الثلاثاء، 24 يناير 2017

لعلاج فيروس الروتا للرضع

فيروس الروتا :
شهر  ديسمبر من الشهور المعروف عنها
انتشار فيروس_الروتا ... وهو فعلا منتشر الأيام دي بشكل كبير 


اعراض فيروس الروتا :
1-            هذا الفيروس من أشهر الفيروسات التي تسبب  النزلات المعوية في الأطفال خاصة إذا كان عمرهم أقل من ٥ سنوات
لعلاج فيروس الروتا :
- إعطاء الطفل محلول معالجة الجفاف فورا بعد كل مرة إسهال أو ترجيع لحين عرض طفلك على الدكتور، ولازم يكون بالملعقة الصغيرة
- رجاءا عدم الاستعجال وإعطاء الطفل  المضاد الحيوي بحجة إيقاف الإسهال والترجيع وقتل الميكروب وخاصة الحقن علشان نجيب من الآخر وكأننا داخلين معركة
-  ممنوع إعطاء أدوية المضادة للاسهال  مثل أنتينال - سيمكتا - ديا استوب ... لأن الإسهال ده مجرد  رد فعل من الأمعاء لمحاولة التخلص من الفيروس، والأدوية دي بتحبس الفيروس في الأمعاء ، فلا تستخدموها
- لا توقفي الرضاعة الطبيعي بحجة إن الطفل بيرجع  ... بالعكس لازم تزودي عدد الرضعات وتقللي الكمية عن طريق تقليل وقت الرضعة ... و الطفل اللي بيرضع صناعي مش لازم الببرونا الواحدة ... لكن ممكن تخلص على طول اليوم


-  ممنوع السفن أب اللي نرجه ونعطيه للطفل والمياه بسكر .. وممنوع  الملينات مثل النعناع - الينسون – الكراويه ... ممنوع السكريات مع الإسهال تماما ... ممنوع الزيوت والأكل المسبك ، طفلك بطنه فيها اللي مكفيها
- ابنك لو سخن حطيه في مياه فاترة ...و بلاش اللبوس مع الإسهال لأنه ملوش لازمة هينزل مش ح يقعد فى الجسم ... و ممنوع  لبوس مع النزلة المعوية و حيزود الحموضة والترجيع ..
- ممنوع ذهاب طفلك للحضانة أو المدرسة علشان ميعديش زمايله، والمرض ميزيدش عليه.
و لكم تحياتى
مامى لأول مرة