top ad

السبت، 14 نوفمبر 2015

طريق السعادة لكل ام - عايزة تبقى سعيدة ؟ اقرى و نفذى


إلى كل أم.. ارجوكى راعى حالتك النفسية و الصحية فأنتى عماد الأسرة و عمودها الفقرى 

يا كل ام من فضلك     ما تاكليش البواقى لأن ده بيترك أثر سئ فى عقلك الباطن و انك اصبحتى سلة مهملات ... كما يعودك الاكل بشكل زائد عن حاجتك 


و بنفس المنطق لا تشربي مطرح كبايات الولاد اللى اتبهدلت..



يا كل ام اعتنى بنفسك و انسانيك و لا تهملى احتياجاتك الأولية ... من فضلك لما تحبى تكلى و انتى لوحدك فى البيت كلى ... سخنى الأكل قبل ما تاكليه..
زوقى الطبق لنفسك..
متشربيش ف بلاستيك..
كلى فى الطقم الصينى ..
كلى وانتى قاعده..
اقعدى ف مكان مريح وانتى بتاكلى..
متقوليش مبعرفش آكل لوحدى..
إستمتعى بالأكل..أمضغيه كويس وبدون عصبيه..
متاكليش أكل مش بتحبيه..


لو تعبانه ومش قادره تطبخى ... هاتى أكل جاهز ... روحى عند مامتك ... كلوا اى حاجة ان شا الله بيض و تونة او فول ... المهم تكونى مرتاحة 
مش لازم كل يوم وليمه..
ماله الجبة و البطيخ ...





يا كل ام من فضلك خصصى  وقت لنفسك..  إقرأى .. إتعلمى . .إتفسحى .. كلمى اصحابك فى التلفيون ... ارقصى ..إتفرجى على فيلم ..مارسى رياضه.. متقوليش اهى عيشة والسلام..


يا كل ام : لو اتصورتى للحظة ان الأيام ممكن تعدى و انتى حزينة و تطلعى اسرة ناجحة تبقى غلطانة ..... يا كل ام اوعى تقولى انا الأم ولازم اضغط على نفسى..
متأجليش حاجه بتحبى تعمليها..
نظمى وقتك...
إعزمى نفسك على آيس كريم بره..
أخرجى مع صحباتك كل فتره..
متقوميش تمسحى فى الوقت اللى ولادك بيناموا فيه..
حاولى تخلصى شغلك وهمه صاحيين...
إستمتعى بكل لحظة وهمه نايمين عشان تقدرى تستمتعى بيهم وهمه صاحيين..


الأمومة مش مهمة إداريه ..الأمومة مسؤلية نفسية.. حب ..عطاء..فرحة.. تعليم..ضحك..إستمتاع..وكل ده محتاج ان الأم تكون مرتاحة و مبسوطة و سعيدة ... ف يا كل ام عشان تنتجى اسرة سعيدة لازم و ضرورى جدا جدا تهتمى بنفسك قبل أى شئ عشان تقدرى تواصلى..خلى بالك لو  بنزين  السعادة خلص العربيه هتقف بكل اللى فيها..متستنيش لما يحصل كده.. و انتى تنهارى و الأسرة تدمر بسبب انهيارك

يا   كل أم  دلعى نفسك و ماتستنيش ان حد يدلعك ..
قولى لنفسك كل يوم :
أنا جميله..أنا متميزة.. أنا مهمة..أنا الحياة



midlle ad