top ad

الاثنين، 29 يوليو 2013

مشاكل بيوت العيلة و عصبية الأم تدمر الطفل

مشكلة وصلت لمدونة " مامى لأول مرة "
انا ابتديت احس انى بعذب ابنى اللى عمره تلت سنين ، والله مش لاقيه حل مع نفسى ولا مع ابوه وقعدت النهارده مع ابوه بحاول اشرحله اننا لازم نتعامل معاه بطريقه غير دى  وكالعاده ابوه كان بيتفرج على التلفزيون ومش مركز معايا وصممت انه لازم يسمعنى قالى خلاص انا سمعت انتى عاوزه ايه .... انا بقت مشكلتى انى بقيت عصبيه اوى ظروفى وظروف بيتى هنا غريبه مهما احكيلك مش هتصدقوها وقتى متوزع تحت مع حماتى وفوق فى شقتى فأى ضغوط حماتى بتضغط عليا فيا انا غصب عنى بطلعها على ابنى والله غصب عنى بقيت اتنرفز بسرعه ردود فعلى بقت بالضرب مع انى عارفه كويس اوى ان الضرب عمره مابيجيب نتيجه على فكره انا عمر ابويا ماضربنى ولا زعقلى بالعكس ربانا تربيه سليمه جدا مشكلتى مع جوزى واهله بيعصبونى انا وابنى حتى الاطفال هنا برضه كده مش اطفال دول كبار اوى اوى اوى 

مشاكل بيوت العيلة و عصبية الأم تدمر الطفل - مامى لأول مرة - mamy1st

...............................المهم انا عملت حاجه النهارده وعارفه انها غلط مليون فى الميه وحاسه بالندم الشديد وعارفه انك هتغلطينى جامد جدا ........ كانت ادام اولاد عماته وهو بيحبهم اوى وبيقول عليهم اصحابه (هو دلوقتى بقى يقول على كل اولاد عماته واولاد اخواله اصحابى) ماما انا نازل العب مع اصحابى ماما انا هروح عند احمد صاحبى وهكذا ............... المهم انه ضرب اخته على راسها جامد جدا فى لحظه كنت شايلاها البنت اتسرعت وفضلت ساعه تعيط عندها دلوقتى اربع شهور تقريبا مسكته ادام الاولاد دى وضربته وقعدو يضحكو عليه ... اضايقت اوى وخلتهم ينزلو بس قعدت اهدده ........هو عارف ان مالك بتاع النار ورضوان بتاع الجنه وان النار هى جهنم وفيها حاجات وحشه وبيدخلها الناس اللى بتضرب ماما وبتشتم بابا ومش كويسه ومش بتسمع الكلام ... بقالى فتره بعمل نفسى انى بتصل بالراجل بتاع النار بس لما هو بيعمل حاجه غلط اوى .... المهم اتصلت وقولتله تعالى خد ابنى علشان ضرب اخته وانا زهقت منه اوى ... لو تتخيلى خوفه وعياطه اكتر من خوفه من الضرب وقعد يتاسفلى ويقولى لا بتاع النار لا انا اسف يااختى وقعد يبوس فى اخته وهو بيعيط على الاخر والله كنت هعيط بس قولت لو عيطت ولا كانى عملت حاجه روحت واخداه فى الاوضه بتاعته وقعدت معاه وهديت نفسة وقعدت اقوله انت على طول تقولى ياماما مش هعمل حاجه غلط وبتعمل وانا زهقت بص ياعلى انت تعبتنى لو مش عاوز تكون كويس وعاوز تزعلنى روح بقى فى الشارع ودور على ماما تانيه وخليك زى العيال الوحشين اللى فى الشارع وانا مش عاوزه ابنى يكون وحش ومش عاوزه اكون مامتك ... قعد يقولى خلاص ياماما مش هعمل حاجه غلط تانى وقعد يعيط ويقولى اضربينى بس اتصلى بالراجل متخلهوش يجى ويعيط .... اتصلت بابراجل وقولتله متجيش وحضنته وقولتله انا بحبك وبابا بيحبك والراجل بتاع الجنه بيحبك وعاوز يجبلك حاجات حلوه وعاوزنى اتصل بيه لما تعمل حاجات صح قعد يقولى هعمل ياماما حاجات صح .... قولتله خلاص تروح المدرسه مع بابا قالى لا خلاص اتصلى بالراجل بتاع جهنم ياخدنى .... مش هروح المدرسه وقعد يعيط تانى ....... اتصلت باباه اخده وقعد يتمشى معاه فى الشارع وقعد يتكلم معاه ....... بس للاسف مفيش فايده فينا احنا التلاته كل واحد ماشى زى ماهو باسلوبه .................. انا عارفه انى غلط وعارفه ان باباه غلط بس صعبان عليا ابنى اوى اوى اوى انا عارفه انه بيحاول يلفت انتباهنا وانه مبسوط كده انه واخد جظء من تفكيرى بس انا نفسيا تعبت ضغوووووووووووط كتير والله والناس بجد بتحسدنى عليه ابنى
و على طول يقولوا عليه بيتكلم وبيرغى وبيقول وماشاء الله شخصيته مع الناس جميله يعنى لو اى حد قعد يتكلم معاه تلاقيه عرف يكلمه ويتناقش وتطلعى منه احلى حاجه وفاهم وعاقل بس هى حركته الزياده ونشاطه وغيرته وعدم سماعه للكلام .... لما بشوف اطفال عندهم ست سنين بلاقى ابنى ملاك جمبهم واحنا اللى بنعامله غلط ....ز انا عاوزه اعرف بجد اعمل ايه ووالله هحاول على قد مااقدر ساعدينى بليز واعمل ايه مع باباه ونتفق على ايه بالظبط
... المصيبه بقى انى خريجه خدمه اجتماعيه يعنى المفروض اكون اكتر واحده تعرف تتعامل بس للاسسف مبقتش اعرف اتعامل تماما
هحاول الحقه قبل مايتعقد يارب اقدر .....طب هى طريقتى كده كلها غلط ولا ايه ...... التربيه فعلا صعبه ومش سهله طيب فى حاجه مراجع او حاجه اقدر اقراها تخلينى اقدر اصلح من معاملتى واكسبه انا عندى استعداد اقرأ وافهم واطبق ... بس للاسف النرفزه والعصبيه مش بسهوله الواحد هيتخلى عنها .... انا متشكره اوى على الرد وعلى النصيحه واسفه انى طولت عليكم

