البعض بيسميه ... و يفضل ان الترمومتر يكون ديجيتال عشان نقدر نتعامل معاه بسهولة

تانى حاجة لازم نعرفها : انه مافيش طفل في العالم لا ترتفع درجه حرارته ؟؟؟ لكن الخطورة تكمن فى عدم معرفة الأب أو الأم فى التعامل مع هذه الحرارة

تالت حاجة لازم نعرفها :
متي تكون ارتفاع درجه حراره الطفل خطيرة؟؟
الإجابة اول ما تزيد عن 37 و نص ... و تفضل فى الزيادة



رابع حاجة لازم نعرفها :
ما هى خطورة ارتفاع درجة حرارة الطفل و خاصة الرضيع ؟؟
الإجابة : ارتفاع درجه الحرارة تسبب تشنجات للطفل و تؤثر على جهازه العصبي .. و ارتفاع الحرارة هى السبب الرئيسى فى حدوث التشنجات الحرارية للاطفال نتيجة وصول هذه الحرارة لمخ الطفل او مخ الرضيع

خامس حاجة ضرورى نعرفها :
ما هى  الاسباب التي تؤدي الي ارتفاع حرارة الأطفال ؟
الإجابة : التهاب الحلق بسبب اللوز او أكل شئ غير نظيف او تعامل الرضيع مع أدوات غير نظيفة و بسبب ضعف مقاوته يتحول الأمر إلى حرارة تؤثر عليه بشكل خطير لو لم نقوم بتخفيضها ... و كمان التهاب الاذن  والطفح الوردي  وبعض إلتهابات الجهاز التنفسي تؤدى إلى ارتفاع درجة حرارة الطفل و خاصة الرضيع ... وايضا الالتهاب السحائي  عند الأطفال الأقل من سنه

آخر حاجة مهم نعرفها :
ان حوالي 5% من جميع الاطفال الاصحاء يصابون بارتفاع فى الحرارة من عمر 9 اشهر الي 5 سنوات.. و لازم نلحق و نقلق حرارة جسمهم لأنها ممكن تقلب لتشنجات عصبية في اول 24 ساعة .

و لكم تحياتى
مامى لأول مرة 

الخميس، 29 ديسمبر 2011

علاج الفتئ السرى فى الرضع

الفتئ السرى فى الطفل الرضيع:


 نلاحظ فى بعض الأطفال حديثى الولادة وجود فتئ سرى و هو ان السرة تكون بارزة لبرة بعض الشئ .. و هنا  يبدأ الغلط فى حق الرضيع ، حيث يقرر الأهل فى لف حزام حول سرة الرضيع او وضع عملة معدنية على سرته تحت أمل انها تمنع الفتئ او تعالجه ..


و الكارثة الأكبر تحدث عندما تقرر الأم وضع مادة لاصقة أو بلاستر على سرة الرضيع لمنع الفتئ السرى ... فهى بهذه الطريقة لا تمنع الفتئ و انما تزيد من ازمة الطفل الرضيع 





لازم نعرف اننا بوضع بلاستر او أى شئ لازق على سرة الرضيع لعلاج الفتئ انما نحن نعمل على ظهور إلتهابات للطفل فى منطقة حساسة زى السرة .. و بكدة نبقى بنحول الطفل من رضيع بيعانى من مشكلة واحدة لمشكلتين ... مشكلة الفتئ السرى و مشكلة الالتهابات و التسلخات فى منطقة هامة و حساسة زى السرة .


و تانى حاجة لازم نتوقف عن استخدامها هى حزام السرة معتقدين خطأ ان حزام السرة برضه بيعالج الفتئ السرى ، أحب أقولكم ان حزام السرة مابيعملش اى شئ مفيد للبىبى لكن كمان بيضره .. لأن حزام السرة بيزود الألم عند الرضيع و بيزود احساسه بالمغص بسبب الغازات فى معدته و إللى مش عارفة تخرج بسبب حزام السرة  


 علاج الفتئ السرى :
 يكون بترك الفتئ إللى بيروح لواحده من نفسه مع عمر سنة و نصف بالأكثر مع عمر سنتين ....ف 95% من الأطفال إللى عندهم فتئ بيعالجوا نفسهما مع مرور الوقت نتيجة تقوية عضلات البطن .. عشان كدة أرجوكم اتتركوا الفتئ السرى فى حاله و ماحدش يقرب منه و هو ح يروح لواحده فى عمر سنتين 


و لكم تحياتى
مامى لأول مرة
http://la3ya3nyno.blogspot.com/

الأربعاء، 28 ديسمبر 2011

تعليم الأطفال الحروف العربى بالتشكيل


سمع طفلك او طفلتك الأغنية دى من عمر سنتين : 
- ح تساعده يتعلم الكلام بشكل أسرع
- ح تكتشف بعد شوية انه اتعلم الحروف
- ح تدخل السرور على نفسه و يفرح و يضحك و يمرح بانه بيغنى و بيسقف و بابى أو مامى قاعدين بيغنوا معاه




helwa arabic alphabet song
- Watch more Videos at Vodpod.





