top ad

الخميس، 28 أكتوبر 2010

إزاى أعرف ان ابنى موهوب ؟؟






انت كأب و حضرتك كأم سمعتوا عن حاجة اسمها " تنمية القدرات الابتكارية " عند ابنكم . . و حتى لو سمعتوا عندكم وقت ولا يا دوبك حضرتك مشغول بأبواب الرزق المقفولة و حضرتك مشغولة بالطماطم و اسعارها و و كل تفكيرك منحصر فى البحث عن اكلات لا تدخل فيها الطماطم و ان دخلت يكون على استحياء .


لو الحكاية كدة ح نعمل إيه فى المواهب إللى حطها ربنا فى أولادنا ؟؟ ح نتعرف عليها إزاى و ننميها بأى طريقة . . و ح نعمل إيه لو عرفنا إن التفكير الابتكاري يقى واحد من أهم الأهداف التربوية خصوصا فى مرحلة الطفولة المبكرة .


حد عبقرى ممكن يسأل و اشمعنى الطفولة المبكرة تحديدا ، ح اقوله لأنها من المراحل الخصبة لدراسة الابتكار واكتشاف المبتكرين . . ف الابتكار إذ لم يشجع في مرحلة الطفولة فان تشجيعه بعد ذلك يكون ضعيف الجدوى . . وقد أكدت أبحاث عديدة أن الابتكار صفة مشتركة بين جميع الأطفال .


الرضيع يولد مبتكرا :
تولد أطفالنا وهو مزودة بدرجة عالية من الوعي . . و مكانة متميزة من الذكاء . . لكن ناس كتير ما تعرفش الموضوع ده لأنها مركزة فى موضوع الهم هم هم هم اللى هو الأكل أى الطعام

لكن الأبوين الواعيين هما من يستطيعان تنمية قدرات الابتكار لدى ابنائهم و تحديدا في مرحلة رياض الأطفال . . و ده بيحصل إزاى ؟؟؟؟ يحصل بالأنشطة المتعددة اللى بيقوم بيها الطفل بعد تهيئة المناخ المناسب له نفسيا واجتماعيا وبيئيا .


أهمية مرحلة الطفولة المبكرة في تنمية قدرات الطفل العقلية والابتكارية :


-1-لأنها فترة حاسمة تتكون خلالها المفاهيم الأساسية للطفل

2- في هذه الفترة يتطور النمو اللغوي للطفل تطورا سريعا

.3-تركيز الطفل في هذه المرحلة يركز على الملامح الرئيسية المميزة للأشياء والأفراد والأماكن المحيطة به لفهم معالمها الرئيسية

4-يسهل على الطفل في هذه المرحلة تخزين المعلومات والخبرات ورموز الأشياء لاستخدامها في اكتساب الخبرات المستقبلية وتفسيرها والتعامل معها

05-يتصف خيال الطفل في هذه المرحلة بالخصوبة المفرطة نظرا لقلة خبراته الحسية


6-يستطيع الطفل في هذه المرحلة الربط بين الأسباب ونتائجها بحيث يتمكن من ترتيب حدثين أو ثلاثة في تسلسل منطقي سليم

7-يكون مدى انتباه الطفل في هذه المرحلة قصيرا للغاية لذا يجب العمل على استثارته وتشويقه باستخدام مثيرات سمعية وبصرية وحركية تشد انتباهه

8-يكون النمو العقلي في هذه المرحلة سريعا يساعد علي تنشيط إدراكه لكل ما حوله

9-تعتبر هذه الفترة هي الفترة الحرجة التي يتم فيها إرساء معالم شخصية الطفل ليتحدد إطارها وتتضح معالمها عاما بعد آخر

10-سنوات الطفولة المبكرة هي الفترة التي يجب الكشف فيها عن الابتكار والإبداع لدى الطفل.

11-هذه المرحلة هي المرحلة المثلى لتعلم المهارات المختلفة واكتسابها لأن الطفل يستمتع بتكرار أي عمل حتى يتمكن من إتقانه.

12-سنوات الطفولة المبكرة هي الفترة الحيوية لتكوين الضمير والوازع الديني للإنسان من خلال علاقته مع المحيطين به .



أخطاء تحد من قدرات الابتكار لدى الأطفال :

-التسلط

-الحماية الزائدة

-الإهمال

-إثارة الألم النفسي

-التفرقة في المعاملة بين الأطفال

–تردد الأهل في اتخاذ القرارات مما يؤثر سلبيا على تنمية قدرات الابتكار لدى الأطفال .

صفات الطفل المبتكر:

1_ مرونة التفكير.. يمكن دى تلاقى صعوبة عند حضرتك فى فهمها لأنك أساس بتعانى من نقص شديد فيها . . فتقولى ساخرا ، طفل عنده تلت سنين ح يكون عنده مرونة !!!! إزاى؟!!!! . . أيوة عنده مرونة ، فى انه بيقدر يغير سلوكه او اسلوبه عشان يلاقى حل لحكاية هو عايز يعملها و انت رافضها .

2- الاستقلال الشخصي ..وهذه الصفة تظهر من خلال تمركز الطفل حول ذاته متحررا من القيود الاجتماعية مما يخيل للأهل او المدرسة أنه غير اجتماعي أو متمرد على التقاليد الاجتماعية

3- شخصية غامضة ..يظهر الشخص المبتكر استقلاله من خلال تحمله للغموض في حياته ، كما يبدو انه غير منظم ويشعر بالرضا عند تحديه للأمور الصعبة .
4- تحمل الأخطاء ..تظهر ملامح هذه الصفة من خلال عدم خوف الطفل من الوقوع في الخطأ وتقديم حلول بديلة متعددة لأي مشكلة تعترضه

5- -تمتعه بقدر مناسب من الذكاء .

6- انخفاض مستوى القلق ..يتمتع الطفل المبتكر بالصحة العقلية وهذا يؤدي لانخفاض مستوى القلق لديه ، فكلما كان الطفل أكثر نضجا من الناحية الادراكية كلما استطاع أن يوظف كل الظروف لتوفير الأمان النفسي بينه و بين تحدياته

7- الاهتمام بالمعاني والعلاقات ..فالطفل المبتكر أكثر اهتماما بالمعاني والعلاقات بين الأشياء وتوظيف المعلومات والمفاهيم الواسعة أكثر من الطفل العادي الذي يهتم غالبا بالتفاصيل الصغيرة


ارجوكم راقبوا ابناءكم ــ و خاصة من هم فى مرحلة رياض الأطفال ــ و ابحثوا فيهم عن نقاط الإبتكار . . فان وجدتوها ف تعاملوا مع طفلكم بشكل يتمشى مع طبيعته لتنمية قدراته الابتكارية . . فان فهم طبيعة الطفل المبتكر وصفاته يؤدي إلى أن تتعامل معه بطريقة صحيحة وإلا قيدت قدراته الابتكارية وخسرت خسارة فادحة . . فالنجار الذي لا يعرف طبيعة الخشب لايمكن أن يكون نجارا ناجحا في عمله .

و لكم تحياتى
مامى لأول مرة
https://www.youtube.com/user/dahshan2007

لتنمية قدرات أطفالنا







يسأل الكثير منا عن الدور الصحيح للأم و الأب . . هل هو منحصر فقط فى توفير الطعام و الشراب و و غرفة النوم المناسبة و الإستحمام و البيت النظيف للأطفال ، أم ان الدور أعمق من ذلك و له جوانب متعددة و متشعبة ؟؟؟.


و تأتى أجابة الأطباء لتؤكد ان للأهل دور أسمى من ذلك بكثير و خاصة الأم فهى المسؤلة عن تنشيط ذكاء الطفل و اكتشاف مواهبه و تنمية قدراته العقلية التى تبدأ بنظرات الإعجاب الأم بابنها عندما يبدع فى شئ ما .. فهذه النظرة ستحفر فى ذهن الطفل و تشكل وجدانه . . كما ان كلمات التشجيع و خاصة فى مرحلة ما قبل المدرسة لن يسمعها الطفل إلا من والديه و خاصة الأم . . فهى الوحيدة القادرة على التنوء بمستقبل ابنها بقولها له " انت بالشكل ده ح تطلع عالم كبير ــ لما تكبر ح تبقى شخصية مهمة ـــ ده انت فنان متميز ــ أكيد انت ح تغير شكل الدنيا لأنك مهندس عبقرى ــ انت ح تبقى دكتور كبير"

و على فكرة معظم العلماء ما بقوش علماء الا بتشجيع اهلهم وقت الطفولة ، عشان كدة لازم نوفر وقت للأولادنا و ما نفعدش معاهم و احنا شاردى الذهن ، و فاكرين ان شوال اللعب إللى احنا جايبنها ح تأدى الغرض و تحل مكانا ، ده يبقى اسمه تهريج ، لأن اللعبة دورها تكشف للأهل عن مواهب الطفل ، مش شغل مكان الأم أو الأب .

