الخطوات اليومية للاستعداد للمدرسة - back to school

هدفنا النهاردة ندور على وسيلة نريح بيها كل ام طالع روحها مع اولادها خصوصا ايام المدرسة

ما حدش يزعل من لفظ " طالع روحها " ... عشان ده الوصف الحقيقى لكل ام دايرة فى طاحونة الأمومة من غير رحمة

خطوت يجب القيام بها حتى لا تشعر الأم بضغط ايام المدرسة :

-        جهزى كل حاجة قبل ما تنامى ، الشنطة و الأحذية و لبس المدرسة و حاجات السندوتشات

-        يجب ان تستيقظى مبكرا نصف سعة تشربى فيها حاجة قبل ايقاظ الأطفال للمدرسة و بكدة تكونى  فوقتى و صحصحتى حاسة انك هادية و اعصابك مش مشدودة و ما قمتيش من السرير على المهمة العسكرية فورا

-        لازم نعلم اطفالنا ان يقوموا باشياء الصغيرة بمفردهم مثل غسل الوجه و الأسنان و اكل الفطار و يلبس ملابسه لواحده

-        لازم يفطروا قبل ما يروحوا المدرسة  و على الأقل يشربوا كوب اللبن عشان مستوى اللبن بيقل و بيكون سبب فى تقليل التركيز

-        حاولى يا كل ام تبتسمى كل صباح فى وجه طفلك و هزرى معاهم ده ح يفرق معاهم جدا و ح يأثر فى نفسيتهم جدا و ح يساعدك فيما بعد

-        اقفلى التليفزيون تمام فى معاد العودة من المدرسة او الذهاب الى النوم عشان يركزوا مع النوم او مع البدئ فى عمل الواجب المدرسى و المذاكرة

-        لازم تتواصلى مع المدرسة و تعملى زيارة للمدرسين و تعرفى اخبار اولادك ده بيزود ثقتهم  فى نفسهم و بيدعم الصغار و بيقوى علاقتهم بالمدرسة

-        لما الأهل و خاصة الأب و الأم بيسأل الصغار عن اخبار المدرسة ، ده بيقوى علاقة الاطفال بالأهل جدا و بيشعرهم بالاهتمام

-        يا كل ام لا تتعصبى ابدا و لا تغضبى من شكوى اطفالك من المدرسة حتى يعتادوا ان يتحدثوا اليك بمشاكلهم ، و استغسرى من المدرسين عن مشكة اطفالك و لا تتهاونى فى حقهم ابدا حتى تقوى لديهم الاحساس بالثبات و القوة و ستجدى انهم فى القريب العاجل سيكونوا سندا لك و سيحلوا لك مشاكلك بنفس الطريقة

-        لازم يكون فى وقت للعب مع  أطفالك ، ما ينفعش يوم يعدى من غير ما تلعبوا مع بعض

-        و اهم شئ اننا ندعوا لأطفالنا عند كل صلاة ان ربنا يوفقهم و يهديهم ، فنحن مجرد أسباب

-        احصرى ان تكون نفسيتك هادية و رايقة ، اعملى أى حاجة بتحبيها عشان تقدرى على حمل المسؤلية الضخمة اللى على كتافك ... عشان كدة لازم تخصصى وقت لنفسك تعملى فيه أى حاجة بتحبيها

و لكم تحياتى

مامى لأول مرة