top ad

الأحد، 22 يونيو 2014

يا كل امهات المستقبل خدوا بالكم من الآتى

يا كل ام جديدة و يا امهات بكرة خدوا بالكم من النقاط التالية  :

بعد انجاب الطفل الاول يصاب البيت بربكة و تكرث الأم كل وقتها لطفلها  و تحمل زوجها مما يشعر الزوج بعدم الحاجة اليه  او انه مالوش لزمه ، كما يحيطه الأمر بمساحة رهيبة من الفراغ عشان كدة بنقول لكل ام جديدة


  1. خلي بالك جدا جدا  ان بيتك و  زوجك و طفلك الجديد .. اجعلى طفلك و زوجك معا  هما رقم واحد 
  2. لا تهملى طفلك  ولا زوجك بسبب طموحك ... لأنك على المدى البعيد ح تكتشفى انك فقدتى امومتك و فقدتى انوثتك
  3. افتكرى ايتها الام الجديدة ان الأمومة مسؤلية و لازمها تعب و ارهاق ... و تذكرى جيدا ان مش اي ام الجنة تحت اقدامها .... الجنة تحت اقدام الام الحقيقية اللي دايماً موجوده مع اسرتها وفاهماها ومصاحباهم .. هذا لا يعنى انك تفقدى اهدافك فى الحياة لكن تمتعى بقدر كبير من الذكاء الاجتماعى و وافقى بين . طبعاً لازم يكون زواجك و امومتك و طموحك ... الموضوع مش صعب لكن محتاج تنظيم وحله انك تكوني زي المكتبة ، كل حاجة في حياتك محطوطه فى مكانها بشكل منظم

الأم العاملة :

في امهات تعيش ايامها كأنها تدور فى ساقية ، فهى متميزة جدا فى عملها .. متميزة جدا فى رعاية صغارها ... و لكن هذا على حساب نفسها فهى لا تجد وقت للنوم و لا للاهتمام بنفسها و لا بزوجها ... كما تقتصر رعايتها على الصغار من منطق الخادمة و ليس من منطق الأم  التى تربى و تشارك و توجد علاقة حميمية بينها و بين صغيرها ـ فهذه الام  لا  تجد الوقت للهو مع اطفالها  كتير

- اما النوع الثانى من الأمهات هى الأم اللى بتشتغل وناجحة جداً في وظيفتها بس ما تعرفش حاجة عن ولادها ... دول بيتسببوا فى كوارث لأطفالهم

الأم ربة البيت - التى لا تعمل :

 اما الأمهات التى مابتشتغلت وقاعدة في البيت 24 ساعة بتعتقد ان مجرد وجودها فى البيت هو رعاية كاملة لأبناءها ، اما الحقيقة فعكس ذلك تماما ، لأن الام اللى ما بتتابعش تصرفات ولادها و لا ما بتعرف ولادها بيقضوا وقت فراغهم فى ايه برضه أم فاشلة ... و جودها لوحده مش كفاية ...  مايعرفوش اي حاجة عن ولادهم !!!
وبكده الاتنين امهات فاشلة

الأم الناجحة :


وفي المقابل بتلاقي امهات ناجحة جداً في شغلها و في بيتها ويعرفوا كل حاجةعن ولادهم وتفاصيل حياتهم زي و الحكاية دى بتتعمل بالخطوات التالية : 
- تعرفى هدفك فى الحياة
- تنظمى وقتك بشكل يتناسب مع حياتك و مسؤلياتك كأم و زوجة و موظفة و وقت للراحة و الترفيهة 
- تدربى اطفالك على تحمل مسؤليات فى المنزل بداية من لبس هدومهم ، تنظيم الحجرة ، اعداد السفرة .... إلخ
- تحسنى معاملة زوجة و بذلك تضمنى مساعد لك سواء بشكل فعلى او بشكل معنوى ، المهم ان معاملتك له ح تجعل منه داعم لك

- تحاولى بشكل لطيف و غير مباشر توضيح للأب اى زوجك ان مسؤلية  البيت مسؤلية مشتركة .. فمطلوب كمان من الأب انه يقرب من زوجته واولاده ويهتم بيهم لا يكون مجرد وسيلة للفلوس في البيت و لا يصرف وقته في شغله لانه كده هايكون اب فااشل برضه ... و لو حستيه على مسؤليته بعنف - ح تكونى زوجة فاشلة

كيف نكون أسرة صح ؟

- يجب ان يكون الاب والام اصحاب قبا أن  يكونوا اتنين متجوزين
- و عندما ينجبوا يجب ان يكون اولادهم  اصحابهم  كذلك وقريبين منهم

بكده نقدر ننقذ المجتمع من الضياع  بسبب اهمال الاهل لاولادهم .. و نخلص الاولاد من أى حالة نفسية تحاول السيطرة عليهم كما نخلصهم  من الانطواء و عدم الاحساس بالآمان
و لكم تحياتى
مامى لأول مرة



midlle ad