المطلوب من كل أب و كل أم لتنمية مهارات طفله :
ـــ ننشط لغة الجسد : ابتسموا ، بصوا لولادكم باعجاب ، قولولهم كلمات تشجيع ، ضموهم ، طبطبوا عليهم ، زغزغوهم . . فالابتسامة و نظرة العين اللى كلها اعجاب ، و اى لغة إيجابية للجسد تساهم فى تشكيل وجدان الطفل ، و تنمية قدراته . . فنرجوا ان تهتموا بالـ اbody languageعند التعامل مع الأطفال

ــ حددوا كل يوم صفة تحاولوا تنميتها بالطفل ، و من الممكن تكررها مع نهاية كل أسبوع . . المهم انمى فيه القيم عشان يثق فى نفسه
ــ أقلل كل ما هو سلبى من سلوكياتى : فلا شخط ، و لا زعيق ، ولا سب ، ولا انتقاد ، ولا عنف ، و بلاش المقارنة بالأطفال التانيين
ــ و لو طفلك عيط أو اتعصب أو خبط راسه فى الحيطة ، طول بالك و ثبت أعصابك . . ما تخدش من عصبيته و تترفز انت كمان
تذكر : احنا عايزين جيل واثق من نفسه ، لا متوتر و لا مهزوز . . و ده ح يبدأ من ثقتنا احنا فى أنفسنا أولا ً ، زى ما بنهتم بأكل الطفل و جسمه ، لازم نهتم كمان بقدراته العقلية و النفسية


لتنمية مهرات الأطفال من عمر سنتين و حتى خمس سنوات :

و هذا يعنى تنمية الحواس الخمسة
- البصر: و ذلك بعرض الصور عليه ـ عرض ألوان ــ الإضاءات ــ الأنوار ــ و ده كله لتنمية الذاكرة البصرية
ــ اللمس : امس جلده ـ اجعله يمس أسطح مختلفة النعومة و الخشونة ــ معرفة الفرق بين الأشياء عن طريق حاسة اللمس ، بوضع يده فى الماء ، فى الصابون عند الإستحمام
ـ السمع : اسمعه اصوات مختلفة لتنمية ذاكرته السمعية ، و على سبيل المثال أضع قواقع البحر على أذن الطفل ليسمع صوت البحر
ــ التذوق : ينموا من تلقاء نفسه مع تنوع الأطعمة و المشروبات ، سواء كانت ساخنة او باردة
ــ الشم : عرفوه على الرائحة الخاصة لأشياء مختلفة مثل الورد ، الزهور ، الخضرا ، الطعام ، الملابس
و ده كله ممكن نسمعه من الدكتور ايهاب عيد استشارى الطب السلوكى على هذا الرابط
اسئلة عن طرق التعامل العامة مع الأطفال :
ــ ابنى عنده سبع سنين و مش عارفة اتعامل معاه إزاى ، فهو عندى و شقى شقاوة تنتهى بكوارث ، مرة عمل نفسه نايم لحد ما نمت ، صحيت لقيته مولع فى المشاية . . مرة تانية رمى نفسه من البلاكونة على تندة الجيران .. اتبعت معاه كل الطرق من عقاب و ترهيب و ترغيب و طبطبة ، و زعيق و مافيش فايدة
جزء من الإجابة : مشكلتك انك ما خدتيش دروس فى كيفية الإستعداد لتربية الأطفال ، عشان كدة انتى لازم تمرى فى كل ركن فى بيتك و تشوفى المكان ده ممكن ابنك يتزحلق منه ، الحتة دى ممكن تكهربه ، هنا الكرسى ده خطر لأنه تحت الشباك فممكن يقفع فى الشارع . . فاى الحقيقة ابنك مش شقى ، لكن الغلط كله عليكى ، إزاى بتشتكى انه حرق المشاية و انتى إللى سايبة الكبريت قصاده أو فى حتة يوصل لها


الغلطة التانية انك غيرتى طرق معاملتك على نفس السلوك ، مافيش حاجة اسمها مرة دلعت ، مرة ضربت ، مرة شتمت ، مرة صهينت . . لازم نثبت على طريقة واحدة فى العقاب عشان الطفل ما يكتشف انك محتارة و يلعب بيكى . . ابنك عنده رغبة فى الإكتشاف لازم تنميها و تدورى على طرق لتحويلها لشئ إيجابى مش سلبى يقلب بكارثة
باقى الإجابة ممكن تسمعوها على نفس الرابط السابق و هو
http://youtu.be/5ooO4_CCLTk


ــ بنتى عندها تلت سنين و شهر ، بتقعد كويس على التواليت و بتعمل بى بى كويس ، لكن التواليت أقصد البراز ما بترضاش أبدا تعمله فى الحمام ، مش عارفة أعمل معاها إيه ؟
جزء من الإجابة : مافيش مشكلة عضوية عند بنتك ، لكن أكيد فى توتر فى البيت أو فى المدرسة منعكس على بنتك و مخليها فى حالة من عدم الآمان . . لأن الطبيعى اننا نتحكم فى التبرز أولا و البول بيجى بعدين ، على عكس حالة بنتك . . على العموم اعمليلها تحليل عشان تتأكدى ان معندهاش ديدان هى المتسببة فى عدم التحكم فى البراز
باقى الإجابة ممكن تسمعوها على نفس الرابط السابق و هو

ــ ابنى عمره أربع سنين كان شجاع جدا ، لدرجة انك كان بيقوم بالليل يدخل الحمام لواحده أو يشرب لواحده ، و فجأة اتفرج على افلام رعب ، بقى بيخاف يتحرك فى البيت ، و ما ينامش إلا و حد نايم جمبه فى السرير و هو ماسك فيه جامد ، و بدأت أقوله انت جبان ، و انا مش ح أحبك . . أعمل إيه عشان أرجعله ثقته بنفسه ؟؟

جزء من الإجابة : اخطر حاجة عملتيها انك عنفتيه و عايرتيه بسبب خوفه . . المفروض تشوفى امتى بقى شجاع حتى لو نص ساعة فى الأسبوع و تضخميها و تهللى و تصقفى . . و بلاش التلفزيون المفتوح زى الحنفية طول اليوم . . حاولى تفرجى ابنك على making الأفلام عشان يفهم ان كل دى خد و مش حقيقة ، و مثلى معاه لعبة الحرب و تحطى كاتشب كأنه عورك ، و قوليه قصص عن الشجاعة و منها قصة سيدنا ابو بكر الصديق لما كان مع الرسول فى الغار و أبو بكر كان خايف
باقى الإجابة ممكن تسمعوها على نفس الرابط السابق و هو

و لكم تحياتى
مامى لأول مرة

الثلاثاء، 26 أكتوبر 2010

لين العظام عند الأطفال

يا ترى لين العظام عند الأطفال حاجة خطيرة ؟ طيب له علاج ؟ و بيستمر مدة قد إيه ؟!! و للاجابة على السؤال ده قدرنا نجيب تسجيل للدكتور مدحت زيات طبيب الأطفال و حديثى الولادة و قال :
" لين العظام معناه نقص فى الكالسيوم ، و رغم ان الكالسيوم موجود فى لبن الأم او اللبن الصناعى . . لكن امتصاص الكالسيوم من الأمعاء يتطلب وجود فيتامين "دال" النشط . . و ده بيجى من أشعة الشمس لما بتلامس الجلد بيتكون فيتامين "دال" 3 ، و بمروره عبر ه الكبد و الأمعاء يبقى فيتامين "دال1" النشط . . و أهميته تتمثل فى انه العنصر الرئيسى لإمتصاص الكالسيوم اللى بيقضى على لين العظام . . ف لو مش موجود فيتامين "دال 3" النشط مش ح يمتص الكالسيوم . . و غالبا نقص الكالسيوم بيكون بسبب التغذية و تحديدا سببها سوء التغذية . و من المعروف علميا ان لبن الأم فيه فيتامين "دال " بشكل قليل ، عشان كدة أى حد بيرضع طبيعى لازم يأخذ فيتامين "دال" من الشهر التانى عشان نكون مطمنين ان الرضيع مش ح يجيلوه لين عظام . . و حتى لو بيرضع لبن صناعى ، برضه يآخد فيتامين دال .. و احنا بنضطر نكتبه للأمهات لأنها ما بتقدرش تعرض ابنها للشمس ، سواء عشان مش فاضية ، او ماعندهاش بلاكونة ، او ما عندهاش وقت تخرج تروج النادى أو أى جنينة تقعد فيها ابنها .


أعراض لين العظام تظهر من بعد الشهر السادس :
ــ الراس تكون مربعة
ــ تأخر فى ظهور اللأسنان
ــ رست الإيد يكون عريضة
ــ تشوهات فى القفص الصدرى و تبروزات و نتوءات به
ــ تقوس فى الرجلين
ــ ضعف عام
ــ نقص الكالسيوم ممكن يسبب تشنجات
ــ و الإيدين تكون دايما مقفولة
و يمكن لكم سماع الدكتور مدحت الزيات و كلامه عن لين العظام عند الأطفال على هذا الرابط


http://youtu.be/udQu89eL0-4


تشخيص لين العظام بيكون عن طريق تحليل الدم أو الأشعة على الإيد و العضم . . و بيعملوا تحليل اسمه "ألكلين فوسفاتيز"


-->

 أسئلة للدكتور مدحت الزيات :


ــ بنتى عندها شهرين و نصف وزن ولادتها 3200 كيلو ، و بقالها 12 يوم لا تتبرز إلا باللبوس ، ده غير انها بتمص اصابعها كتير جدا و هى نايمة ، مع العلم انها ترضع طبيعى و وزنها 5300


جزء من الإجابة : لما بنتك ح تآكل ح تبقى طبيعية ، اديها شيح بابونج سواء من الصيدالية او من عند العطار ، بنتك عندها امساك فسيولوجى ، و بعد الشهر التالت تقدرى تديها عصير تفاح . . و لو بتعضعض فى اصابعها بالليل ممكن تكون جعانة ـ و عشان تعرفى و تتأكدى من الحكاية دى شربى بنتك أعشاب لو خدتها تبقى جعانة


ــ ابنى عنده تلت شهور و نص و بيرضع طبيعى ، وزن الولادة 3 كيلو و دلوقتى 8 إلا ربع ، و بيآخد دوا عشان لين العظام ، هو بينام باللي 8 ساعات ، هو كدة بينام كتير ؟ و احنا لازم نخسسه ؟؟


جزء من الإجابة : هو مليان شوية ، بس ما تقلقش. . مدام عملت وظيفة الغدة الدرقية اول ابنك ما اتولد و طلع كويس يبقى ما تخافش ، و 8 ساعات نوم كويس جدا


ــ ابنى عنده ست شهور ، و كل ما أشيله أحس ان جسمه بيطقطق ، و دايما حاطت إيده عند ودنه و بيشد ودنه طول ما هو صاحى ده فيه خطورة ؟؟


جزء من الإجابة : الطقطقة عادية فى الأطفال مدام بيحرك إيده و رجليه بشكل عادى ، لكن الصوت ده نتيجة ان عضمة رجله بتكون قصيرة ، و كل ما يكبر فى الوزن العضمة ح تكبر ، و قبل سنة ح تكون راحت . . بالنسبة لودانه لازم نتأكد ان ما عندوش إلتهاب فى الأذن الوسطى ، لكن لو بيرضع كويس و بينام كويس يبقى مافيش إلتهاب و فى الحالة دى يكون بيشد ودنه بسبب التسنين .


