السبت، 12 ديسمبر، 2015

بنتى كانت بتآكل و فجأة بطلت أكل ... اعمل ايه ؟؟

السؤال ده وصل لمدونة : " مامى لأول مرة "
و يهمنا نشاركم التجربة دى لأنها مهمة و أكيد ح تفيد كل الأمهات

السؤال : 
لو سمحتى انا بنتى عمرها سنة وشهرين و18 يوم بالظبط هى بترضع طبيعى وبس
كانت احيانا بتاكل وحاليا مش بتاكل خالص وكان وزنها 8ك عند سنة
وحاليا طلعت 7 اسنان ومش متظبطه ليها يومين تلاته ومش عارفه اعمل ايه
وانا نفسى افطمها ممكن تساعدونى ؟


اجابة مدونة " مامى لأول مرة " 
احنا مش قادرين نفهم يعنى ايه عمرها سنة و بترضع من غير أكل ..... انتى ما اكلتهاش خالص ؟؟؟ وضحلنا عشان نقدر نجاوبك

الاجابة1 : كانت بتاكل وبعدين بطلت ... زبادى وبسكويت باللبن وممكن اكل من اللى احنا بناكل منه

الاجابة النهائية مدونة " مامى لأول مرة " 
حبيبتى انتى لازم تكونى بتأكلى بنتك من أكل البيت من ست شهور ... و ده سبب مشكلتك ، بنتك معدتها قفلت .... من فضلك تبطلى الرضاعة بالنهار خالص ، و تأكليها الصبح بسكوت باللبن البقرى ... و بعد تلت ساعات تديها حتة جبنة نستو تمصمص فيها و بعد ساعة تأكليها شوية صغيرة جدا رز و خضار مهروسين كويس جدا و عليه حتة لحمة مفتفتة كأنها لحمة مفرومة ، بعدها باربع ساعات تديها زبادى ... بالليل ترضعيها .... طبعا لو لقيتى بنتك مش قادرة تآكل اديها شوية بشوية عشان معدتها تفتح تانى ، ما تأكليهاش كميات كبيرة عشان ما ترجعش .... و بعد ست شهور وقفى الرضاعة بالليل خالص
 و لو واجهت اى مشكلة ابعتلنا .... و طبعا بعد كل أكلها شربيها شوية ماية معدنية او ماية من الفيلتر ، شوية صغيرة .... فى كوبايات مخصوصة لشرب الأطفال من عمر سنة