و لكم تحياتى
مامى لأول مرة

arabic alphabet song تعليم الحروف بالتشكيل مع مامى لأول مرة

تعليم الطفل الحروف من سن سنتين kid learning

سمع ابنك او بنتك الأغنية دى من عمر سنتين : 
- ح تساعد الطفل kid learning يتعلم الكلام بشكل أسرع
- ح تكتشف بعد شوية ان طفلك اتعلم الحروف 
- ح تدخل السرور على نفسه و يفرح و يضحك و يمرح بانه بيغنى و بيسقف و بابى أو مامى قاعدين بيغنوا معاه



the arabic alphabet:  kid learning
و لكم تحياتى
مامى لأول مرة

http://la3ya3nyno.blogspot.com/

تعليم الطفل الارقام من سن سنتين kid learning


سمع ابنك او بنتك الأغنية دى من عمر سنتين : 
- ح تساعد الطفل kid learning يتعلم الكلام بشكل أسرع
- ح تكتشف بعد شوية انه اتعلم الارقام
- ح تدخل السرور على نفسه و يفرح و يضحك و يمرح بانه بيغنى و بيسقف و بابى أو مامى قاعدين بيغنوا معاه





- Watch more Videos at Vodpod.



kid learning
the arabic number
و لكم تحياتى
مامى لأول مرة
http://la3ya3nyno.blogspot.com/

اغنية عالم سمسم


1st collector for اغنية عالم سمسم
Follow my videos on vodpod

لا تعصروا ثدى الرضيع



فى بعض الأحيان يولد الطفل و صدره متضخم بشكل ملحوظ ، و يكون هذا التضخم نتيجة انتقال بعض الهرمونات من الأم إلى جنينها ..

و هنا يبدأ خطأ الأهل .. فيبدؤا فى عصر ثدى الطفل لإخراج اللبن الموجود به – و هذا جرم عظيم فى حق الرضيع –

لأننا عندما نعصر ثدى الرضيع نعرضه لظهور خراج فى صدره .. طيب ليه ، يبقى ابنى حالته طبيعية و احنا بايدينا اللى نحوله لمريض حالته غير طبيعية .





عشان كدة ننصحكم و نرجوكم لو وجدتكم ثدى ابنكم الرضيع أو حتى بنتكم الرضيعة كبير بعد الولادة  اتركوه ... اتركوه حتى يصل عمر الطفل إلى شهر ، يعنى يتم شهره الأول .. لأن تعصير الصدر ح يتحول لخراج و يؤدى لإلتهاب الثدى و ارتفاع درجة حرارة الطفل الرضيع

و لكم تحياتى
مامى لأول مرة



الاثنين، 26 ديسمبر 2011

أول خطأ ترتكبه الأم فى حق طفلها الرضيع



 اعطاء الرضيع لبن صناعى :
و المشكلة تبدأ مع اول ساعة بعد الولادة ... فالجدة و الحماة يلاحظون ضعف لبن الأم بعد الولادة مباشرة ، و يبدؤا يلحوا عليها باعطاء اعشاب للرضيع او اعطاءه لبن صناعى و هنا تبدأ أول مشكلة


احنا بالشكل ده بنساعد على ان اللبن فى صدر الأم يبقى قليل جدا و مايزيدش .. لأن البىبى اول يتولد و يبدأ فى محاولات سحب اللبن من الأم فهذا يعمل على تنشيط الخلايا اللبنية فى ثدى الأم .. و ماحدش يقلق و يقول الطفل ح يبقى عنده سوء تغذية ... ده كلام غلط


لأن الطفل الرضيع إللى لسة مولود مش محتاج أكتر من 20 ألى 25 سنتى من لبن الأم على مدار اليوم ... و عشان كدة ح نلاحظ ان الرضيع بيفضل نايم طول الوقت  اول اسبوع من الولادة .. عشان كدة بنأكد ما حدش يدى لبن صناعى أول أربع خمس أيام و لا ندى أعشاب لأنها وسائل بتقلل فرصة الرضاعة الطبيعية