ـ ابنى وزن الولادة2400 و دلوقتى 6700 و اول ما تم شهر الدكتورة كتبته على "فيتامينات مركبة" multi-vitamin ، و بعد تلت شهور كتبتله على كالسيوم ، و هو بيرضع طبيعى و ما بدلوش أعشاب ولا أى حاجة غير اللبن ، و مش عارفة حصله إيه فجأة ، ده بقاله أسبوع بيصحى كل ساعاتين عشان يرضع


جزء من الإجابة : ابنك وزنه كويس ، اديله فيتامين دال لما يبقى عمره شهرين عشان يساعد على امتصاص الكالسيوم ، ابنك مش محتاج لمجموعة الفيتامين او multi-vitamin . . و بقى بيصحى عشان ما بقاش بيشبع و محتاج يآكل وجبة مع الرضاعة عشان يعرف ينام خمس ساعات على بعض


ــ ابنى عنده سنة و سبع شهور ، و عنده لين عظام ، و ماخدش فيتامين خالص غير لما وديته للدكتور من قريب ، و هو فعلا إتأخر فى المشى ، ده غير ان مشط رجليه معوجين لجوة ، فيا ترى العوجة دى ممكن تروح ؟؟ مع العلم انه بيرضع طبيعى بس ، ما أكلتوش غير من قريب


جزء من الإجابة : ابنك حالة نموذج للين العظام ، عشان اعتمد على الرضاعة الطبيعية بعد الشهر السادس ده غير انه مابيآخدش أى فيتامين و تحديدا فيتامين "دال" . . انتى درس لكل الأمهات عشان تتعلم انها تدى فيتامين دال لإبنها من بعد الشهر التانى




 S.M.S للدكتور مدحت الزيات :
ــ بنتى عمرها تسع شهور و لم تجلس بعد
جزء من الإجابة :الأطفال بتقعد من غير ما تسند من عمر 6 لـ 8 شهور ، اعرضيها على دكتورعشان يشخص حالتها ، واضح ان عندها مشكلة فى الجهاز العصبى


ــ هل ممكن اعطاء بنتى زبادى فواكهة ، مع العلم ان عمرها تسع شهور
جزء من الإجابة : اه طبعا ، و تقدر تأكليها زبادى عادى ، و تديها فواكهة لوحدها كمان




ـ ابنى عنده 5 شهور و بيفرك دايما فى أنفه و عينه
جزء من الإجابة : حطيله محلول ملح قبل كل راضعة


ــ ابنى عنده عشرين يوم ، يوم البراز بتاعه كويس و يوم بيكون زى الماية الصفرا . . أعمل إيه ؟ و هل هذا يؤثر على وزنه ؟
جزء من الإجابة : البراز السايل ده عادى ، و يعمل من مرتين لسبع مرات فى عمر العشرين يوم ده طبيعى جدا و مش اسهال ، الإسهال بيكون لو عدى عدد مرات التبرز عن سبع مرات


ــ بنتى التواليت بتاعها لونه اخضر غامق و عمرها ست شهور و عشر ايام و ما بتآكلش غير زبادى
جزء من الإجابة : ست مرات تبرز فى عمر ست شهور ، ده كتير . . لازم نعرفى لو فى قئ حرارة فده له معنى . . و الفيصل هنا الوزن ، لو وزن بنتك مناسب لعمرها يبقى تبرزها عادى . . و عشان تطمنى اعملى تحللي براز
 اسئلة أخرى للدكتور مدحت :


ــ ابنى عمره ست شهور و 3 أسابيع ، و اول ما خد تطعيم الأربع شهور مش عايز يرضع طبيعى فاديته لبن خارجى ، و بعد تطعيم الست شهور رفض الأكل ، وزنه 8600 . . و جاله برد و إسهال و قئ ، و رافض كل انواع الأكل أعمله إيه ، ده غير ان الدكتور كاتبله على حديد 5 مللى فى اليوم و كالسيوم 15 مللى فى اليوم ، و فيتامين دال 21 نقطة فى اليوم


جزء من الإجابة : وزنه كويس . . مافيش علاقة بين التطعيم و رفض الرضاعة ،أكيد لبن الأم قل و عشان كدة خد اللبن الخارجى . . التطعيم بيخلى الأبن عصبى ، و ممكن يرفض الأكل لمدة أسبوع كحد أقصى . ابنك محتاج تنويع فى الأكل ، بلاش الروتين. . اما عن الفيتامين فالأرقام إللى قلتيها دى كتير اوى . . اعملى تحليل لإبنك عشان تعرفى لو عنده لين عظام ولا لأ ، و فى الحالة دى لازم يآخد علاج مش الأدوية السابقة


اسمعوا الإجابة بالتفصيل على هذا الرابط
 http://youtu.be/udQu89eL0-4


ــ بنتى عمرها تسع شهور و 10 ايام وزنها دلوقتى 11 كيلو ، بتآخد لبن صناعى مع اللبن طيبيعى ، مشكلتها ان دماغها كبيرة أوى ، و الفتحة ما قفلتش ، و الدكتور قالى انها لازم تتعرض للشمس مع انها بتآخد كالسيوم من عمر أربع شهور ، و من يوم ما اتولدت قافلة إيديها لحد ما وصلت اربع شهور ، ده غير انها ما بتقف كويس


جزء من الإجابة : فتحة الرأس تقفل ما بين عمر سنة و سنة و نص ـ يعنى ما تقفلش دلوقتى . . و لازم تعرفى اسباب كبر راس بنتك ، فمعنى انها قافلة إيديها ان عندها نقص شديد فى الكالسيوم . . ضرورى تعملى تحليل لين العظام و اسمه " ألكلين فوسفاتيز" . . الكالسيوم العادى مش كافى لبنتك ، بنتك محتاجة علاج


 ــ حفيدى عنده 3 شهور و 20 يوم ، و عنده امساك ، و بقاله عشر ايام بيعمل بزقات بعدد 8 أو 9 مرات ، وزنه دلوقتى 6250 ، و مش عارفة أعمله إيه ؟ خصوصا ان الدكتور بيشكك فى لبن الأم


جزء من الإجابة : مدام الحفيد بيكبر كويس يبقى لبن الأم مافهوش مشكلة ، بس أكيد الأم بتشرب حلبة كتير او بتآخد ملين و ده سبب الإسهال او البزقات إللى عند البيبى ، خصوصا انه بيكبر كويس اوعى توقفوا الرضاعة الطبيعية . . احتمال تكونوا بتدوه أعشاب أو بتشربوه ماية حنفية من غير ما تغلوها و ده سبب البزقات دى


ــ ابنى عنده ست شهور و اسبوعين و كان عنده فتق قربى و عملتله العملية خلاص الحمد لله ، بس بقاله تلت شهور بيجيله نبضة زى ما يكون صقعان ، و الدكتور كتبلى على حديد و كالسيوم


جزء من الإجابة : النبضات دى عادية ، و بتحصل فى الأطفال . . ما تقلقوش ، دى مش من علامات نقص الكالسيوم ، و كل ده بيروح لوحده


ــ بنتى عندها سنة و عشرين يوم وما ادنهاش كالسيوم ، و بتمشى متسندة ، ووزنها 9 كيلو إلا ميت جرام ، فمش عارفة أديلها كالسيوم ولا خلاص على كدة ؟ جزء من الإجابة : وزن بنتك مش وحش ، بنتك تعتبر مشيت ، بس هى بتخاف تمشى لوحدها عشان كدة بتتسند. . و فيتامين " دال " مهم مش عشان المشى بس ، لكن عشان الأسنان . . فادى فيتامين "دال " و كالسيوم لبنتك لحد ما يبقى عمرها سنتين و كل سنانها تطلع
و لكم تحياتى
مامى لأول مرة
 http://la3ya3nyno.blogspot.com/

الجمعة، 22 أكتوبر 2010

أسباب أخذ الرضيع للطبيب


فى امهات كتير ما بتوديش أولادها للدكتور إلا لما يكون عيان أو فى حالة مستعصية . . و مهما كانت الحالة خطيرة بعض الأمهات لا تعيرها اهتمام سواء بسبب عدم المعرفة او الكسل ، و قد تكتفى بخبرة الجيران و المعارف و الأقارب ، و لما تدهور الحالة جدا تقول : " طيب ، واضح انى لازم أروح لدكتور الأطفال " .

و يمكن ده سبب انتشار حالة الكهربا الزيادة على المخ إللى انتشرت بشدة فى ايامنا
. . و سببها الرئيسى ان الأم اولا ما بتلاحظش ان ابنها سخن ، و حرارته زادت عن الحد الطبيعى و هو 37 درجة مئوية .