علاقة الأب بالأم تفسد علاقة الطفل بالأهل

 مشكلة وصلة لمدونة " مامى لأول مرة "

عندى مشكله مع ابنى ومش عارفه اعمل ايه وحاسه بالذنب كل يوم ياريت اجابه ابنى عمره 3 سنين وممتاز جدا لبق منذ عامه الاول ويتحدث ويقلد جده واهله ودمه خفيف جدا واجتماعى من الدرجه الاولى عنده اولاد اعمامه كلهم اكبر منه ولكنه ليدر بينهم ومحبوب ويستطيع ان يلعب معهم وياخذ انتباههم اسئلته كتيره وانا برد عليه كتير حافظ كلمات انجليزى كتير وبيلقط اى حاجه بقولها بحكيله حواديت كتير عن قصص الانبياء كلهم وحافظهم واحد واحد بيحب اللعب وشقى جدا عنده طاقه مهوله لايستطيع ان يخرجها بحاول اخرجها معاه بس بتعب اصبح عنده اخت من قبل ماتيجى وانا بمهد ليه وعلى طول بديله شكولاه واللى بيحبه والعباب واقوله ده من اختك بس للاسف بقى عنيد جدا صعب جدا دايما بيحاول يعمل اللى عارف انه غلط وانه بيضايقنى بيعمله وانا بطبيعه الحال انشغلت عنه فى القصص اللى قبل النوم واللعب معاه وغير كده بقى رغاى اوى بقيت اقوله بطل رغى صدعتنى مشكلتى انى بضرب بغباء ومش عارفه اعمل ايه بحاول ماضربش بس هو بيستفزنى وبفضل ماسكه نفسى وبفهمه طول اليوم ويجى على بليل يعمل حاجه قاتله ماينفعش مااضربهوش وكانه اتعود انه لازم يضرب ولو يوم عدى من غير ما يضرب لازم يعمل حاجه من اللى هو عارفها انها مصيبه بحاول اشوف عقاب تانى ادخله الاوضه بتعته بس للاسف لايستجيب للعقاب ده ولا بيفرق معاه النور طبعا بيكون شغال ولعبه موجوده وبسيبه 3 دقايق وبعرفه قبل مايدخل الاوضه ليه وبعد مابيخرج ليه انا كنت حابساه ويوعدنى انه مش هيعمل كده وعارف هو عمل غلط وكان كذت وكذا ابتدا يكدب عليا خاصه انه بقى عارف انه لو قال الحقيقه هيضرب برضه بحاول اغير اسلوبى ده بس والله هو عنيد اوى انا عارفه ان العيب فيا وفى باباه لان باباه بقى ليه كلام تانى ........................................ ابوه دايما يضربه على وشه من غير سبب وعلى طول يشتمه من غير سبب وعلى طول هزاره رخم جدا يعتبر مش هزار ومابيعرفش يلعب معاه اصلا وفى ازمه ثقه بينه وبين ابوه خاصه انه شايف حاجات كتيره بقوله عليها غلط ابوه بيعملها وبيشوفنى بزعق لابوه عليها ودلوقتى وصل ان لما ابوه يطلب منه حاجه يبص ليا ويسالنى اعملها ولا لا وطبعا ابوه يشوف كده يتجنن ويقوم يضربه فى حاجات كتير من تصرفات ابوه معاه غلط وانا كمان بس الفرق ااننا عمالين نضرب فيه عمال على بطال اه بنحبه وبنجبله كل حاجه بس ده مش كفايه الحب واننا نحسسه بالامان اهم من كل ده انا بضرب لسبب وابوه بيضرب من غير سبب والنتيجه عناد وافعال غلط دايما واحساسى انا بالذنب من ناحيته بالذات بعد ماخته جت وغصب عنى اهتميت بيها ... مش عارفه اعمل ايييه انا عارفه ان الحل فيا انا وابوه بس انا تعبت من الكلام نفسيتى تعبت من ابوه والله مفيش فايده اقوله اتغير معاه عامله احسن احترمه مفيش فايده دلوقتى بقى اى حد يضربه من الاطفال يسكت وده بيضايقنى اوى اتعود على الضرب وان اى حد يضربه ؟؟؟؟؟؟؟؟؟ اعمل ايه؟؟؟؟؟ ياريت الرد
علاقة الأب بالأم تفسد علاقة الطفل بالأهل - مامى لأول مرة - mamy1st