و لكم تحياتى
مامى لأول مرة

الجمعة، 23 ديسمبر 2011

نصائح هامة لحمام الطفل الرضيع



نصائح هامة لإعداد حمام الرضيع :
 قبل الاستحمام :
- لازم نحضر كل شئ محتاجه الطفل الرضيع قبل الحمام و من هذه الأشياء ، الفوط ، الصابون و الشامبو ، الكريمات ، الحفاضة ، الملابس
-     تأكدوا أن مصدر المياه في متناول أيديكم ، يعنى ماية الحمام تكون جاهزة فى بانيو البىبى أو إناء بلاستيكى ، و طبعا ماية الشطف كمان ... فالرضيع لن يتحمل حتى تقوموا بتدفئة المياة أو بتبريدها .. فكل شئ لابد ان يكون جاهز قبل خلع ملابس الطفل الرضيع
-    جهزوا كل شئ يقبل خلع ملابس الطفل و لا تتركوا الطفل الرضيع عارياً للبحث عن أي شئ.

خطوات تحضير ماء الحمام :
-     أملئوا حوض حمام الطفل الرضيع بالماء البارد ثم ابدئي بصب الماء الدافئ حتى تصل المياه إلى درجة الحرارة المناسبة
-     لمعرفة درجة الحرارة المناسبة انصحكم بوضع مفصل الذراع الداخلي (الكوع) في الماء هو قادر على ان يشعركم بالدرجة احقيقية للماء ، أو استخدموا ترمومتر بشرط ان مؤشره ما يزيدش عن 30 درجة .
-     يجب أن يكون ارتفاع الماء في حوض الحمام ما نص الحوض او تلتينه 2/3 من حجم الحوض

نصائح تخص خلع ملابس الرضيع :
-     لا تخلعوا ملابس الطفل الرضيع حتي تنتهوا من كل الترتيبات لأن الأطفال الصغار حساسين جدا لتغير درجة الحرارة و يشعرون بالبرد بسرعة
-     تأكدوا من نظافة مؤخرة الطفل الرضيع مكان الحفاضات حتى لا يلوث ماء الحمام ... و يفضل ان تغسل المقعدة قبل حمام البىبى
-     يفضل استخدام سائل الحمام الخاص بالطفل أفضل من الصابون .



اختيار مكان استحمام الرضيع :
- اختاروا غرفة دافئة لحمام الرضيع
-     و ان كان بانيو الرضيع سيكون مكانه الحمام ، يفضل تدفة الحمام و غلق الباب جيدا
-     و ان كان بالإمكان ان يستحم الرضيع فى حجرة نومه ، فنغلق باب الحجرة .. و ان كان الجو قارص البرد يفضل تشغيل المدفئة و لا نخرج الرضيع منها إلا بعد ان ينتهى الحمام و يلبس ملابسه نبدأ فى اطفاء الدافية ، و لا يفتح باب الحجرة إلا عندما يصبح جو الحجرة فى درجة حرارة باقى حجرات الشقة ، و لا يخرج منها الطفل إلا عندما  يجف شعره .

خطوات الاستحمام:
- احملوا الطفل الرضيع باليد اليسرى بحيث يكون ظهره مستنداً علي الذراع ورأسه على الكوع ، و إبدئ فى غسل مؤخرته بالماء الفاتر لتنظيف مكان الحفاض
- داعبوا الطفل الرضيع و حدثيه و ابتسمى له عندما وضعه في حوض الحمام 
-     بعد وضعه في الحوض ارفعي يدك من تحت مؤخرته على أن تظل يدك الأخرى خلف رأسه لتظل خارج مستوى الماء وابدئي في غسل جسده ... و أبداً لا تتركى رأس الرضيع من يدك و احرصى على ان الماء لا يصل لأذن الرضيع و لا فمه و لا انفه  
-     مرروا الصابون على جسم الرضيع ... و يفضل ان يكون الصابون السائل لأن الصابون الآخر يؤثر على بشرة الرضيع الحساسة
-      بعد غسل الطفل ارفعوه برفق من الماء .. و يساعدك أحد بلف البىبى فى فوطته  ثم تضيعه على مائدة الحمام الخاصة بالرضيع
- نشفوا جلد الطفل الرضيع و ضعوا عليه  الكريم الخاص بالرضع ... ولا تضعوا بودرة طفل للمؤخرة لأنها تتجمع في ثنيات الجسم وتتسبب في حساسية الجلد... ألبسوا الرضيع بسرعة و و البسوه غطاء الرأس و اللكلوك ..ولا تنسي قص أظافره و تنظيف أذنيه  .

