top ad

الاثنين، 27 فبراير 2012

انقذوا الطفل الرضيع من ارتفاع درجة الحرارة

أنا ابنى اتولد تلاتة كيلو و نص و طوله 52 سنتي متر ، و دلوقتى عمره شهرين و خمس ايام وزنه بقى 6100 كيلو و طوله 62 سنتى ... انا عارفة ان وزنه قليل بالنسبة لشهرين لكن مش دى المشكلة ، المشكلة الحقيقية ان ابنى بقاله أسبوع عنده سخونة ، عمالة تروح و تيجى و تروح و تيجى ، و درجة حرارة جسمه عمالة ترتفع و تنخفض .. و كانت درجة الحرارة بتوصل 39 درجة ، و بترتفع مرتين فى اليوم الواحد ، ده غير انه بيعانى من احتقان فى الزور و اسهال
 الإجابة :

الاثنين، 20 فبراير 2012

الاصابة بالصفرا فى اليوم الخامس


أنا بنتى ولداها بقالى 40 يوم دلوقتى ، جاتلها الصفرا بعد اليوم الخامس من الولادة و لغاية دلوقتى الصفرا موجودة معاها رغم ان عمرها 40 يوم ، عملتها تحليل بعد عشرين يوم ، لاقيت الصفرا نسبتها 15 ... و عشان كدة دخلتها  الحضانة لما لاقيت نسبة الصفرا عاليا ، و بعد ما خرجت من الحضانة قعدت 24 ساعة كويسة و زى الفل و  نسبة الصفرا  نزلت لعشرة ، و بعد 24 ساعة رجعلت لها الصفرا تانى – صحيح انا ما عملتش تحليل الصفرا تانى ، بس باين على وش بنتى و عينيها ... مع العلم ان بنتى كانت فى الحضانة بترضع لبن صناعى و لما خرجت كانت بترضع طبيعى 

الاجابة :

السبت، 18 فبراير 2012

رافض الرضعة و عايش على الماية


سؤال للدكتور مدحت الزيات :
ابنى عنده اربع شهور و بيرضع صناعى من اول ما اتولد ، و كان منتظم فى الرضاعة ، يعنى كل تلت ساعات يعيط عشان عايز الرضعة ... دلوقتى ابنى بقاله عشرين يوم مش راضى يآخد الببرونا ؛ فبقيت أديله  الرضعة بالسرينجا لدرجة انه بقى بيأخد رضعة او اتنين فى اليوم بس ... و روحت بيه لأكتر من دكتور ، دكتور قال ان ابنى عنده برد فى المعدة و كتبله علاج "كيلاجين " و مشيت عليه عشر تيام و ما جابش نتيجة ..  و دكتور تانى قال ان ابنى عنده أنيميا ، عملت تحليل أنيميا طلعت نسبة الهيموجلوبين عشرة ... مش عارفة اعمل ايه و ابنى من امبارح الصبح مش راضى يآخد الرضعة نهائى ، و رافض كمان كل أنواع الأعشاب ... الحاجة الوحيدة إللى بيأخدها ماية معدنية فى الببرونا ، مع العلم  ابنى اتولد و وزنه 3800 و دلوقتى بقى 8 كيلو  
رافض الرضعة و عايش على الماية
http://mamy1st.blogspot.com/

ملاحظة : ابنى ما عندوش امساك و لا حكة و لا رشح و لا بيعانى من أى حاجة .. و لما حاولت أدخله أى أكل زى القمح  أو الزبادى كان بيرجع أى أكل أحاول أدوقهوله

و فى الفترة الأخيرة بقى بيآخد رضعة واحدة فى اليوم ، بقاله خكس تيام بيآخد  رضعة واحدة ، و من امبارح الصبح مش راضى يآخدها
الإجابة :

الأربعاء، 15 فبراير 2012

نزع قشر راس الرضيع

سؤال وصل لمدونة مامى لأول مرة
بيسأل عن نزع قشر راس  الرضيع
السؤال بيقول :
" سلام عليكم من فضلكم تفدونى ، عمر ابنتى ثلاثة اشهر ويوجد قشر كثير فى فروة شعرها ... فى ناس بتقولى اقشر راس ابنتى وناس بتقولى لاء ما تقرفيش من قشر راس الرضيع ، اعمل اي وانا مامى لاول مرة ؟ وشكرا جزيلا
 الاجابة :