انا بحاول معاه والله هو بيستجيب للقصه كويس وبيفهم كويس اوى وعنده ذاكره ممتازه عارف كل قصص الانبياء وحافظ كل الحيوانات بالانجليزى واصواتهم وشاطر والله انا حاسه انى معاملتى معاه اللى غلط العيب مش فيه هو

ابوه بيحملنى انا مسؤليه عناده معانا مع ان ابوه اسلوبه غلط معاه وانا كمان اسلوبى غلط بس بحاول احتويه وده بيخليه برضه يكون معايا انا بس اللى بسيطر عليه او بيسسمع كلامى بس وباباه علشان بيعمل حاجات بفضل اقوله عليها دا غلط ادام ابنك انت قدوتهه فالولد باباه مفيش ثقه بينه وبين ابوه قوليلى اعمل ايه مع ابوه واعمل ايه مع الولد

لو تعرفوا ابوه بيجبه ازاى بس هو فاكر انه طالما جابله حاجه حلوه او لعبه يبقى كده قايم بواجبه ناحيته يعنى دايما يجى من بره الولد يقولو هيه بابا جه يقوم هو يقوله بطل يله انا تعبان ابعد عنى انا اعلق اقوله بدل ماتاخده فى حضنك وتقوله وحشتنى ...... انا بحاول اقوم بالدور ده خاصه انى اكتر وقت بقضيه مع ابنى اكتر من باباه بس انا عليا ضغوووووط كتير وبقيت اتنرفز بسرعه يعنى لو لعبت معاه ساعه مقدرش اكمل واتنرفز واسالته كتير انا عارفه انها علامه كويسه انه زكى واسأله ماشاء الله تحفه بس بزهق من كتر الكلام خاصه انى عندى التزامات تانيه حاولت اوديه حضانه قعد يعيط ويترعش ويعمل حمام على نفسه وهو رايح


حاولت ابعته فى مدرسه باباه هى مدرسه لغات بقى يمسك فى باباه ويفضل قاعد معاه ومش عاوز يتعامل مع اى حد مع انه اجتماعى بيحب يرغى مع الناس كلها عندنا اطفال كتير فى بيتنا بس كلهم تصرفاتهم بالنسبه لى زى الزفت وامهاتهم مش عارفه تربيهم تماما بحاول اصلح فيه وافهمه ان تصرفاتهم غلط ساعات يطلع بيقلد كل اللى شافه منهم .... هو بيحب الرسم جبتله الوان كتير وكل رسمه بعلق عليها واشكر قيها



الأربعاء، 24 يوليو 2013

علاج عدوانية الطفل فى عمر اقل من سنتين

السلام عليكم رمضان كريم وكل عام وانتم بخير .... انا عندي مشكله فظيعه ارجوكم ساعدوني انا بنتي عندها سنه ونص بس عدوانيه جدا بتضرب وتخربش وتعض وتهبش وده بيخلي الناس متحبهاش والاطفال بيبعدوا عنها ومش بيحبوا يلعبوا معها وعندهم حق ومعندهاش فرق بين كبير وصغير كله بتضربوا وانا حزينه جدا ع اللي بتعملوا ومش عارفه اعمل ايه ؟؟؟
علاج عدوانية الطفل فى عمر اقل من سنتين - mamy1st

انا لما بنتى بتغلط بضربها ع ايدها قوي بس مفيش فايده مش عارفه اعلمها ازاي الصح من الغلط انا حالتي النفسيه ف الارض كمان مبتكلش كويس ووشها اصفر وتحت غنيها ازرق وشعرها مملولو ومش ناعم ورجلها فيها شخونه ارجوكم ساعدوني وشكرا جزيلا الموقع الرائع انا اتعلمت منه حاجات حلوة