و لكم تحياتى
مامى لأول مرة

الثلاثاء، 20 ديسمبر 2011

اطمنى على بنتك فى عمر ال_ 8 شهور



جالنا سؤال بيقول : 

انا بنتى عمرها 8 شهور ووزن الولاده كان 3 كيلو المفروض وزنها دلوقتى يكون اد ايه وتاكل ايه وكام وجبه فى اليوم وهيا لسه مش بتزحف بس بتجيب الحاجه من حواليها وطلعت سنه واحده كده كويس ولا ايه ؟؟

 الاجابة :
وزن الولادة جيد ... و بخصوص وزن الطفلة البنت فى عمر 8 شهور يتراوح ما بين سبعة كيلو و عشرة كيلو ده يتوقف على طولها ... بنتك دلوقتى ممكن تآكل الخضار المسلوق و المضروب فى الخلاط و تآكل فاكهة مسلوقة و مضروبة فى الخلاط .. و تآكل صفار بيضة ملسوقة – الصفار بس – و حطيهالها فى الزبادى او فى السيريلاك

و ممكن بيليلة مضروبة فى الخلاط ... و نصحك تقرى الموضوع ده ان شاء الله ينفعك
و الموضوع ده كمان

و بخصوص الزحف و التسنين بنتك كويسة و انصحك تقعديها فى الشمس كل يوم الساعة 3 و نص عصرا و لمدة نص ساعة .. و يا ريت تكونى بتديها كالسيوم ، خلى الطبيب المعالج يوصفلك الكمية حسب احتياجها

و قعديها على الأرض و حوليها شلت و مخدات من كل ناحية عشان لما تقع ما تقعش على الأرض .. و فى النص حطلها اللعب الكاوتش عشان تمسكها و تعضعض فيها ... و لما توطى تآخدها و تحاول تتعدل فعمودى الفقرى يبقى أقوى و بكدة تقدر تزحف بسهولة

اطمنى بنتك و الحمد لله كويسة أوى

و لكم تحياتى
مامى لأول مرة

عرفوا الأطفال إزاى الصبح بيصحى


عرفوا الأطفال إزاى الصبح بيصحصح و بعدين يبقى نشيط و سريع و قوى


- Watch more Videos at Vodpod.


و لكم تحياتى
مامى لأول مرة
http://la3ya3nyno.blogspot.com/

معلومات مهمة نكلم الطفل فيها kid learning



عايزين نبدأ ندرب الطفل على التعرف على ربنا ..kid learning الموضوع ده يحصل ما بين سن 3 سنين و خمسة ... و افضل طريقةkid learning للتقريب بين الطفل و الله عز و جل  و وجود خط للحب بينه و بين ربه ، ان نربط بين  كل شئ خلقه الله و يحبه الطفل و بين الله ... بمعنى :
 نقول للطفل ان ربنا إللى جبلنا الحاجة الفلانية إللى انت بتحبها .. يعنى لو الطفل بيحب البرتقال ، أقوله ربنا هو إللى خلقه لنا .. بيحب اللألعاب ، نقوله ربنا خلق لنا الناس إللى عملت لنا اللعب الحلوة دى .

و من وقت للتانى kid learning نعلم الطفل الإجابات دى بعد ما نسأله :

1/ مَنْ رَبُّك؟  رَبِّي الله
2/  مَا دِينُك؟  دِينِي الإِسلام
3/  مَنْ نَبِيُّك؟   نَبيِّي مُحمَّدٌ – صلّى الله عليه وسلَّم-
4/ مَا كِتابُك؟   كِتابي هو القُرآنُ الكريم
 5 / مَن الذي خَلَقَنا ورَزَقَنا؟  اللهُ الذي خَلَقَنا وَرَزَقنا
  6 /  مَن الذي خَلَقَ اللَّيل والنَّهار والشمس والقمر؟ اللهُ الذي خَلَقَ اللَّيلَ والنَّهارَ والشّمسَ والقمر
7 /  لماذا خَلَقَنا اللهُ؟  خَلَقَنا اللهُ لِعبَادتِه
8/  ما كلمةُ التوحيدِ؟  لا إله إلا الله
 9/  أينَ الله؟  اللهُ في السّماء
 10/ ما واجبنا نحو الله؟ عبادتُه وطاعتُه وشكرُه على نِعَمِه                                 
11/ ما واجِبَنا نحو النَّبي -صلَّى الله عليه وسلَّم- ؟ حُبُّه وطاعتُه فيما أمر
12/ ما هو القرآن؟  كلامُ الله
13/ ما واجِبَنا نحو القرآن؟نَتلوهُ ونَحفظُه ونَعملُ بهِ