و الحرارة الزيادة لو وصلت للدماغ ح تعبر للمخ ، و المخ ده الموتور إللى بيمشى بنى آدم ، فلو سخن بتبقى مشكلة اولها الصرع او الكهربا الزيادة ، و اسألوا أى حد موتور تلاجته سخن و فضل مشغلها .
و فى حالات تانية كتير تستدعى العرض على الطبيب و خصوصا لما الرضيع يكون ما بيكبرش و نموه مش تمام ، و الأم ولا هى هنا و فاكرة انها عاملة إللى عليها و زيادة .. و بتسشألأ باندهاش : " ليه ما حدش خبط عليا عشان يدينى نيشان الأم المثالية "


و عشان كدة بأنصح كل أم و خصوصا الأم لأول مرة انها تزور الدكتور بشكل دورى حتى لو ابنها ما بيعانيش من حاجة ، و اول زيارة ممكن تكون من اول اسبوع للولادة عشان تحدد مع الدكتورة او دكتور الأطفال الروتين اليومى للرضيع و هو عبارة عن : ساعات و مواعيد الرضاعة ، الفيتامينات ، الطريقة تغذية ، ساعات النوم . . هذا غير الكشف على دوران رأس و قاع العين و الوزن و الطول و عملية النمو . . إلخ

و تفاصيل زيارة طبيب الأطفال ممكن تعرفوها من الرابط دهhttp://mamy1st.blogspot.com/2010/04/blog-post_27.html

لكن من أهم الأسباب التى تستدعى زيارة الطبيب هى :
1. ارتفاع حرارة الرضيع : عندما ترتفع حرارة الرضيع إلى 38 ْم أعمليله كمادات باردة على جبينه أو مخدات جلدية، أو أبق رجليه دافئتين . . عند استخدامك المخدات الجلدية غطيها، بمنشفة ناشفة لمنعها من الملامسة المباشرة مع جلد البيبى

.. و إذا استمرت الحرارة لساعات عليكى باستخدام اللبوس الخافض للحرارة و هو مرتبط بعمر الرضيع ، بيتباع حسب سن الرضيع . . و بعد ما يآخد اللبوس ، لازم فورا نروح للدكتور عشان يعرف سبب ارتفاع الحرارة و نعالجها ــ و ما تنشوش أن أفضل طريقة لفحص درجة حرارة البيبى و بدقة هي قياس درجة حرارة جسمه من فتحة الشرج .. ضعي الطفل على حضنك بحيث يكون مستلقيا على بطنه، رجي ميزان الحرارة حتى تنزل النقطة الحمراء تحت درجة 37ْم . ضعي الميزان برقة في شرج الرضيع واتركيه لمدة دقيقة إلى ثلاثة دقائق، ولا تتركي ابنك أبدا والترمومتر في شرجه .. و إللى بتلاقى الطريقة دى صعبة او بتخاف ان الترمومتر ينكسر فى شرج البيبى تتستخدم ترمومتر ديجيتال و تحطه تحت باط ــ إبط ـ الرضيع .

2. الترجيع : سرعان ما يستفرغ حديث الولادة ما يأكله . . وهذا بسبب أن معدته يكون شكلها كالزجاجة وليس بشكل كيس كما هي الحال عند البالغين الكبار . . و عشان كدة لازم نراعى ان النونو بيرجع بسهولة و خاصة عندما بميل ظهره قليلا للأمام . . و ده أمر طبيعى و ليس مرضياً ـ و من الأمور الطبيعية برضه ان النونو يكشط ، يعنى يخرج قليل من اللبن السائل أو المجبن بعد الرضاعة او عند التكريع و بيكون شكله سائل إلى جوار الفم و هو ده إللى اسمه قشط ، لكن الترجيع بيكون بإلقاء اللبن لبعيد و مابيكونش على يمين او شمال الفم . . فلو الترجيع كان مرة واحدة فى اليوم مافيش مشكلة . . لكن الأمر اللى يستدعي أخذ الرضيع إلى الطبيب عندما يستفرغ باستمرار ولمدة طويلة أو أنه استفرغ كمية كبيرة من اللبن او الطعام . . و زيارة الدكتور ح تحدد ان كان الترجيع ده نتيجة ميكروب أو بسبب ضيق في مجرى الإثنى عشر أو الربو أو التهاب السحايا .

3. الطفح الجلدي : يازم علاجه بسرعة عشان ما يسببش إلتهابات و ميكروبات ، و للطفح الجلدى أسباب عديدة ،و من اولها الطفح الجلدى بسبب الحفاضة ، مما يتسبب فى إحمرار المنطقة الحساسة عند الرضيع ، و لمنع هذه المشكلة الجلدية عليك بتغيير الحفاضة باستمرار واستعمال الكريم الملطف للأطفال ، و لكن فى حالة الإحمرار أو الإلتهاب يجب سرعة الذهاب إللى الطبيب الذى سيصف لك مرهم خاص للرضع و لحالته . . . و قد يكون الطفح الجلدى بسبب ملابس الرضيع او المادة المستخدمة فى غسيلها ، و قد يكون بسبب طعام و أكل الرضيع و هو ما يسمى بحساسية الطعام .

4.الإمساك : إذا واجه ابنك صعوبة في الإخراج، أو إذا كان برازه قاسيا ومكتلا، هذا لا يعني أن عنده إمساك لكن عنده نقص فى السوايل . . و ده بيحصل نتيجة نقص فى الكميات الغذائية أو التقيؤ المستمر . . و عشان نشخص ان ابنك عنده امساك لازم لا يخرج أو يتبرز لمدة 3 ايام و فى الحالة دى استخدمى لبوس الجلسرين للرضع و الأفضل و المستحب انى اعطيه قليل من أعشاب البابونيج أو الشيح ، المهم نزود كمية السوائل و خاصة عصير البرتقال بشرط ان ابنك يكون عمره اكبر من ثمان شهور لأن حموضة البرتقال فيها خطورة على معدة الرضيع . . و ان كان الإمساك مستمر أو ان منطقة الشرج تنزف قليلا بسبب الاضطرابات عند محاولة الإخراج ؛ هنا لابد من زيارة الطبيب للبدء فى العلاج و معرفة الأسباب المحدثة له .
إذا ظهر دم على براز الرضيع من الفتحة الشرجية خذيه إلى المستشفى فورا دون أن تغيري حفاضته لكي تريها للطبيب

5.اليرقـــــان أو الصفرا : معظم الرضع يصابون بها فى اول ايام ولادتهم و سببها هو عدم اكتمال وظيفة الكبد، فلا يستطيع الكبد مراعاة الصبغة الصفراء القادمة من خلايا الدم الحمراء المحطمة، ويختفي اليرقان الوظيفي عادة خلال أسبوعين من ميلاد الرضيع ، عشان كدة الصفرا هى أول حاجة بنقيسها بعد الولادة ، ف إذا استمرت أكثر من أسبوعين أو اصفر رأس الرضيع وأصابع أقدامه، فيكون ذلك يرقان مرضي، وهذا يعني أن الطفل بحاجة لرعاية خاصة . و يجب ادخاله المستشفى . . ف إذا ارتفعت نسبة الصبغة الصفراء 20 % ملجم، فقد تؤدي إلى حالات حرجة، وهو تأثر الخلايا الدماغية في الوسط الدماغي ، وتصبح صفراء وذات نسبة عالية من الصبغة الصفراء وبالتالي تدمرها، أو قد يصاب بالشلل . لهذا لا تنتظري كثيرا حتى يصفر لون ابنك كثيرا، بل خذيه للطبيب فورا

6.مغص القولون: ده مش مرض لكنه عرض يظهر خلال عملية النمو . . غالباً بيخلى البيبى يعيط ، و انتى مش عارفة السبب لأنه لا بيكون فى أعراض حرارة ولا قئ أو إسهال . . يبدأ هذا العرض بعد 3 أسابيع من الولادة، ويستمر حتى يصل الرضيع إلى 3 أشهر من عمره . . في هذه الحالة لا ينام ليلا ويبكي بذعر ، و يستيقظ الأهل ولا يحتملون الوضع . . و من أهم العوامل المسببة هلمغص القولون هي الضغوط النفسية، أو التشنجات المعوية الشديدة أو بسبب توسيع الأمعاء من الجو، أو بسبب عسر الهضم نتيجة الإفراط في الطعام .. ف إذا أصبح هذا المغص القولوني أسوأ في المساء، يكون سببه الضغوطات الناتجة عن عدة مؤثرات مثل : صوت التلفاز، الأصوات المرتفعة، أو اختلاف جو البيت . فالطفل الحساس يصاب بأصعب حالات المغص القولوني، إذا واجهت مثل هذه الحالة ستشعرين أنه من الصعب جدا إسكات الطفل، ولكن عليك أن تريحيه وتجعليه يستريح بمساعدة أفراد الأسرة . .. و ساعات كتير بيكون هذا المغص سببه الهواء المستنشق و هنا يفضل تكريع البيبى ، يعنى يسندى الرضيع على كتفك ثم تضربيه برفق على ظهره ضربة خفيفة حتى يتجشأ .
في بعض الأحيان تظهر مثل هذه الأعراض نتيجة الأسباب الأخرى مثل : الحساسية، الاضطرابات المعوية أو التهاب الصفاق و ده كله ح يساعدك الطبيب فى معرفته فلا تتلكعى فى زيارته

7.فى حالة الاسهال : لا تشخص حالة الرضيع انها اسهال إلا اذا تبرز فى اليوم الواحد أكثر من خمس مرات و يكون البراز سائل ــ ليس متكتل أو جامداً ــ و فى الحالة دى اول حاجة نعملها قبل الذهاب إلأى الطبيب هو تخفف الأم من شرب الحلبة او الملينات لأنها تكثر من سيولة براز الرضيع ، و ان كان الرضيع عمره فوق ست شهور فيجب ان نطمعه مواد نشوية و ان كان اقل من ست شهور فمن الممكن اعطاه القليل من ماء الأرز المخصص للرضع و ليس الأرز الموجود فى البيوت . . لكن يجب ان نسارع إلى الطبيب فى حالة عدم توقف الإسهال حتى لا يصاب الرضيع بالجفاف .
و لكم تيحاتى
مامى لأول مرة

https://www.youtube.com/user/dahshan2007

تعرف ايه عن حديث الولادة؟؟؟



حديث الولادة ده لقب متميز ما يمنحش كدة لأى حد ولا لكل مين هب و دب زى البيه و الباشا و الباشمنهندس . . لأأأأأأأأأأأأ ، ده لقب له ضوابط و احترام ، عشان كدة لقب "حديث الولادة" يطلق اسم على الرضيع إللى عمره اقل من شهر واحد .