الثلاثاء، 14 فبراير 2012

الأسباب العضوية للتبول اللا ارادى

- بعد ما عرفنا ان اسباب التبول اللاارادى متعددة و متنوعة و منها ما هو نفسى و منها ما هو عضوى


- الأسباب العضوية للتبول اللارادى :
اضغط عنها عشان تعرف الأسباب العضوية للتبول اللاارادى


و النهاردة ح تكلم عن الإسباب العضوية لأسباب التبول اللارادرى عند الأطفال
الأسباب العضوية هى :

1.   ضعف فى عضلة الطفل و قدرته على التحكم فيها بشكل عضلى عصبى

الأحد، 12 فبراير 2012

اسباب التبول اللاارادى

شكاوى كتير بتوصلنا من الأمهات بخصوص التبول اللارادى ...  و الموضوع ده بيصيب الأم بخوف كبير على الطفل .. و أوقات كتير هذا الخوف يزيد من مشكلة التبول اللارادى  عند الطفل ، لأن الأم تبدأ فى تعنيف الطفل و ضربه بدل من البحث عن المشكلة

عشان كدة النهاردة ح نحاول نعرف إيه هو التبول اللادراى ، و إيه هو أسبابه ، و ايه المشاكل المترتبة عليه .. و يا ترى أسباب التبول اللاادراى دى اعراض نفسية ولا عضوية

الخميس، 9 فبراير 2012

اللعب مع الرضيع education kids

اللعب اللعب اللعب . هى الكلمة السحرية للتواصل مع الطفل
اللعب هى الكلمة السحرية لنمو الطفل ذهنيا و عضليا و فكريا
اللعب هو المؤشر المثل و ممكن نقول الوحيد الدال على سرعة تطوّر ذكاء الطفل، وثقته بنفسه وقدرته على تنسيق حركاته


اللعب بالنسبة للطفل :
هو كل حياة الطفل ... فارجوكم ما تصرخوش فى أطفالكم عشان

جريمة فى حق هوهوز

بعد ان دربت "هوهوز" و اختها التوأم "جى" على طلب البوتى او القصرية لما يحبوا يعملوا بىبى او تواليت و فعلا نجحنا فى الموضوع نجاح منقطع النظير لكن سرعان ما تغير الحال بالنسبة لهوهوز ... واضح انى حسدت نفسى أو تقريبا ما عجبنيش الحال .. إزاى بناتى تنجح بسرعة و تقعد على القصرية من غير مجهود و عناء من إللى بأسمع ان الأمهات بتقع فيه ... و بدأت افترى على هوهوز .. و ليه تحديدا هوهوز الظاهر انى اتغظت منها لأنها بنت ذكية و شاطرة و خلت جلسات التدريب على القصرية يأخد تلت الوقت المسموح به دوليا .. و بغضب شخص يتعامل مع حد قطع عيشه بدأت أعنف "هوهوز" كل ما تعمل أى حاجة غلط فى موضوع البوتى و انسى تماما انها انجزت الموضوع و نجحت فى تنفيذه فى وقت قياسى .


النهاردة بس اكتشفت الجريمة إللى انا عملتها فى حق هوهوز 

الأحد، 5 فبراير 2012

اصول التعامل مع الرضيع

أخطاء شائعة فى التعامل مع الرضيع :
1.الخطأ الأول :
اعطاء الرضيع لبن صناعى لضعف لبن الأم بعد الولادة مباشرة ، و احنا بالشكل ده بنساعد على ان اللبن فى صدر الأم يبقى قليل جدا .. و التعامل الصح فى الحالة دى ان اضع ثدى الأم فى فم الطفل الرضيع ، لأن الطفل الرضيع اول يتولد و يبدأ فى محاولات سحب اللبن من الأم فهذا يعمل على تنشيط الخلايا اللبنية فى ثدى الأم .. فهذا هو التعامل الصحيح ، و ماحدش يقلق و يقول أن الطفل الرضيع ح يبقى عنده سوء تغذية ... ده كلام غلط لأن  الرضيع إللى لسة مولود مش محتاج أكتر من 20 إلى 25 سنتى من لبن الأم على مدار اليوم ... و عشان كدة ح نلاحظ ان الرضيع بيفضل نايم طول الوقت  اول اسبوع من الولادة ..
عشان كدة بنأكد على أن

