top ad

الأحد، 19 ديسمبر 2010

الجفاف عند الأطفال






السؤال هو : هل الجفاف مرض فى حد ذاته أم هو عرض ينم عن وجود مرض ؟ أم انه أحد المضاعفات التى تظهر بعد مرض الطفل . . زى إللى بيحصل بعد الإسهال مثلا


و تأتى اجابة الأطباء التى تؤكد ان الجفاف عرض لمرض ، يعنى ظهوره يدل على اصابة اطفل بمرض . . فالنسبة للشخص البالغ 60 % من جسمه سوائل متمثلة فى الدم و الماء الموجود بداخل الأنسجة، و هذا يعنى ان الجفاف يمثل له مشكلة .


أما بالنسبة للطفل 75% من جسمه سوائل و ده لأن عضلاته أضعف ، و الجفاف بالنسبة له يعنى فقدان سوائل بشكل أكبر مإللى بيآخدها . . لذلك الجفاف يظهر بشكل تلقائى على الطفل مهما كان حجمه . . فإذا كان وزنه 10 كيلو و فقد 10% من وزنه ــ يعنى فقد كيلو من وزنه ــ و ده ممكن يحصل جدا بسبب الإسهال و القئ المتواصل . . و بالشكل ده ممكن البيبى ده يوصل للجفاف .

يبقى الجفاف هو : عرض لأنه مش مكن طفل ما عندوش قئ ح يجيله جفاف . . لكن الإسهال ما بيسببش جفاف لكن بيدى احساس بالعطش و بس . . . و ده إللى يفسر ليه الطفل بيكون ملهوف على الماية و السوايل؟؟ هى محاولة من جسم الطفل لتعويض إللى بيفقده . . لكن لو اجتمع القئ مع الاسهال أكيد ح يحصل جفاف

و ده يعنى ان القئ أخطر من الإسهال فهو المسبب الأول للجفاف

خطورة الجفاف :
ــ يسبب الفشل الكلوى للطفل و إللى أصله كان نزلة معوية سببت قئ و ما اتعالجتش كويس سببت الجفاف ، و ده نتيجة ان كمية السوائل المتجة للكلى بقى قليلة جدا ً ، و بالتالى الكلى ما بتشتغلش

الجفاف ينقسم إلى ثلاث درجات :
  • جفاف بسيط و هو الأقل من 5%
  • جفاف متوسط و هو أقل من 5 إلى 10%
  • جفاف شديد و هو الأكثر من 15%

و عشان نعرف درجة الجفاف لازم نوزن الطفل . . ف الوزن هو المؤشر الحقيقى لمعرفة درجة الجفاف الذى أصاب الطفل . . ف إذا كان وزن ابنى 10 كيلو و عندما جاله جفاف وزنته فوجدت وزنه 9 كيلو و نص يبقى ده عنده جفاف بسيط ، لأنه فقد 5% من وزنه بس

و يجب على كل أم ان تعرف ان الجفاف المتوسط يجب ان ُيدخل الطفل بسببه إلى المستشفى عشان نركبله تحاليل و نديله مواد تعويضيه للسوائل إللى بيفقدها

فالجفاف مش بس بيقلل كمية السوائل فى الجسم و لكن بيزود الإملاح بيه و بيخلى الطفل عصبى جدا

أعراض الجفاف عند الأطفال :

  • ان كان طفل عمره أقل من سنة و نصف نجد ان فتحة رأسه نازلة لأسفل ــ مدلدلة ــ
  • و ان كان عمر الطفل أكبر من سنة و نصف سنجد جلد رأسه مهدل و ده نتيجة ان ضغط الدم قل و السوايل قلت بالرأس
  • بكاء الطفل يكون بدون دموع
  • اللسان يكون جفاف ــ ريقه ناشف ــ
  • العين داخلة لجوة أوى
  • الجلد مش مشدود و لما افرده ما يتفردش
  • الطفل يكون هبطان و ماعندوش نشاط

فيجب ان نلاحظ هذه الأعراض جيدا ، فان ظهرت على الصغير يجب متابعتها مع أى طبيب ليظل ابناءنا بصحة جيدة

و ده ممكن تسمعوه من الدكتور مدحت لزيات استشارى طب الأطفال و حديثى الولادة على الرابط ده

http://www.mediafire.com/?ev89ndgh31n5aus

و لكم تحياتى

مامى لأول مرة

http://www.fxopen.com/DriftDraw.aspx?gclid=CL-mm5Sf-aUCFQlf4wodcSE03A

midlle ad