و إللى يواجه أى سؤال من طفله و ما يعرفش يرد عليه مع ابنه يا ريت يبعتلنا و احنا ان شاء الله نساعده                  
kid learning
و لكم تحياتى
مامى لأول مرة

تعليم الاحاديث النبوية للاطفال kid learning




يمكنكم تعليم الأطفال الأحاديث النبوية من سن أربع سنوات  kid learning

قال رسول الله صلى الله عليه و سلم :((خيرُكم مَن تعلَّم القرآنَ وعلمّه ))
            قال رسول الله صلى الله عليه و سلم  : (( الرَّاحِمونَ يَرحَمُهم الله ))
           قال رسول الله صلى الله عليه و سلم  :  (( الصِّدقُ يَهدي إلى البِرّ ))
             قال رسول الله صلى الله عليه و سلم  : (( الكلمةُ الطيِّبةُ صدقة ))
             قال رسول الله صلى الله عليه و سلم  :  (( مَن غشّنا فليسَ منَّا))
             قال رسول الله صلى الله عليه و سلم  :  (( كلُّ معروفٍ صَدقة ))
            قال رسول الله صلى الله عليه و سلم  :  (( المُسلمُ أَخو المُسلِم ))
             قال رسول الله صلى الله عليه و سلم  : ((الحياءُ مِنَ الإيمان ))
            قال رسول الله صلى الله عليه و سلم  : ((لا يَدخلِ الجنَّةَ نَمّام ))


 ممكن و احنا بنعلم الطفل الأحاديث و بنشرحه معناها يسألنا هو مين الرسول 
نقوله هو 
هو نبى الله إللى اختاره عشان يوصل لنا تعاليم الدين 
                                و اسمه : مُحمّدٌ بنُ عبداللهِ بنُ عبدِالمطَّلِب
                  ما اسمُ أبيه؟  عبدُالله
                  ما اسمُ أُمه؟  آمنةُ بنتُ وَهب
                   ما اسمُ مرضعتِه؟  حليمةُ السعدية
     مع مَن عاشَ بعدَ موتِ أُمه؟  عاشَ مع جدِّه عبدُالمطَّلب
   مَن أخذه بعدَ موتِ جدِّه؟   عمُّه أبو طالِب
 ما اسمُ المَلََك الذي نزلَ عليه؟  جبريلُ –عليه السلام-
 بأيّ شيءٍ كان يُعرَف بين قومِه؟  بالصادقِ الأمين
إلى أين هاجر؟  إلى المدينةِ المنورة
 مَن أوَّل مَن آمنَ به من الرِّجال؟  أبو بكرٍ الصدِّيق 
 مَن أوَّل مَن آمنَ به من النِّساء؟ خديجةُ بنتُ خويلِد –رضي الله عنها-
مَن أوَّل مَن آمنَ به من الصبيان؟علي بن أبي طالب


و لكم تحياتى
مامى لأول مرة

الاثنين، 19 ديسمبر 2011

تعليم الطفل اذكار دخول المنزل و الخروج - اذكار الصباح و المساء للأطفال



kid learning
أذكارُ دخولِ المنزلِ والخروجِ منه
                                    - عند دخول المنزل أقول: 
                  ((بسمِ الله ولَجنا وبسمِ الله خرجنا وعلى ربِّنا توكلنا))
                 - عند الخروج من المنزل أقول:
                 ((بسمِ الله، توكلتُ على الله، ولا حولَ ولا قوةَ إلا بالله))


kid learning:
           أذكارُ الصباحِ والمساء

        -  من أذكار الصباح:
    ((اللهم بكَ أصبحنا وبكَ أمسينا وبكَ نحيا وبكَ نموتُ وإليك النشور))
    (( بسمِ الله الذي لا يضرُّ مع اسمِه شيءٌ في الأرضِ
      ولا في السماءِ وهو السميع العليم ))
    - من أذكار المساء:
  (( اللهم بكَ أمسينا وبكَ أصبحنا وإليكَ المصير))
  ((أعوذُ بكلماتِ اللهِ التاماتِ مِن شرِّ ما خَلَق))




kid learning
   أذكارٌ وأدعيةٌ متنوعةٌ

- عند نزول المطر أقول:
     ((اللهم صيّباً نافعاً))
- من صنع إليّ معروفاً أقول له:  
       جزاك اللهُ خيراً