و اهتمينا نعرفكم باللقب المذكور عشان هو ده مدخلنا لمعرفة حصائص صاحب اللقب ، ف.إذا كان بكائه قويا ويحرك أطرافه بنشاط وجلده وأظافره لونهم روز فهد معناه انه في صحة جيدة .

التنفس :
معظم حديثو الولادة يتنفسون بشكل أسرع من ضعفي سرعة التنفس عند الكبار، و تقريبا بتوصل لـ 40 أو 50مرة في الدقيقة . . و بالتالى ف نبضات القلب أسرع هى كمان ؛ حيث تصل من 140 - 180إلى مرة لكل دقيقة . . هذه المؤشرات تزداد اوى لما يبكي أو ينزعج الرضيع .
وبعد الشهر الثاني :
تنخفض سرعة التنفس إلى 30 أو 40 مرة لكل دقيقة، وسرعة ضربات القلب أيضا تنخفض إلى 120أو140ضربة في الدقيقة .


درجة حرارة حديث الولادة :
تكون درجة حرارته حوالي 37 ْم . . و ناخد بالنا ان الرضيع بيكون شديد الحساسية للحرارة المحيطة، وذلك لأن جهاز تعديل درجة الحرارة عنده غير مكتمل النمو بعد، فدرجة حرارة الغرفة يجب أن تبقى دافئة باستمرار ، وده مش معناه انى اخنقه بالهدوم او بالغطى .. . و عشان تعرفى ان كان البيبى حران ولا حرارته مظبوطة ضعي يدك خلف رقبته، فإذا كان عرقان فده يعني اننا لازم نخفف من هدومه او من درجة حرارة الغرفة .. و خلوا بالكم الهدوم الثقيلة بتكون سبب فى اصابة الرضيع بالبرد ، عشان بيعرق و أى نسمة ممكن تبرده ، ده غير ان العرق بيسببله التهابات و طفح جلدى . . فلازم نكون فى حالة حرص مع موضوع كمية هدوم الرضيع و نتعامل معاها بدون افراط أو تفريط .

الحبل السرى :
بمرور الأيام يجف الحبل السري على بطن النونو ويتحول لونه إلى أسود وفي خلال أسبوعين يسقط ويترك أثرا عند سرته
. . لكن قبل السقوط ينصح بإعطائه حمام ، وعندما تسقط تماما تنظف السرة قطنة عليها كحول مرة أو مرتين يوميا حتى تشفى تماما .. و خدوا بالكم كويس من نضافة السرة عشان ما تلتهبش لما نغير للطفل . .و إذا استمرت بالاحمرار ولم تشف خلال الثلاثة أسابيع الأولى عليك باستشارة طبيب الأطفال فورا
سلوك الرضيع :
المص ــ القبض ــ تحريك الأطراف ــ حركة الرقبة التناغمية . . كل هذه الأفعال تظهر بعد الأربعة أسابيع الأولى، حيث يكون الرضيع في وضع الاستلقاء على ظهره .

مراقبة الرضيع :
يوجه الرضيع
رأسه إلى اتجاه معين ؛ تكون الذراع قد سبقت لنفس هذا الاتجاه و لكن مفرودة ، و اليد الأخرى تثنى خلف الرأس . هذا الفعل يبين اليد الأقوى وتكون عادة اليمنى .. و على هذا الأساس يجب مراقبة تصرفات الرضيع بشكل مستمر للتعرف على مدى تطوره العضلى و العقلى ــ الذهنى ــ

التطور الدماغي للرضيع :
ــ المؤثر والاستجابة : إن اللمس من أكثر الحواس تطورا عند المولود، فإذا لمسنا خده
سنشاهد رد فعله المنعكسة في الحال. . . و عشان كدة الرضيع بيكون سعيد عندما تحمله أمه أو أبوه . ممكن يتهيألكم ان الحكاية عادية و طبيعية ، لكنها مؤشر على ان التطور الدماغى فى حالة نمو ، ده غير ان اللمس بيساعد الرضيع على نمو احساسه .

و عشان كدة عندما يحس الرضيع
بحنان ورعاية الأهل ينمو عنده مفهوم الذات الإيجابي و هو ضروري لكل إنسان لتعزيز النمو العاطفي والجسماني والعقلي .

حاسة الشمّ والتذوق تتطوران بالرضاعة الطبيعية حيث يرتبط الرضيع بثدى امه بعد تذوقه للبن الطبيعى و لذلك يرفض اللبن الصناعى ، و
عندما تحاول الأم اعطاءه رضاعة صناعية نراه يرفضها، و ذلك لأنه قد تعرف على رائحة أمه والحليب الطبيعي ولا يرضى بديل لهما إلا لأسباب يعرفها هو . . منها ضعف لبن الأم و احساسه الشديد بالجوع .

فلكل فعل رد فعل لدى الرضيع ، و لكل مؤثر عليه تأثير على عملية نموه ولكن إذا زاد أي مؤثر عن حده سيؤدي إلى إرباك الرضيع وإزعاجه، ويجب أن تكون الموثرات المناسبة غير زائدة عن الحد .. و المقصود بالمؤثرات هو كل شئ محيط بالرضيع من أصوات ، وجوه ، أشخاص ، اماكن ، لعب . . . إلخ

الأسنان اللبنية :
يبدأ أول قسم من الأسنان بالظهور في معظم الأحيان ما بين الشهر الخامس (5) و الشهر الثامن( 8 ) . لكن إذا إتأخر ابنك شوية فى التسنين فما تقلقوش خصوصا لو ظهر عليه الأعراض دى : سيلان في اللعاب والشعور بالضيق والرغبة في عضّ كل ما يقع بين يديه ، فهذا يعني انه على وشك ظهور القسم الأول من أسنانه . . و فى الحالة دى تقدروا تمرروا أصابعكم على لثته عشان تشعروا بيهم و هما بينبتوا. . و هنا ممكن نديله حاجة يعض عليها زى قطعة بسكويت أو عضاضة مطاطية .

لحماية جلد الرضع
:
إن جلد الرضيع غاية في النعومة ويحتاج إلى الاهتمام والرعاية . . و عشان كدة لازم نستخدم الكريم المرطب على كعبه وحول رسغه وفي المناطق المثنية عشان الجفاف بيصيبها بسرعة و احنا محتاجين لترطيبها . . بعد الحمام ضعوا اليىيى اويل baby oil أو اللوشن كريم على جلد الرضيع .

2. تجنبوا الثياب الخشنة والقاسية للرضيع عشان ما تسببلوش حساسية او احمرار و التهابات .

3.أشعة الشمس : لا ينصح بتعريض الرضيع لأشعة الشمس المباشرة و خاصة ما بن الساعة12 ظهرا و حتى الثالثة عصرا فى الشتاء . . و ما بين الساعة 11 عشر ظهرا و الرابعة عصرا فى الصيف

4.الحمام الشمسي : يحتاج الرضيع إلى أشعة الشمس والهواء النقي لينمو بشكل أفضل ويبقى في صحة جيدة . فأشعة الشمس تمده بفيتامين ( د ) اللازم لإمتصاص الكالسيوم المهم لتشكيل العظام والجلد ، كما تساعد الدورة الدموية على الانسياب . . و الحكاية دى ممكن تبدأ و عمر الرضيع شهرين إلا كان وزنه أقل من 5كجم .
فاحنا نختار يوم مشمس و جميل ، يوم دافئ و تخدوا الرضيع في نزهة في عربيته . فهذا سيساعده
على تعديل درجة حرارته بشكل ثابت عند تعرضه لاختلاف في درجات الحارة الخارجية . لا تنزهوه طويلا في اليوم الأول . فلتكن المدة 20 دقيقة في الأيام الأولى . ويمكن بعد ذلك زيادة المدة لتصل إلى ساعة إذا كانت حالته جيدة . . يفضل ان يكون الحمام الشمسى فى جو لطيف ، لا برد و لا حار ، و ممكن يكون فى البلاكونة و من خلال شباك تدخل منه أشعة الشمس فى اوقات التالية ــ من بعد الشروق و حتى الساعة الحادية عشر صباحا ، و قبل الغروب بساعة ، و غير هذه الأوقات تكون أشعة الشمس ضارة على الرضيع .

الخروج الإضطرارى : إذا اضطرتك ظروفك للخروج فى الشمس ، فيجب ان تلبسى الرضيع قبعة لحمايته من الشمس ، و لو كنت جوة عربية حاولى تحطى ستارة تمنع وصول الشمس للرضيع ، و فى كل الأحوال تدهنى جلده بكريم الرضع المرطب للجلد ، و تحاولوا ان مدة الوجود بالشمس أقصر ما يمكن ، و ان لا يتعرض فيها الرضيع للشمس بشكل مباشر لأنها لا تؤثر على الجلد فحسب و إنما على الرأس أيضا

في أوقات الصيف الحارة : يشعر الرضيع بالضيق و الحر و عدم الرغبة فى الأكل ، عشان كدة لازم أكون حريصة على تخفيف هدومه ، ده غير انها لازم تكون من القطن الخاص ، و الحجرة تكون مكيفة و حرارتها ما تقلش عن 25 درجة و ما تزدش عن 27 درجة . . و لو مافيش تكيف نستعمل المروحة بس هواها ما يكونش مباشر عشان النونو و ما يبردش. . و طبعا بلاش العادات الغريبة اننا نسيب الطفل عريان عشان الجو حر ، لكن اخفف هدومه و احميه بماء فاتر أفضل . . و أحرص على اعطاءه كمية من السوائل و الماء وعصير الفاكهة والخضروات . . و عند إطعام طفلك قدمي له الحليب أو الطعام باردا، واهرسي طعامه بحيث يسهل هضمه .

البعد عن الملوثات :
ــ حافظوا على نظافة أواني وصحون الرضيع بالغليان .
ــ اى طعام يمر عليه أكثر من ساعتين ارميه و لا تضعيه فى الثلاجة لليوم التالى
ــ لا تستعملوا المبيدات الحشرات فى وجود الرضيع او أى مواد كيمائية مثل المنظفات و غيرها حفاظا على جهازه التنفسى
ــ بلاش الكنس بالطريقة التقليدية بالقرب من الرضيع
ــ يفضل تنويمه تحت شاشة عشان النموس و الدبان ما يوصلوش ليه و ده افضل من استخدام المبيدات الحشرية .