الخميس، 18 يوليو 2013

علاقتك بطفلك و انتى حامل

السلام عليكم
اجزاك الله خيرا على إجابتي في كل مرة وجعل ذلك في ميزان حسناتك
لدي طفل عمره سنة وتسعة أشهر وأنا حامل في الشهر التاسع ولا أدري إن تركته عند حماتي ونمت مع الصغير عند أهلي هل سيتأثر بذلك ؟ لأن والدي لا يتحملان الأطفال ولن يعتنيا به كحماتي


علاج الرعب عند الأطفال


السلام عليكم
ابني عمره سنة
كان يخاف كتير وبس يسمع صوت الجرس ينقز ويصرخ ومن كل إشي يخاف ويتشبث في أي صوت أو حركة
رحت عند وحدة كبيرة بالسن ولقطتله الخوفة وهو مساج بين القدمين
والحمد لله ذهبت منه الخوفة ولم يعد كالسابق والمشكلة من يومين ضربه ابن أختي الصغير فجأة ومن دون مقدمات فخاف كثيرا وله يومان يجفل وينقز من أي شيء
لا أريد ان أرجعه عند المرأة لأنني أريد حل نفسي للموضوع كي لا يتكرر كلما حصل معه موقف كهذا
أطلت عليكي سامحيني
أرجو أن يكون لديك حل وجزاك الله خيرا

الاثنين، 8 يوليو 2013

الأحد، 7 يوليو 2013

الهالات الغامقة تحت العيون

متشكرة قوى على المعلومات اللى دايما بتع حلموهالنا .. ليا سؤال صغير  ..  الدكتور كتبلى على حديد وقالى انه ابنى عنده انيميا علشان تحت عينيه دايما غامق والموضوع دة تعبنى جدا لانه فعلا واضح قوى



الانيميا تقدرى تعالجيها بالتغذية ، أكلى ابنك تفاح مهروس و بطاطس ملسوقة و مضروبة فى الخلاص و بليلة .. و استمرى على جرعة الحديد بشكل منتظم و ان شاء الله تتعالج
-->

سبب السواد تحت عيون الاطفال


سؤال وصل لمدونة مامى لأول مرة :

لو سمحتم انا محتاجة اجابة على سؤالى ,, انا عندى ابن عمره ست شهور ونص تحت عينه غامق من وهو عمره ايام ومش بيروق خالص انا بديله كالسيوم وحديد بس مفيش نتيجة كمان هو شقى جدا وحركته سريعة وبيعرق دايما وانا مش عارفة دة طبيعى ولا لا كمان انا بديله صفار بيضة كل يوم دة صحى ولا لا ,, انا مامى لاول مرة ومحتاجة مساعدتك قوى
... لو سمحتوا انا عايزة برنامج غذائى يكون صحى وكمان انا مش بعرف اديله الدوا لأنه عنيد جدا
ومتشكرة على الاهتمام

السبت، 6 يوليو 2013

الجمعة، 5 يوليو 2013

ابنى وزنه زيادة أأقدر أأكله ؟؟؟

 سؤال وصل لمدونة مامى لأول مرة
ابني عمره 3 أشهر ونصف ووزنه ماشاء الله سبعة كيلو ونصف واشعر انه يحتاج ياكل بجنب الرضاعة وكمان نشاطه كبير ومجهوده عالى ، بيرفس جامد وعلطول عاوز يتحرك... فهل لو اكلته و هو فى العمر ده يبقى فيه خطر ؟؟  وكيف أكله وماهى الجرعة انا جبت له سيريلاك قمح ومش عارفة هل اخلطه بماء مغلى ولا لبن جهينه ؟؟
وشكرا

الأربعاء، 3 يوليو 2013

عايزة بنتى تنام بعمق اعمل لها ايه ???


ده سؤال وصل لصفحتنا على الفيس بوك  https://www.facebook.com/Mamysamar
السؤال هو :
السلام عليكم انا بنتى عندها سنة و 3 شهور علشان تنام لازم ارضعها و لازم اكون نايمة جنبها لو اتحركت بتصحى و تقوم من النوم و كل 3 ساعات تقريبا تصحى ترضع و تنام تانى
اكلتها باعتبارى انا حساها ضعيفة وزنها 10.4 و طولها 80 سم
لا افهم معنى كلمة اكلتها - هو حضرتك لسة مأكلها دلوقتى و عمرها سنة و تلت شهور ... الرضيع بيآكل من عمر ست شهور و احيانا من عمر اربع شهور ... ارجو التوضيح عشان نقدر نفيدك
باقى السؤال :

midlle ad