و لكم تحياتى
مامى لأول مرة
http://la3ya3nyno.blogspot.com/

تعليم الطفل اذكار النوم و الأكل kid learning






أهل كتير بيسألوا ... ممكن أعلم طفلى اذكار النوم او الأكل ؟؟
أكيد ، ممكن kid learning
و الموضوع ده يبدأ من سن خمس سنوات

قبل النوم ندخل مع الطفل لادوة نومه و نبدأ نحكيله حدوتة قبل النوم و فى آخر الحدوتة و بعد ما نتأكد انه اتبسط منها ، نقوله و لما البطل - بطل الحدوتة - دخل ينام بدأ يقول  اذكار النوم



kid learning
أذكارُ النوم
                                     - قبلَ النومِ أقول:
                                  (( باسمِكَ اللهم أموتُ وأَحيا ))
                  - إذا استيقظتُ أقول:
                   ((الحمدُ للهِ الذي أحيانا بعد ما أماتنا وإليه النشور))

اذكارات الطعام سيتعود عليها الطفل لما يلاقى الام و الاب بيرددوها مع كل وجبة ... فعلى الهل اولا تعلم اذكار الطعام و هى 




kid learning
         أذكارُ الأكل
      - عندما أبدأُ الأكلَ أقول:  (( بسمِ الله الرحمن الرحيم))
     -  عند نسيان البسملة في أول الأكل أقول: (( بسمِ اللهِ أولُه وآخرُه ))
     - عند الانتهاءِ مِن الأكلِ أقول: ((الحمدُ للهِ الذي أطعمنا هذا
     ورَزقنِيه مِن غيرِ حولٍ منِّا ولا قوّة ))


و لما الطفل يدخل الحمام ، ما ينفعش أمنعه عن قضاء حاجته عشانت أعلمه حاجة .. لكن بعد ما ينتهى أعلمه اذكار الخلاء و أبدأ اعلمه يقول إيه و هو خارج ، و بعدن أعلمه ح يقول إيه و هو داخل


kid learning
     أذكارُ الخلاء
  - عند دخولِ الخلاءِ (الحمَّام): أُقدّم رجلي اليسرى وأقول:
     ((بسمِ الله، اللهم إني أعوذُ بكَ مِن الخُبُثِ والخَبائِث))
- عند الخروجِ مِن الخلاء: أقدّم رجلي اليمنى
   وأقول: ((غُفرانُك))

و لكم تحياتى
مامى لأول مرة

تعليم الطفل آداب الطعام - من سن تلت سنوات


أ أختار نقطة نقطة من النقاط التالية و ابدأ تدريب الطفل عليها لمدة اسبوع _ و بعد التاكد من ان الطفل عرف و فهم و حفظ بس لسة محتاج حد يفكره ادخل على المرحلة التانية و هى تحفيظ الطفل الخطوة التالية 

و ما اتنقلش للخطوة إللى بعدها إلا لما اتأكد ان الطفل هو إللى بدأ يفكرنى بضرورة غسل الإيدين قبل الأكل مثلا او قول بسم الله الرحمن الرحيم قبل الأكل او النقطة إللى انا دربته عليها

                                 
 آدابُ الأكل
                                1/ أَغسِلُ يدي قبلَ الأكل
                                2/ أقولُ: بسمِ الله الرحمن الرحيم - قبل الآكل
                 3/ آكلُ بالإيد اليمينِ ومِن أمامي والقريبُ منِّي
                 4/ لا آكلُ متكئاً ولا مضطجعاً و لا معوج و نايم 
                 5/ لا أتكلَّمُ وفي فَمِي طعام - لازم أبلع الأول و بعدين أتكلم 
                 6/ لا أَعيبُ الطعام
                 7/ امضغ الطعام جيدا ، و امضغ الطعام و الفم مقفول
                 8/ أقولُ: (الحمدُ للهِ) بعد الانتهاء مِن الأكل
                 9/ أَغسِلُ يدي وأُنظِّفُ أسناني بعد الأكل

        آدابُ الشرب
      1/ أقولُ: بسمِ الله الرحمن الرحيم
      2/ أَشربُ باليمين
      3/ أَشرَبُ بهدوءٍ ومِن كأسٍ نَظيف
      4/ لا أَشرَبُ مِن فَمِ الإزازة
      5/ لا أَتنفّسُ في الإناء
     6/ أقولُ: (الحمدُ للهِ)
             
