الخميس، 21 نوفمبر 2013

لو ابنك عنده سواد تحت عنيه

سؤال وصل لمدونة " مامى لأول مرة "

لو سمحتم انا محتاجة اجابة على سؤوالى ,, انا عندى ابن عمره ست شهور ونص تحت عينه غامق من وهو عمره ايام ومش بيروق خالص انا بديله كالسيوم وحديد بس مفيش نتيجة كمان هو شقى جدا وحركته سريعة وبيعرق دايما وانامش عارفة دة طبيعى ولا لا كمان انا بديله صفار بيضة كل يوم دة صحى ولا لا ,, انا مامى لاول مرة ومحتاجة مساعدتك قوى ,,,
ومتشكرة على الاهتمام


الاجابة :




لو ابنك تحت عينه اسود من يوم ما اتولد من فضلك تعرضيه على الدكتور عشان ح يطلب منك تحاليل خاصة بالكبد ... لكن لو الأسود ده ظهر بعد الولادة بتلاتة اواربع شهور فده ح يكون نتيجة نقص فى نوم ابنك
لو ابنك عنده سواد تحت عنيه - مامى لأول مرة - mamy1st


-        الحديد يآخده مع بداية الشهر السابع ، انتى بادية بدرى ليه ؟؟؟ انتى بتديه من نفسك ؟؟ لازم الجرعة اللى يكتبهالك طبيب مش أى حد

-        يفضل ان صفار لبيضة يكون يوم فى و يوم مافيش .... و بالنسبة للدوا تقدرى تخلطيها مع الأكل لكن لو ح تعير طعم الاكل اوى هاتى قطارة من الصيدالية حطى فيها الدوا و اديخاله مع صدرك و هو بيرضع ، مش ح يآخد باله و لا يشقط الدوا مع لبن الرضاعة ، لكن تكون قطارة خرمها مش كبير عشان ما يشرقش ، و ترفعى راسه لفوق شوية عن الوضع المعتاد للرضاعة

و لكم تحياتى

مامى لأول مرة

African affiliation program