الخميس، 8 ديسمبر 2016

الرياضة تحل مشاكل كل أب و كل ام و طبعا كل طفل

الرياضة ثم الرياضة ثم الرياضة
الرياضة لك و لطفلك
الرياضة ليومية هى السحر الفعلى و العملى لكل المشاكل
و احنا هنا بنكلم الأم ... مش بس عشان تهتم بالرياضة لطفلها ، لكن كمان للأم نفسها ... الأم اللى بتمارس الرياضة بتكون نفسيتها مختلفة و قدرته على تحمل صعاب الحياة و مشاكل اسرتها بتكون مختلفة ... الرياضة مش بس بتحافظ على جسمنا لكن للرياضة أثر سحرى للحياة اليومية


الأثر السحري للرياضة اليومية :
الرياضة فعلا سحر وبتعمل في الجسم والمخ والنفسية والشخصة ما لا يمكن تخيله
ركزوا معايا ...الرياضة أولها كارديو .بمعنى إنك بتدي أوامر لعضلة القلب إنها تضخ الدم بقوة أكبر وبسرعة أكبر في كل أعضاء وخلايا الجسم .. يعني الدورة الدموية كلها هتشتغل بمعدلات أعلى في وقت أقل ودة سر المعجزة في حد ذاتها .
.
القدرة الفائقة لعملية الضخ إنها تنضف كل خلايا الجسم من الشوائب والسموم ..
القدرة العجيبة لفكرة ضخ الدم من إنها تحسن وظائف كل خلايا الجسم ..
تخيل معايا
(
كل خلايا الجسم ) وبالتالي المناعة بتتحسن
..
و الموصلات العصبية هيتم إفرازها بمعدلات صحية ( سيروتونين ودوبامين وخلافه ) يعني السعادة والبهجة والثقة في النفس .. خلايا المخ ( التركيز والانتباه وضبط معدلات النوم ونشاط الجسم ..وكله بقى كبد وطحال ورئة وقوانص بقولك كل خلايا الجسم .. تخيل بقى
______________________________
ثانيا كل أعضاء الجسم بيوصلها دم متدفق لكن مش بتتحرك مع الرياضة .. لكن العضلات الإرادية بتتحرك .. ودة بيحسن من كفاءة العضلات وقوتها وشكلها وده مهم للراجل والست
_______________________________
ثالثا المفاصل والأربطة اللي بتشتغل مع الرياضة .. يعني كفاءتها بتزيد وبتقلل احتمالات ضعفها مع تقدم السن
الخلاصة:

الرياضة هي إكسير الحياة بجد .. هية اللي بتحسن كفاءة أجهزتك ومناعتك ومودك وثقتك في نفسك وقوة جسمك وشكله .. هية اللي هتظبط أكلك ونومك ونشاطك اليومي
هية اللي عندها سحر إنها تكرهك في الأكل غير الصحي وهتسد نفسك عن التدخين
عايز تقاوم القلق الاكتئاب أو تعالجهم .. إلعب رياضة
عايز تخس .. إلعب رياضة
عايز تظبط مودك وشخصيتك وثقتك بنفسك .. إلعب رياضة
عايز تقاوم أي مرض أو تقلل جدا من احتمالات حدوثه ... إلعب رياضة
عايز تظبط نومك وأكلك وتركيزك ومذاكرتك تتحسن .. إلعب رياضة
عايز تلعب .... إلعب رياضة

و لكم تحياتى
مامى لأول مرة