و لكم تحياتى
مامى لأول مرة
http://la3ya3nyno.blogspot.com/

الجمعة، 16 ديسمبر 2011

علموا اطفالكم الصلاة - بعد ما تراجعوا معلوماتكم أولا



يا كل أب و يا كل أم ياللة نعلم اطفالنا الصلاة ... و أول خطوة لتعليم الطفل الصلاة ، ان المعلم نفسه يكون بيصلى .. يعنى لو الأب إللى ح يتابع موضوع الصلاة مع اطفاله ، يبقى لازم يكون هو نفسه بيصلى ، و يحبب الأطفال فى الصلاة من و هما رضع ... و المقصود بالرضيع هنا من هم أقل من سنيتن ... فعندما تقرر الأم ان تقوم للصلاة تطلب من طفلها ان يحضر لها الإسدال أو الطرحة ، و ان كان الأب سيقوم للصلاة يبقى يطلب من ابنته ان تحضر له سجادة الصلاة 


و بهذه الطريقة يشعر الطفل بأنه شريك فى الموضوع و يبدأ يشارك في الصلاة بالتقليد ... و يأخذ فى الركوع و السجود ، و الهمس بتحريك الشفاة دون ان يعلم ما تقوله الأم او  الأب


لكن الخطوة الثانية الواجب ان نقوم بها كلنا قبل ان نعلم اى شخص الصلاة اننا نراجع مع بعض اركان الصلاة و سننها عشان ما ننقلش حاجة غلط و خصوصا للطفل الأكثر حساسية و الكائن الوحيد على امتصاص اى معلومة بنقولهاله و ما بيفكرش فى تغيرها الى ما شاء الله .. و ممكن المعلومة اللى الطفل اتعلمها النهاردة تفضل معاها و ما يغيرهاش ابدا 

و  عشان كدة احنا لازم نراجع مع بعض كل معلومة ح ننقلها للطفل 
بينا نبدأ




اركان الصلاة و سننها  :
سنن الصلاة كثيرة ، منها القولية ، ومنها الفعلية ...  ولا تبطل الصلاة بترك  السنن ، ولو عمدا .. لكن الامر يختلف بالنسبة للأركان والواجبات .

والفرق بين الركن والواجب : أن الركن لا يسقط عمدا ولا سهوا ، بل لابد من الإتيان به .
أما الواجب : فيسقط بالنسيان ، ويجبر بسجود السهو أي لا يجب عليه الإتيان به إذا تجاوز محله، ويجبره سجود السهو.
ولعل من المناسب هنا أن نذكر أركان الصلاة وواجباتها ، ثم شيئاً من سننها ، معتمدين في ذلك على ما في متن "دليل الطالب" وهو مختصر مشهور عند فقهاء الحنابلة :

 أولا : أركان الصلاة ، وهي أربعة عشر ركناً ، كما يلي :
1-      النية
2-      تكبيرة الإحرام وهي الله أكبر .
3-      القيام في الفرض على القادر .
4-      قراءة الفاتحة .
5-      الركوع ، وأقله أن ينحني بحيث يمكنه مس ركبتيه بكفيه ، وأكمله أن يمد ظهره مستويا ويجعل رأسه حياله .
6-      الرفع منه .
7-      الاعتدال قائما .
8-      السجود ، وأكمله تمكين جبهته وأنفه وكفيه وركبتيه وأطراف أصابع قدميه من محل سجوده . وأقله وضع جزء من كل عضو .
9-      الرفع من السجود .
10-  الجلوس بين السجدتين . وكيف جلس كفى ، والسنة أن يجلس مفترشا على رجله اليسرى وينصب اليمنى ويوجهها إلى القبلة .
11-  الطمأنينة وهي السكون في كل ركن فعلي .
12-  التشهد الأخير .
13-  الجلوس له وللتسليمتين .
14-  التسليمتان ، وهو أن يقول مرتين : السلام عليكم ورحمة الله ، ويكفي في النفل تسليمة واحدة ، وكذا في الجنازة .
15-  ترتيب الأركان كما ذكرنا ، فلو سجد مثلا قبل ركوعه عمدا بطلت ، وسهواً لزمه الرجوع ليركع ثم يسجد .


 ثانيا : واجبات الصلاة ، وهي ثمانية :
1-      التكبير لغير الإحرام, تكبيرات الانتقال في محلها، ومحلها ما بين بدء الانتقال وانتهائه.
2-      التسميع: أى قول: سمع الله لمن حمده عند الرفع من الركوع، وهو واجب على الإمام والمنفرد دون المأموم.
3-      التحميد: وهو قول: ربنا ولك الحمد بعد الرفع من الركوع، وهو واجب على الإمام والمأموم والمنفرد.
4-      التسبيح في الركوع، وهو قول: سبحان ربي العظيم.
5-      التسبيح في السجود، وهو قول: سبحان ربي الأعلى.
6-      قول: ربي اغفر لي. في الجلوس بين السجدتين.
7-      التشهد الأول والجلوس له.





