بنتى عنده تسع شهور و بقالها تلت تيام عنده ورم تحت عنيها
و فى جفنها من فوق و النهاردة حرارتها
ارتفعت ، ادتلها لبوس سيتال ماعملش حاجة ، و مافيش اى افرازات هو ورم و بس ... و
غيرتها اللبوس الخافض للحرارة برضه ما عملش حاجة ، ودتها للدكتور قالى ده نزلت برد
فى عنيها و ادنا دوا و علاج للبرد و خافض للحرارة استعمله عند اللزوم بس برضه
السخونية ما بتنزلش و لسة حرارتها 40 ،
كلمت الدكتور و شرحت له الوضع ، قالى لو دوا السخونية ما عملش
حاجة اديها حقن و على فكرة كنت باديها مضاد حيوى و بره مافيش فايدة الحرارة اربعين
، انا خايفة على البنت اوى و مرعوبة الحرارة دى توصل للمخ تعملها تشنجات
الاجابة من الدكتور رفعت الجابرى :
بنتك عندها ميكورب اسمه " كلاميديا " ده
ميكروب غريب شوية ، بيعمل التهابات فى العين و بيسخن الأطفال ، مشكلة الميكروب انه
بيصيب الرضع و بيأثر عليهم بسرعة عشان كدة لازم الرضيع
يآخد مضاد حيوي "
اديسترومايسن " لمدة خمس ايام مع مخفضات للحرارة كل اربع ساعات عشان الحرارة
ممكن تفضل طالعة نازلة يومين تلاتة كمان ، و تعملى كمدات مع خافض الحرارة ،
الكمدات مهمة جدا بس تكون ماية من الحنفية مش من التلاجة عشان ما تعملش صدمة عصبية
للبنت ، و كمان تستعملى نوعين من خافض للحرارة نوع تخده الأول و بعد اربع ساعات
تآخد النوع التانى و بعد اربع ساعات تانيين نرجع للنوع الأول ، و السبب فى كدة ان
اى خافض للحرارة لازم نستخدمه كل تمن ساعات و ما تقلقيش دى حاجة ح تختفى خلال يوم
او يمين بس تآخدى المضاد الحيوى الصح و الجرعة تكون مظبوطة
و لكم تحياتى
مامى لأول مرة
