top ad

الأربعاء، 5 ديسمبر 2012

وزن و أسنان طفل عمره سنة

وزن و أسنان طفل عمره سنة - http://mamy1st.blogspot.com/


ابني عنده سنه و4 شهور ؛ كان بيرضع صناعي و عشان كدة فطمته وهو عنده سنه  ... ومن بعد الفطام بطل ياخد لبن خالص ، فاضطريت أأكله ، لكن الملاحظ ان أكلته ضعيفه جدا جدا ووزنه 9 ونصف ... ممكن تفيدوني لاني قلقانه قوي عليه  و عايزه اطمن علي وزنه وعلي موضوع قله اللبن بليز

الإجابة :


-->

الإجابة :                                                                                   
بالنسبة للوزن : ابنك وزنه وزن طفل عمره سنة ، يعنى هو متأخر فى الوزن اربع شهور ، و عشان كدة انصحك انك تاكلى ابنك و هو بيلعب ، و يستحسن يآكل فى مكان مفتوح زى النادى او الجنينة .... و بالنسبة للبن مش لازم يآخد كوباية لبن يشربها لكن ممكن نحط اللبن فى البليلة او مع الرقاق بالسكر ، او نعمله مهلبية او نعمله عصير باللبن ، ابنك معدته مقفولة و عايزين نعوده على الاكل شوية شوية

سؤال2 :
ابنى طلع خمسه أسنان ؟؟ هو كده يبقي نقصه كالسيوم ؟؟ أصل سنانه طلعه معوجه
و هو مطلع 2فوق و3 تحت السنان ... اللي تحت اتنين قدام والتالته وراهم شويه مش علي نفس صفهم

الاجابة :
مافيش حاجة اسمها خمس اسنان و لا فى حاجة اسمها اسنان معوجة فى عمر سنة .....  فى عمر سنة الطفل بيطلع اتنين فوق و اربعة تحت ... انصحك تعرض ابنك على طبيب اسنان و ليس دكتور اطفال
و لكم تحياتى
مامى لأول مرة
http://el7adsa-incident.blogspot.com/





African affiliation program

midlle ad