في الشتاء :
ــ عليك الانتباه والحذر من الغاز السام الناتج من المدفئة
ــ تأكدوا من التهوية الجيدة الموجود بها الرضيع .
ــ عندما يتحسن الطقس ويصبح دافئا، افتحي النافذة ليدخل الهواء النقي . واجعلوا الرضيع يستمتع بأشعة الشمس الدافئة
ــ يفضل إعطاء الرضيع حماما أثناء النهار عندما يكون الجوّ دافئا نسبيا وهذا أفضل من اي وقت آخر .
ــ لا تتأثر شهية الرضيع أثناء الشتاء، فزودوه بكمية كافية من الطعام الغني بالفيتامينات ودفئوا طعامه .

طبيب الأطفال :
الفحوصات الجسمية الاعتيادية للرضيع ضرورية ، فلابد من مراجعة طبيب الأطفال بشكل ثابت و روتينى لرؤية ما إذا كان الرضيع ينمو ويكبر بشكل طبيعي . . فلازم نزور الدكتور بعد حوالي 4 أسابيع من الولادة ثم يراجع كل شهرين حتى يصبح عمر البيبى سنة واحدة . . و لازم نآخد نصيحة الدكتور بخصوص التلات شهور الجايين أو بشأن تصرفات الرضيع الغير طبيعية، وأخذ الاستفسارات اللازمة بشأن نموه وتطوره . ويمكنك كذلك اخذ المعلومات الإضافية الخاصة بالتربية و السلوك و كل شئ يخطر على بالى بخصوص الرضيع .

يفضل اختيار العيادة الأقرب لمنزلك في حالة الضرورة أو الإحتفاظ بتليفون الدكتور للتصال به فى أى وقت و كل المشورة منه حتى موعد زيارته فى العيادة

و لكم تحياتى
مامى لأول مرة
https://www.youtube.com/user/dahshan2007

الثلاثاء، 19 أكتوبر 2010

تخلصوا من الـ E فى طعام الأطفال




الموضوع ده عمره ما جه على بالى ولا فكرت فيه أبدا ً و اقصى حاجة كنت حريصة اعملها انى ما أعودش بناتى على أكل الشيكولاتة و البونبونى و الحلويات الجاهزة ، و اعودهم على الفاكهة و حلويات صناعة البيت ، و لو شربوا عصير يكون فرش و لو اضطريت يشربوا عصير من برة يبقى خالى من المواد الحافظة ، لكن حكاية المواد المسرطة و دهن الجنزير و غيره ما جاش على بالى إلا من خلال موقع غذائى واحدة صديقتى عجوزة ــ مش من سنى طبعا ، بس هى صحبتى ــ مشتركة فيه و الموقع ناشر عن منتج شعرية منتشر جدا بمصر و المصريين مقبلين عليه بنهم ، و داخل فى مكونات الشعرية دى مادة مسرطة ، و الغريب ان الشركة المنتجة كاتبة اسم المادة ضمن مكونات العبوة و هى E612

و بدأت ابحث عن المادة المذكورة فى المواقع الغذائية الخوجاتى و لقيت انها قد تكون مسطرة لبعض الأجسام البشرية ، و بما انى ما أعرفش انا من الأجسام دى ولا لأ ، فقررت انى انشر لكم موضوع الـ E ده ، و اطلب منكم انكم :

1. تقروا كويس كل المكونات على اى عبوة
2.لو لقيتوا داخل فى مكونات المنتج إللى ح تشتروه حرف E . . تدوروا على النت عن الحرف و الأرقام الموجودة جمبه و تشوفوا مدى تأثيره علينا و خصوصا على أطفالنا

3. و لو مش قادرين على عملية البحث على النت أو مش فاضين ، عليكم ان تصدقوا المقال الجاى و إللى لقيته فى أحد المواقع و بكدة تبقوا بعدتوا عن الشر و بتغنوله

المقال المنقول كما هو :
للكاتب غريب 999 الذى يقول " كان احد الأصدقاء يعمل في منطقة بفرنسا في قسم الغذاء. . و كان عمله يتطلب أن يقوم الصديق بتسجيل كافة الأدوية والسلع والأطعمة. . . فإذا قامت أي شركة بإنتاج سلعة معينة يجب أن تصدق من قبل قسم الأغذية ، وهذا الصديق يعمل في قسم مختبر جودة الأغذية ، وبالتالي من الواجب عليه أن يقوم بفحص كافة المنتجات ومحتوياتها. . و لبعض مكونات تلك الأغذية أسماء علمية بحته ، و البعض الآخر منها عبارة عن أرقام .
و سال صديقي عن السر في تلك الأرقام للمسئول ، رد عليه " قم بواجبك فقط وبدون أي أسئلة!"

أثارت هذه الإجابة الشك في ذهن صديقي وقام بالبحث في الملفات والتحري عن أسباب وطريقة التسمية التي تشكلت بأرقام فقط ، وما اكتشفه كان كافيا لإدهاش جميع المسلمين في العالم !!

إن في معظم البلدان الغربية الخيار الأساسي للحوم هو لحم الخنزير ، حيث توجد العديد من المزارع لتربية الخنازير وتوليدها ، ففي فرنسا وحدها توجد أكثر من 42000 مزرعة للخنازير والسبب إن الخنازير توجد بها كمية عالية من الدهون والشحوم أكثر من أي حيوان آخر ، ولكن الأوربيون والغربيون بشكل عام يحاولون تفادي هذه الدهون ، فأين تذهب هذه الكمية الهائلة من الدهون إذا ؟؟ لقد فكروا في استعماله والاستفادة منه ولكن ليس لهم ولكن لغيرهم!أولا : جربوا في إنتاج الصابون منه ، ولقد نجحت التجربة.

ثانيا : قاموا بإنشاء شبكات تجارية دولية لمعاجلة هذه الدهون كيميائيا ، فتم التصنيع والتعليب والبيع ! وقامت شركات التصنيع الأخرى بشراء هذه المنتجات ، وقامت العديد من الشركات الأوروبية بإدخال هذه الدهون بالعديد من مكوناتها الأساسية الطبية والصحية ومواد التنظيف والغذائية وبذلك أدخلت هذه المكونات التي تحتوي على دهون لحم الخنزير على أنها تحتوي فعلا على تلك الدهون في أوروبا .

ولكن ظهرت مشكلة عندما أرادوا تسويق هذه المنتجات الصحية والغذائية وغيرها والتي تحتوي على دهون الخنزير في البلاد الإسلامية ؟ حيث إن الخنازير ومشتقاتها ممنوعة من الدخول إلى تلك البلاد تحت أي مسمى بشكل مباشر أو غير مباشر. وقد أدى منع تسويق هذه المنتجات من الدخول إلى البلاد الإسلامية إلى عجز تجاري!فتم تغيير الخطة! واستبدلوا عبارة دهون الخنزير إلى تسمية أخرى وهي: دهون حيوانات) عبارة عن أبقار ومواشي وعندما استفسرت السلطات الإسلامية عن طريقة الذبح ؛ اكتشفوا انها ليست مذبوحة وفقا للشريعة الإسلامية فتم المنع مرة أخرى ! مما أدى أيضا إلى عجز بمقدار 75% من بيع المنتجات إلى البلاد الإسلامية وهذا يعني خسارة الملايين من الدولارات نتيجة العجز عن التسويق لهذه المنتجات في البلاد الإسلامية.
وأخيرا بدأوا بطريقة التشفير ، فدائرة الأغذية فقط هي التي تعرف طريقة هذه الرموز والشفرات لكي يتم التعارف عليها ومعرفة مكونات الأغذية والتي تبدأ بحرف (e) والتي تدخل في العديد من مكونات المنتجات التي تصل إلينا نحن المسلمون ومنها : معجون الأسنان ، كريم الحلاقة ، معجون الحلاقة ، الشيكولاته ، الحلويات ، البسكويت ، رقائق الذرة ، الحلويات ، الأكل المعلب ، الفاكهة المعلبة . فضلا عن العديد من الأدوية التي تشير مكوناتها بوجود فيتامينات متعددة.

لذلك اطلب من جميع المسلمين الأفاضل بالتأكد وقراءة هذه محتويات أي سلعة تجارية سواء غذائية أو صحية أو غيرها قبل الشراء كالتدقيق على انتهاء صلاحية المنتجات، وقد أرفقت مجموعة من الرموز المشفرة بالحرف (e) والتي تجاور عادة هذه الرموز بكلمات وعبارات علمية خادعة مثلا : ليسثين الصويا ، زيت بذور اللفت النخيل وبزرالكتان ، حليب أبقار ، مكونات نباتيه ، والتي تدل على احتواء المنتج على دهون الخنزير :E100, E110, E120, E 140, E141, E153, E210, E213, E214, E216, E234, E252,e270, E280, E325,E326, E327, E334, E335, E336, E337, E422, E430, E431, E432, E433, E434, E435, E436, E440,E470, E471, E472, E473, E474, E475,e476, E477, E478, E481, E482, E483, E491, E492, E493,E494, E495, E542,e570, E572, E631, E635, E904.

علما بان هناك أيضا سلع ومنتجات بها تلك الرموز وقد لا تحتوي على دهن الخنزير ولكن أضرارها مختلفة وهذه هي :
منتج به دهن خنزير:E101-e102-e103-e111-e120-e123-e124-e126-e127-e128-e141-e152-e210-e213-e214-e206-e234-e252-e270-e280-e325-e326-e327-e334-e336-e337-e374-e420-e422-e430-e431-e432-e433-e434-e435-e436-e442-e470-e471-e472-e473-e474-e475-e476-e477-e478-e780-e481-e482-e483-e488-e489-e491-e492-e493-e494-e495-e542-e550-e570-e577-e591-e631-e632-e633-e904.