ثالثا : سنن الصلاة القولية ، وهي إحدى عشرة سنة ، كما يلي :
1-      قوله بعد تكبيرة الإحرام : " سبحانك اللهم وبحمدك ، وتبارك اسمك ، وتعالى جدك ، ولا إله غيرك " ويسمى دعاء الاستفتاح .
2-      التعوذ .
3-      البسملة .
4-      قول : آمين .
5-      قراءة السورة بعد الفاتحة .
6-      الجهر بالقراءة للإمام .
7-      قول غير المأموم بعد التحميد : ملء السماوات ، وملء الأرض ، وملء ما شئت من شيء بعد . (والصحيح أنه سنة للمأمون أيضاً) .
8-      ما زاد على المرة في تسبيح الركوع . أي التسبيحة الثانية والثالثة وما زاد على ذلك 
9-      ما زاد على المرة في تسبيح السجود .
10-  ما زاد على المرة في قوله بين السجدتين : رب اغفر لي .
11-  الصلاة في التشهد الأخير على آله عليهم السلام ، والبركة عليه وعليهم ، والدعاء بعده .  

رابعا : سنن الأفعال ، وتسمى الهيئات :
1-      رفع اليدين مع تكبيرة الإحرام .
2-      وعند الركوع .
3-      وعند الرفع منه .
4-      وحطهما عقب ذلك .
5-      وضع اليمين على الشمال .
6-      نظره إلى موضع سجوده .
7-      تفرقته بين قدميه قائما .
8-      قبض ركبتيه بيديه مفرجتي الأصابع في ركوعه ، ومد ظهره فيه ، وجعل رأسه حياله .
9-      تمكين أعضاء السجود من الأرض ومباشرتها لمحل السجود سوى الركبتين فيكره .
10-  مجافاة عضديه عن جنبيه ، وبطنه عن فخذيه ، وفخذيه عن ساقيه ، وتفريقه بين ركبتيه ، وإقامة قدميه ، وجعل بطون أصابعهما على الأرض مفرقةً ، ووضع يديه حذو منكبيه مبسوطةً مضمومةَ الأصابع .
11-  الافتراش في الجلوس بين السجدتين ، وفي التشهد الأول ، والتورك في الثاني .
12-  وضع اليدين على الفخذين مبسوطتين مضمومتي الأصابع بين السجدتين ، وكذا في التشهد إلا أنه يقبض من اليمنى الخنصر والبنصر ويحلق إبهامها مع الوسطى ويشير بسبابتها عند ذكر الله .
13-  التفاته يمينا وشمالا في تسليمه .


وأما مكروهات الصلاة فكثيرة أيضاً منها:
1-      السدل، وأقرب الأقوال للصواب في تعريفه: هو أن يطرح المصلي ثوباً على كتفيه، ولا يرد أحد طرفيه على الكتف الأخرى.
2-      اشتمال الصماء، وهي: أن يتجلل الرجل بثوبه، ولا يرفع منه جانباً، ويدخل يديه من داخل فيركع ويسجد وهو كذلك، وإنما قيل لها صماء، لأنه يسد على يديه ورجليه المنافذ كلها كالصخرة الصماء التي ليس فيها خرق ولا صدع.
3-      التلثم: وهو تغطية الفم بثوب ونحوه.
4-      كف الشعر والثوب، أي ضمهما وجمعهما احترازاً من الانتشار أو التراب.
5-      التشبه بالكفار، كوضع اليدين على الخاصرة، أو شد الوسط كالزنار، ونحو ذلك.
6-      التشبه بالحيوان، كإقعاء الكلب في جلوس التشهد وهو: إلصاق الأليتين بالأرض، ونصب الساقين، ووضع اليدين على الأرض. وانبساط الكلب في السجود وهو: أن يلصق ذراعيه بالأرض وهو ساجد، وكالتفات الثعلب عند السلام، ونحو ذلك.
8-      الحركة القليلة لغير حاجة، ومن ذلك الالتفات بالوجه أو العبث باليد في الثوب، أو اللحية، ونحو ذلك.
9-      إلصاق البطن بالفخذين حال السجود.
10-  الصلاة في ثوب أو مكان مُلهٍ، وغير ذلك.


و لكم تحياتى
مامى لأول مرة

midlle ad