السبت، 4 فبراير 2012

ورم العيون عند الرضع

سؤال جديد و اجابة جديدة تضعها مدونة مامى لأول مرة لأعضاءها فقط: 
السؤال بيتكلم عن ورم العيون المفاجئ عند الرضع 
السؤال هو :
" بنتى عمرها تسع شهور فجأة من ثلاثة أيام قامت من النوم عندها ورم فى العيون .. و عيونها كانت حمرا .. و آخر اليوم بدأت درجة حرارة جسمها ترتفعت ... و أخذت لبوس ستال لخفض درجة الحرارة ، لكن ماحصلش أى تغير و الحرارة مانزلتش .. و بدأ شكل عيون بنتى تتغير و ورم العيون يبقى أكبر .. رغم انى جربت معاها نوعين لبوس مختلفين و مع ذلك وصلت درجة حرارة جسمها إلى أربعين .. فذهبت بها للدكتور ، قالى ده برد إللى سبب لها ورم العيون ، و كتب الدكتور لطفلتى على علاج تآخده عند اللزوم ، و انا بأديهولها من تلات لأربع مرات فى اليوم و مع ذلك درجة حرارة طفلتى ما نزلتش بقالها ثلاثة أيام و وصلت درجة حرارة جسمها إلى  40 .. و هنا اتصلت بالدكتور فقالى لو دوا البرد ما نزلش درجة الحرارة اعطى طفلتك "إبر " ... مش عارفة ليه ابر تانى مع انى كنت بأديها مضاد حيوى ، طيب و ليه درجة الحرارة ما نزلتش ؟؟؟
و اجابة الدكتور رفعت الجابرى استشارى طب الأطفال و حديثى الولادة بتقول :

الخميس، 2 فبراير 2012

احذروا المواقع المشبوهه

كنت قد توقفت عن كتابة بعض المذكرات العائلية لإعتقادى انها قد تكون غير مفيدة لأعضاء المدونة .. و لكنى اكتشفت ان المذكرات العائلية التى امر بيها انا و اسرتى و اسجلها على مدونتى بدأت العديد من المواقع فى سرقتها و نشرها على صفحتهم باسماء مستعارة ، ح تلاقوا واحدة مسمية نفسها بقلم بنوتة مصرية ، و موقع تانى بجح حاطت رابط يخص موقعه و كاتب تحته " لو حد عجبه القصة و  عايز ينشر القصة يآخد الرابط ده " و البجح حاطت رابط مدونة و لينك خاص بيه و كأن القصة بتاعته ... و ان شاءالله القصة دى ح تخنقه  و ح تشهد عليه يوم القيامة

و رغم ان حقنا محفوظ عند الله عز و جل ... لكن كمان قررنا نشرككم فى الموضوع حرصا منا على أطفالكم 

 عشان كدة قررنا كشف تلك المواقع و تحذيركم  منها ، حرصا علي أعضاء مدونة "مامى لأول مرة " أحب أقولك ان اسامى بناتى التوأم هى هوهوز و جى .. و أى حد يلاقى قصص ابطالها "هوهوز" و "جى" يعرف ان الموقع ده موقع لصوص ... و أكيد اللص مش ح يهتم بمصلحة أطفالكم فاحذروهم ، و أحذروا ما يكتبه فى موقعه ، فهو لا يراعى الله فى نفسه فمن المؤكد لن يراعيه فى أطفالكم ... لأن من المؤكد ان تلك المواقع قد تكون مغرضة و ربما لا يكون هدفها مصلحة الأمة العربية و المواطن المصرى ..  و ستقوم تلك المواقع بتعليم اطفالكم فنون السرقة ، فأحذروهم


دى كانت قصة النهاردة .. و كانت قصة لابد منها حرصا منا على أطفال أعضاء مدونة " مامى لأول مرة " ... كما نبشر الجميع ان ان شاء الله ح ستجدون مذكرات عائلية الخاصة بنتى " جى " و " هوهوز " منشورة فى  كتاب مطبوع ينتشر عبر العالم العربى و خاصة مصر

و لكم تحياتى
مامى لأول مرة

midlle ad