مواد مشكوك فيها:E104-e122-e141-e150-e153-e171-e173-e180-e240-e214-e477-e151.
مواد تسبب آلام المعدة:E226-e224-e223-e211-e221.
مواد تسبب ارتفاع ضغط الدم:E320-e321-e250-e251-e252.
مواد خطرة ومحرمة في أمريكا وبريطانيا:E127-e124-e123-e120-e110-e102.
مواد ممنوعة دولياً:E103-e105-e111-e217-e239-e330-e121-e125-e126-e127-e130-e152-e181-e211-e212-e213-e214-e215.
مواد تسبب السرطان:E102-e123-e124-e131-e142-e210-e211-e212-e213-e214-e215-e217-e220-e239-e251-e330-e311.
مواد تسبب اضطراب معوي:E221-e223-e224-e226.
مواد تسبب طفح جلدي:E230-e231-e232-e233-e311-e312.
مواد تزيد نسبة الكولسترول:E320-e312-e463-e464-e466.
مواد تسبب اضطراب في الهضم:E338-e339-e340-e341-e407-e450-e461-e462-e463-e465-e466.
مواد تدمر فيتامين ب 12E220.
تسبب مشاكل للبشرة:E250-e231-e232-e233-e311-e312
علمان بان الرموز غير الضارة هي :مواد غير ضارة:-e132-e140-e160-e161-e163-e170-e174-e175-e200-e201-e202-e203-e236-e237-e238-e260-e261-e262-e263-e281-e282-e300-e301-e302-e303-e304-e305-e306-e307-e308-e309-e322-e331-e332-e333- E335-e400-e401-e402-e403-e404-e405-e405-e406-e408-e410-e411-e413-e414- E421.

وأتمنى أن تتحقق مسؤوليتنا كمسلمين بإتباع نهج الشريعة الإسلامية والابتعاد عن الحرام وتجنبه والقيام بنشر هذه الرموز إلى كل مسلم في العالم وان يحاول النصح إلى جميع من حوله ، وان يقوم هو وأهل بيته وأصدقائه بالتأكد من محتويات منازلهم من السلع والمنتجات المستوردة سواء العربية او الأجنبية والتي تشير في محتوياتها إلى وجود الرموز المشفرة بالحرف (e) والمذكورة أعلاه.والسلام عليكم ورحمة الله وبركاته
الدكتور / امجد خان معهد الأبحاث الطبية الولايات المتحدة

ــ الموضوع منقول كما هو ــ
و لكم تحياتى
مامى أول مرة

الاثنين، 18 أكتوبر 2010

اسباب بكاء الرضيع

1.من أهم اسباب بكاء الرضيع و أولها هى ان النونو يكون جعان و محتاج ثدى الأم . . و عشان كدة أجدادنا قالوا ان جاعوا زنوا و ان شبعوا غنوا ، كانوا طبعا بيوصفوا الرضيع مش الشعب المصرى و احواله .

2. من تانى أسباب بكاء الرضيع هو عطشه بسبب الحر أو الهدوم الكتير اللى متكلفت بيها ، عشان كدة بينصحك الأطباء بضرورة اعطاء الأطفال قليل من الماء المعدنى بين الرضعات و تكون اربع أو خمس معالق بين الرضعة و الثانية ، مع مرعاة حمام الرضيع يوميا عشان نخلصه من الاحساس بالحر اللى ممكن يحسسه بالضيق ، مع التقليل من هدومه على قد الإمكان و ده كله طبعا فى فصل الصيف و فى ايام الحر ، دع غير وضعه فى حجرة مكيفة .

3. و ممكن كمان الرضيع يبكى لو كانت حفاضته مش نضيفة أو مبلولة ، عشان كدة لازم نكشف على حفاضة الرضيع فى حالة بكاءه ، و سرعة التغير له .

4. لو مناخير الرضيع مسدودة ما بيعرفش يتنفس و بينهج و بيكون تنفسه سريع و ما يعرفش يرضع ، خصوصا فى أول ست شهور ، لأنه ما يعرفش مدخل للهواء و التنفس غير المناخير . . و فى الحالة دى لازم ننقطله محلول الملح فى مناخيره عشان يسلك مدخل الهواء و نساعده على التنفس .. و الموضوع ده بيزيد عند الأطفال إللى بترجع باستمرار

5. لو فى غازات فى معدة الطفل بتعمله مغص و ألم ؛ و ده يتطلب تكريعه بعد كل أكل ، و اعطاءه دواء الغازات

6.البكاء بدون مبرر :
و دى حالة بتحصل لأطفال كتير و بتبدأ من الأسبوع الثانى من الولادة و حتى الشهر الثالث و لا علاج لهذه الحالة غير وضع الطفل إلى ناحية الشمال من صدر الأم ليكون قريب من قلبها حتى يسمع دقات قلبها ، فهذا هو المهدئ الوحيد للرضع و الذى يشعره بالأمان ، ف عند تأخذ الأم رضيعها فى حضنها و تضمه بقوة و حنان فيستشعر انه مازال داخل رحمها مما يهدئه و يشعره بالأمان و الإطمئنان.. و ان لم يصمت بين احضان الأم فليأخذه الأب و يخرج به و هو يهدهده ، فكثير من الأطفال تمت هزهزتهم اثناء الحمل و بعتقدوا ان من حقهم ان يستكملوا نفس الهدهدة حتى بعد الولادة ، و كتير منهم اول ما يركب العربية ينام بعمق بسبب هزهزة العربية.

7. الطفل كل ما يبكى شليه و ما تخافيش مش ح يطلع مدلع ، لأنه أصغر من فهم هذه القصة طول ما هو أصغر من سنة

هذا كله يمكنكم سماعه من الدكتور رفعت الجابرى و معه عدد من الأسئلة الواردة له على هذا الرابط
http://youtu.be/Kcc0hpFsc4o

و من الأسئلة الواردة للدكتور رفعت الجابرى :

ــ لون توالت ابنى أخضر ؛ ده علامة خطورة ؟ ده غير انه مقريف و بيريل و بيعضعض على صوابعه ، إيه السبب يا ترى
جزء من الاجابة : فى اول ست شهور لون و قوام و شكل البراز بيتغير و هذا أمر معتاد ولا داعى للقلق من لونه.. أما باقى الأعراض فهى أعراض تسنين و ممكن تستخدميله جل الأسنان الخاص بتسنين الرضع و اديله عضاضة يعض عليها عشان يخفف الألم لحد ما الأسنان تطلع

ــ ابنى بيزحف على المقعدة ، هل ده معناه انه ح يتأخر فى المشى ؟
جزء من الاجابة : لأ ده طفل طبيعى ، بس هو نوع من الأطفال تشكل نسبتهم ما بين 5 إلى 10% ، هو ح يتأخر فى المشى شوية بس ان شاء الله ح يمشى بعد شهرين

ــ ابنى عمره خمس شهور و نص، كانت رضاعته طبيعية جدا و فجأة نموه وقف ، و حللتله طلع عنده طفيليات اعمل ايه عشان يرجع طبيعى ؟
جزء من الاجابة : ابنك رفض الرضاعة بسبب التغير إللى حصل فى طعم لبنك اتغير . . و فى الحالة دى لازم تراجعى نفسك ، و تشوفى إيه إللى اتغير فى أكلك ، بتآكلى توم ، مخلل ، حاجات حراقة . . أو ان الدورة الشهرية بدأت عندك ، فكل دى أسباب لتغير طعم اللبن ، أو لو فى حمل جديد . . و مش ممكن يكون ابنك عنده طفيليات لأنه بيآخد لبن طبيعى .

ــ بنتى عنده خمس شهور و انا حامل دلوقتى فى الشهر التانى . . أعمل إيه ؟؟
جزء من الاجابة : دخلى أكل مع الرضاعة عشان تعوضى النقص فى لبنك . . و لو انتى ما بيحصلكيش مغص و حملك ثابت كملى رضاعة طبيعية لأنها مهمة جدا فى اول ست شهور

ــ بنتى عمرها 3 سنين و عندها امساك شديد جدا ً و متكرر ، و تعبانة من امبارح العصر ، أعمل إيه ؟
جزء من الاجابة : تنتبهى لطبيعة اكل بنتك ، اديها عصير قرصية ، كوسة ، زبادى ، زودى لها كمية الخضار و لحد ما تغيرى طبيعة أكل بنتك ، البسى جونتى و حاولى تساعدى بنتك او وديها للدكتور

ــ بنتى عندها ست شهور و لسة ما بتقعدش و بالظبط بتقعد لمدة دقيقة و بعدين بتقع ، انا قلقانة عليها جدا ً
جزء من الاجابة : بنتك طبيعية

ــ ابنى عمره 22 يوم و عنده غازات و مغص مستمر و حاسة ان وزنه بيقل و دايما بيرجع و هو عايش على اللبن الصناعى
جزء من الاجابة : عدلى وضع نوم ابنك و ارفعى راسه شوية صغيرة جدا و استخدمى لبن صناعى ضد الترجيع ــ مضاد للارتجاع ــ و ما تديش دوا مالوش لزمة .

