بطلوا تقولوا للأطفال ما تعملش كذا ... عشان تحسنوا سلوكهم

بطلوا تقولوا للأطفال ما تعملش كذا ... عشان تحسنوا سلوكهم - mamy1st مامى لأول مرة

مش قادرين  نقول " لأ" على حاجات كتير غلط  فى بلدنا و  لا  حتى قادرين نقول " لأ " لعيوبنا فى محاولة لتغيرها .... لكن الشخص إللى بنقوله " لأ " " لأ "  " لأ "  " لأ "  هما اطفالنا  ، بنقولها عمال على بطال لولادنا و ده سبب مشاكل ضخمة بنا ، و بتسبب فجوة عظيمة بين الآباء و الآبناء .

و عشان نغير عيوبنا و ما نقهرش ولادانا لازم ننهاهم بشكل مختلف و هادئ و من غير ما نقولهم " لأ "  

تعالوا معانا عشان تعرفوا احنا لازم نعمل إيه ؟ و إزاى نهذب سلوكنا عشان نحسن من سلوك ولادنا :

-        ما تقولش للطفل ما تكركبش كتبك و مكتبك و تخليهم عاملين زى وشك ....لكن نقلوله تعالى نخلى مكتبك زى مكتب الكبار  

-        ما تقولش لطفلك انت ما بتصليش ليه ؟؟ لو ما صلتش ح تتعذب فى الآخرة و تتشوى فى النار... لكن نقوله تعال صلي معي عشان ندخل الجنة مع بعض.

-        لا تقول لطفلك ما تقعدش كدة و قوم رتب أودتك اللي زى الخرابة........... لكن نقوله ” يا ترى انت محتاج مساعدة في ترتيب أودتك لأنك دايما تحب النظافة و الترتيب.

-        ما تقولوش لطفلك لا تلعب بالكرة في البيت و لا الشارع....... لكن قولوله الكرة مكانها في الحوش أو الحديقة أو سأشترك لك في النادي لتلعب بالكرة مع أصحابك.

-        لا تقول لطفلك ما تلعبش يا فالح قوم ذاكر و سيب اللعب ، المذاكرة هى إللى ح تنفعك .... لكن قوليله لو خلصت دروسك بدرى ح ألعب معاك اللعبة اللى تحبها

-        ما تقولش لطفلك ما تسبش سنانك تسوس قوم نضف أسنانك ريحة بقك مقرفة ... بل قولوله ، أنا مبسوطة منك لأنك دائما تنظف أسنانك من غير ما أقولك.

African affiliation program

-        ما تقولش لطفلك ،لا تنسى أن تغسل يديك بعد الطعام.......... لكن لازم نقوله أنا بحب أشم رائحة إيديك بعد ما تغسلهم.

-        ما تقولش للطفل ...ما تقدش على ترابيزة الطعام...... لكن نقوله الكبار بيقدوا على الكراسى عشان الكرسي معموله للقعاد و الترابيزة معمولة للاكل .

- لا تقول لطفلك ...ما ترسمش على الحائط و على رجلك ..... لكن نديله ورقة و نقوله أول ما تخلص رسم  حنعلق الرسمة على الحائط أو الثلاجة أو السبورة.

- لا تقول لطفلك ... إيه الشخابيط إللى انت عاملها دى ... لكن نوضحله ان رسمه جميل ، و خطوطه جذابة و ألوانه جميلة

- لا تقول لطفلك لا تأكل شوكولاته عشان أسنانك ما تسوس....... لكن قوله ، انت شاطر و ح أديك شيكولاتة عشان انت بتعرف تغسل

- لا تقول لطفلك يا غبي ، ازاى ما تعرفش الإجابة ... لكن نقوله ...معك حق السؤال يحتاج للمساعدة و السؤال الثاني ستحله بمفردك لأنك ذكي.... و اول ما يعرف الاجابة نصقف و نقبله و نهنيه

- لا تقول لطفلك ...لا تلمس البوتاجاز و لا تلعب بأعواد الكبريت و لا تفتح النافذة ولا ....الخ و أنت خارجة من البيت ....... لكن قوله العب على الطبلتTablet أو ارسم و لون على الورق أو العب بألعابك الجديدة أو ابني لي بيتا بالمكعبات

و اخيرا لازم افكركم بضرورة ان يبتعد الاهل عن الإيحاء السلبي و يفضل دائما توفير البدائل فعندما تمنع طفلك من شيء حاول أن توفر له البديل إذا أمكن... لو مافيش بديل اعرف انك عاجز فلن يكون طفلك افضل منك ... و ما تطلعش ضعفك و عقدك عليه

و تحياتى هذه المرة 

لكل أم و اب يستخدم الايجاء الايجابى فى التعامل مع الطفل

لكم تحياتى

مامى لأول مرة