top ad

الثلاثاء، 17 يناير 2012

درس البيانو للاطفال KId learning




يترك الأهل ابناءهم يلهون و يلعبون حتى سن دخول المدرسة ثم يبدوا فى دوامة الدروس و الواجبات و التحضير للامتحانات ثم التحضير للمصيف ثم التحضير للمدارس من جديد ... و يترتب على هذه الحياة الروتينة اهمال مواهب الطفل .


و المقدمة دى ليه اضطرينا نقولها ؟؟ عشان نقول لكل اب و لكل أم ارجوكم دوروا على موهبة اطفالكم ، و ما تجبروش أولادكم على مواهبكم انتم و لا تفرضوا عليه موهبة هم ما بيحبهاش ، لأنكم بكدة بتضيعوا عليهم عمرهم و بتطمسوا معالم موهبتهم ، و بتضيعوا وقتكم و فلوسكم فى حاجة أولادكم و أطفالك مش ح يستفيدوا منها


و عشان كدة أحب أقول لكل أب و لكل أم قبل ما تعلموا ولادكم الموسيقى و تبدأوا معاهم درةس البيانو للاطفال Kid learning تأكدوا ان ابنكو بيحب الموسيقى ، بيحب يسمعها ، بيتجاوب معاها ، بيرقص ، بيهز راسه ؟


السؤال الأول :
إيه هو السن المناسب لتعليم الطفل البيانو  Kid learning piano؟؟؟
الإجابة :
السن إللى يقدر فيه الطفل يفهم بيه و يستوعب لغة الأب أو الأم أو المدرس و يستوعب دروستعليم الطفل البيانو  Kid learning piano.. يعنى لو الطفل بيفهم الكلام من عمر سنة و ح يستوعب التعليمات و التدريبات يبقى نبدأ نعلمه من عمر سنة .. أنا عن نفسى بدأت تعليم البيانو لبناتى من عمر سنيتن و نص





الدرس الأول لتعليم البيانو لطفل عمره سنيتن و نص :
تعليم الطفل البيانو  Kid learning piano
  1. افتح آلة البيانو للطفل و اعزف امامه 
  2. اترك البيانو للطفل فان عزف عليه فلديه استعداد مبدئى للتعامل مع الآلة ، ان خاف منها فيمكن تكرار المحاولة بعد عدة ايام ، لو استمر الخوف لا ندرب الطفل على البيانو و لا نفرضه عليه ابدا
  3. نفتح البيانو و نترك الطفل يلعب كما يحلوا له مدة خمس دقائق ، ثم ارفع يدى لأعلى و أنا أقوله هششششششششششششششششششش ... هو كمان ح يرفع إيه و ح يقول هششششششششششششششش
  4. مع الصمت نعلمه الفرق بين اللون الأبيض فى أصابع البيانو و اللون الأسود ، ثم اتركه يعزف بشكل عشوائى و  احنا بنقول على الأبيض ابيض و على الأسود أسود فى مفاتيح البيانو
  5. لما نتأكد انه عرف الأبيض و الأسود ، أشاورله على مفتاح الدو DO
  6. و نعزف على مفتاح الدو  حتى آخر الدرس و تنتهى الحصة و الطفل يعرف ان هناك حاجة اسمها دو ، لكن لسة ما عرفش مكانها بشكل تلقائى 
و دى اول طريقة لبداية تعليم الطفل البيانو  Kid learning piano
و لكم تحياتى
مامى لأول مرة
http://la3ya3nyno.blogspot.com/

midlle ad