الأحد، 27 ديسمبر، 2015

ابنى جتله نازلة و رافض الأكل تماما

لو سمحت انا ابنى تعب جاتله نازلة ورافض الاكل تماما ماعدا الفراخ ياكل جزء صغير جدا بس اعمل ايه مع العلم انه خلاص بدا يخف اعمله ايه وهو ازاى اعرف نسبة الحديد عنده كام وهو عنده نقص كالسيوم والدكتور اداله وان الفا خمس نقط هل هو المفروض ياخد حاجة معاه ولا هوبس وانا جبت لابنى علبة لبن صناعى على اساس اعمله بيه شوفان ارز ازاى استخدمه وهل يمكن الاحتفاظ بالاكل المعمول بيه قد ايه واسفة انى طولت
معلش انا اسفة انا سالت الدكتور وقالى ياخد وان الفا مع هاى كال هل ادي الاتنين وراه بعض على طول ولا استنى شوية مابين قد ايه

مدونة " مامى لأول مرة "
نسبة الحديد بيتعمل بالتحليل ... الكالسيوم و نقص الكالسيوم مالهمش دخل بالحديد و ناقصه ... بالنسبة للشوفان ح تلاقيه مكتوب على العلبة عدد الملاعق وكمية اللبن ... الأكل يستخدم مرة واحدة فقط ، يعنى ما يتبقى ترميه ، لكن لو عاملة بطاطس مسلوقة او شربة خضار مضروبة فى الخلاط ، تشليها فى علبة مخصوص فى الفريزر بتعيش لمدة تلت تيام فقط ... و اللى بيطلع من الفريزر لو ما اتكلش يترمى ، ما يرجعش الفريزر تانى و لا يتشال فى التلاجة لأنه بيعمل باكتيريا ضارة بالطفل