الجمعة، 25 أبريل 2014

اسباب فقد الشهية عند الرضع

أنا ابنى دلوقتى عنده أربع شهور كان بيرضع صناعى من أول ما اتولد و كان منتظ فى راعته يعنى كل تلت سات بيعيط عشان عايز يرضع دلوقتى بقاله عشرين يوم مش عايز الببرونة نهائيا ... و ما بقاش بيآكل غير لما أديله الرضعة بالسرنجة ، يآخد واحدة أو اتنين فى اليوم .. رحت بيه عند كذا دكتور .. واحد قالى انه عنده برد فى المعدة فادانى " فيلاجيل " مشيت عليه عشر تيام ... رحت لدكتور تانى ، قالى ابنك عنده أنيمينا ، عملناله تحاليل و طلعت نسبة الهيموجلوبيل عشرة


المشكلة انه من امبارح ما خدش و لا رضعة نهائيا .. ما كلش حاجة بقاله 24 ساعة .. و راف يحط أى حاجة فى بقه ... و لا أعشاب و لا بيبى درين و لا أى حاجة ... كان مولود 3800 جرام دلوقتى بقى 8 كيلو

انا خايفة عليه اوى عشان مش راضى يرضع خالص و عايش على الماية ، دى الحاجة الوحيدة اللى راضى يآخدها ، باديهاله فى الببرونا


و الحمد لله ما بيعانيش لا من امساك و لا كهة و لا حرارة  ولا أى حاجة ... لما لقيته رافض الرضاعة ، قولت أجرب أككله ، اديته سيريلاك و دوقته زبادى ، بس كان بيرجعهم و بيتفهم 
و هو دلوقتى بقاله خمس تيام ما خدشش غير راضعة واحدة فى اليوم 

الاجابة :
الغريب انه مش راضى باى لبن خالص و ساكت و ما بيعيطش ، مع انه ما عندوش اى اعراض مرضية اخرى ... ده معناه انه طفل فاقد للشهية خصوصا انه ساكت مش بيعيط

يعنى لو افترضنا انه طفل بيعانى من التهاب فى الآذن الوسطى ، كنا ح نلاقيه بيعيط من الألم طول .. و بيكون رافض الرضاعة ... لكن الطفل فى حالتنا دى مش قابل الرضاعة و ما بيعيطش

الغريب كمان انه ما بيكلش لكن وزنه بالنسبة لسنه ، الحمد لله ... 8 كيلو عند اربع شهور ده وزن ممتاز جدا

فاحنا لازم ندور عن السبب اللى يخليه رافض الرضاعة ... فلو فرضنا ان عنده


التهاب فى الحلق ، فالطفل فى الحالة دى صحيح ح يرفض اللبن لأنه تقيل لكن ح تعامل مع أى سوائل تانية اخف زى اللماية و الاعشاب و العصير ... عشان كدة لازم نبص فى زور الرضيع و نتأكد فى قرح فى الزور ولا  لأ ، لكن طبعا لو مافيش حرارة يبقى مافيش قرح فى الحلق او فطريات لأنها أحد أسباب رفض الرضيع للرضاعة

الحاجة التالتة اللى ممكن تكون سبب فى فقد الرضيع للشهية : انه يكون عنده التهب فى البول – و ده عرض غالبا بيجى للبنات مش للولاد – لكن فى احتمال ... عشان كدة لازم نعمل تحليل للبول عشان نقدر نحدد ... و غالبا الالتهاب فى البول بيكون مصحوب بوجع فى البطن

فغالبا مشكلة هذا الرضيع لن تظهر بالكشف لكن يجب عمل تحاليل بول و براز  و نعمل تحليل صورة  دم و نشوف فى التهاب فيروسى او بكتيرى – مش مشكلة نسبة الهيموجلوبين فى الدم –

هو صحيح ابنك فى سن تسنين لكن مش من اعرضا التسنين انه يقعد يومين من غير رضاعة

و لكم تحياتى
مامى لأول مرة