ــ بنتى عمرها سنة و شهر و ما بتمشى و لا زحفت مع انها خدت كالسيوم و عمرها 25 يوم
جزء من الاجابة : اعرضى بنتك على طبيب أطفال لتحديد النمو الذهنى لها لأن له دخل كبير فى عملية المشى

ــ بنتى عندها تلت شهور و من اول ما أتولدت بترجع كل حاجة : لبن ، ينسون ، كاراوية ؛ أعمل إيه ؟؟
جزء من الاجابة : بنتك لازم تتعرض على استشارى باطنة عشان يعملها موجات صوتية على البطن

ـ حفيدى عمره سنة و تسع شهور و ما بيقولش غير ماما
جزء من الاجابة : حفيدك طبيعى ، طول ما انتى قاعدة لاغيه و اتكلمى معاه و هو بعد ست شهور ان شاء الله ح يكرلك كل الكلام

S.M.S :
ــ بنتى عمرها سنة و دايما بأسمع صوت طقطقة عضامها
جزء من الاجابة : الطقطقة دى ح تختفى عند سن سنتين ، و هى نتيجة هرمون انتقل من الأم للرضيع

ــ ابنى عمره اربع سنين ، راح الحضان و رجع عنده التهاب فيروسى و بأديله مضاد حيوى
جزء من الاجابة : غلط ، مش كل إلتهاب فيروسى نعالجه بالمضاد الجيوى ، لأن الفيروس ده ما بيستجبش للمضاد الحيوى . . و الإلتهاب ده بيجى من البوس . . ارجوكم امنعوا البوس عن الأطفال

ــ ابنى بينام بالنهار و بيصحى بالليل و أنا اتعذبت خلاص
جزء من الاجابة : ابنك مش قاصد يضايقك ، بس هو ما عندوش فرق بين نهار و ليل و الحل انه يآخد تعسيلة او قيلولة اثناء النهار عشان ينام بعمق بالليل ، و نعمله نظام يعرف بيه انه ح يدخل بعد شوية للنوم

ــ الدكتورة قالتلى وقفى الرضاعة الطبيعيى عشان لبنى خفيف ، و من وقتها وزن بنتى ما بيزدش
جزء من الاجابة : مافيش حاجة اسمها لبن خفيف و لبن تقيل ، ربنا عامل لبن كل الستات بنفس التركيز ، و أكبر جريمة ممكن نعملها فى حق اطفالنا اننا نوقف الرضاعة الطبيعية و نمنعها عنهم

ــ ابنى عنده 3 سنين بعد ما كان بيفرك و يتحرك و نشيط أصبح خامل و دائم النوم ، هل ده نقص فيتامينات ؟
جزء من الاجابة : الأنيما ممكن تسبب الخمول و رغبة فى النوم و ده نتيجة نقص الحديد عند الأطفال ، و أنصحك تعملى صورة دم لإبنك .

ــ ابنى عمره سنة و ست شهور ، سنن كل السنان بس ماشيش مع انه بيسند على الحيط و يتحرك
جزء من الاجابة : فعلا التسنين بيأثر على المشى ؛ لكن لازم نتأكد ان الطفل بيفهم إللى بنقوله و بيستوعبه و ماعندوش مشكلة ذهنية

و لكم تحياتى
مامى لأول مرة
https://www.youtube.com/user/dahshan2007

الأحد، 17 أكتوبر 2010

مبروك المدام رايحة المستشفى











بالعافية طبعا لما عرفتى تشترى هدوم البيبى ، لا لا أبدا ما ابتكلمش عن موضوع الفلوس ، انا أقصد انك قدرتى تنزلى و تلفى و تشترى و تستحملى اقتراحات و نصايح ده و فتاوى دول ، و هاتى كذا و بلاش كذا مذا . . و بعد طلوع و نزول و لف و دوران الحمد لله اشترينا أحلى هدوم للبيبى . . و مش فاضل غير انه يلبسها
طيب ح يلبسها إزاى و هو جوة بطنك ، طبعا حماتك اول واحدة ح تتريق عليكى و تقولك ساخرة ، ابلع الهدوم و هو ح يتصرف ، هو متعلم يلبسها جوة ، هئ هئ هئ . . ياله من هزار حمواتى
سيبك من حماتك و كملى موضوع الشنطة إللى ح تجهزيها و تخديها معاكى المستشفى للولادة . . أول حاجة لازم تعمليها انك تغسلى هدوم البيبى قبل ما نخديها و يلبسها لأنها بتكون مردومة تراب سواء من تخزينها فى المحلات إللى اشتريتى منها او من تخزينها فى بيتكم ، ده غير كم الإيدين إللى مسكتها و هى مش نضيفة و جلد البيبى حساس ما يستحملش
يرجع مرجوعنا لموضوع شنطة مامى و هى رايحة المستشفى عشان تولد :
لو الولادة طبيعية :
آخد معايا نفس الشنطة لو الولادة قيصرية . . ح تقولولى ليه ؟؟؟ دى إللى بتولد طبيعى بتخرج فى نفس اليوم ، يعنى مش محتاجة هدوم مابيت لها ولا للبيبى . . ح أقولكم كتير من الستات بتدخل على انها ح تولد طبيعى و يحصل حاجة تخلى الولادة تقبى قيصرى ، و طبعا تضطر تبعت أى غريب يجبلها حاجات ليها و للبيبى . . ح تقولولى و غريب ليه ، ح أقولكم لأنها محتاجة كل قريب يبقى جمبها ساعة الولادة ، و مش ح تقدر تفرط فيه عشان شوية هدوم ، و خصوصا لو كانت مامى لأول مرة .
و فى الحالة دى الغريب يدخل بيت و يلعب فى حاجاتها و فى الآخر مش ح يجبلها إللى هى محتاجاها بالظبط . . يبقى مافيش داعى من الأول ، لا نتعب حد معانا ولا نتعب نفسنا .
شنطة الولادة القيصرية :
ــ شامبو للبيبى
ــ فوطة للاستحمام
ــ فوطة للتنشيف
ــ كيس حفاضات صغير لحديثى الولادة
ــ كريم او ببى أويل يتسخدم بعد الحمام
ــ اربع سالوبيتات للغيار
ــ اللفة او الشاية أو الكوفرتة ــ شوفى بتسميها إيه ــ
ــ و لو كنا فى الشتا ما تنسيش الزعابيط و اللكاليك و البطانية ــ و الفانيلات الداخلية و التى شيرات إللى بكم تحت السالوبات ــ و ده على حسب درجة الحرارة وقتها
ــ فى الصيف لبسى السالوبيت على الحفاضة و خلاص
ــ و لو فى الخاريف لبس فنيلة داخلية تحت السالوبت و مع الحفاضة
ــ كيس مناديل معطرة لتنظيف البيبى ــ يستعمل فى المستشفى بس ــ لكن لما ترجعى البيت تنضفى البيبى على الحوض باستخدام ماء فاتر . . و اوعى تستعملى المناديل المعطرة لأنها بتسبب التهابات للبيبى ، لكن فى المستشفى ممكن تستعمليها لأن إللى ح ينضفوا البيبى ح يكون كل الناس إلا انتى لأنك مش ح تقدرى بسبب القيصرية ، فعشان تضمنى ان الممرضات نضفت البيبى كويس جبلهم المناديل المعطرة
ــ فى المستشفى ح يدوا البيبى جلوكوز ، لحد ما لبن صدرك ينشط ، و اول ما تفوقى من القيصرية خلى حد يناولك البيبى و حطيه على صدرك عشان اللبن يتحرك و يملاه و عشان كدة ح تكونى محتاجة سوايل كتير فلازم تخدم معاكى زجاجتين ميه معدنيه و عصير ، حتى لو المستشفى فيها كافتيريا و بيصرفولك أكل ، ح تكونى محتاجة سوايل كتير
ــ زجاجة كحول لتطهير سرة البيبى
ــ شايلة البيبى
و طبعا ما تنسيش هدومك انتى و بعد الولادة ترجعى تعيطى
الحاجات إللى تخصك الوالدة :
ــ هدوم داخلية
ــ قميصين نوم و روب
ــ طقم خروج
ــ حفضات ليكى عشان دم النفاس [و ممكن تلاقيها فى المستشفى بس خدى معاكى احتياطى]
ــ فرشة أسنانك و معجون
ــ فوطة وش
ــ سجادة صلاة
ــ شبشب
ــ بلاش برفا و بادى سبراى و سجاير و بخور و اى حاجة لها ريحة عشان رئة البيبى
ــ كاميرا للتصوير
ــ علبة شيكولاتة ــ لو حد ح يج يباركلك فى المستشفى
واوعى حد يقولك المستشفيات بيكون فيها كل حاجة ، مش صحيح ، مش كل المستشفيات فيها صيدالية و لا كافيتريا ، و بما اننا ماتضمنش أى حاجة ، يبقى مافيش داعى للحوسه
عندما يأتى البيبى بالسلامة :
توصى الأب او اى حد تثقى فى سلوكه ينزل للحضانة و يكبر فى ودن البيبى اليمنى فور ولادته يعنى يقول الآدان فى ودنه اليمين ، والإقامة في ودنه الشمال ــ و بعد كدة تراجعى النقط إللى جاية دى عشان لو الممرضات قصرت او كانت مش عارفة أو على أحسن الظروف مكسلة نفهمها و نوجها
اولا السرة : لابد من الاهتمام والنظافة التامة بسرة البيبى لانها مكان حساس وممكن يشيل اى تلوث فعليكى الاهتمام بها جيدا بمحلول الكحول الابيض
ثانيا : اول ما تحسي ان البيبى عايز يغير تطلبى حد من الممرضات عشان يغيرله
ثالثا : البيبى بيآخد كلوكوز كل ساعتين ، فلو التمريض إتأخر ابعتيلهم
رابعا ً: البيبى لازم يستحم كل يوم فى المستشفى و يغير كل هدومه و تخليهم يوروكى و يعلموكى إزاى تحمى البيبى
خامساً: الإهتمام بعيون البيبى و استخدام القطرة الخاصة به
سادسا ً: دوا الغازات يعطى للبيبى ثلاث مرات فى اليوم عشان يتخلص من الغازات و ينام بعمق
سابعا : ان لم يستيقظ البيبى للاكل لابد من ايقاظه كلساعتين او كل 3 ساعات
كل دى حاجات تطلبى من مشرفة التمريض تنفيذها فى حالة عدم إلتزام الممرضات بتنفيذها . . ده غير نضافة اودتك و تغير الحفاضة الخاصة بيكى نتيجة لدم النفاس
و الف مبروك
مامى اول مرة
el7adsa-incident.blogspot.com

الجمعة، 15 أكتوبر 2010

بناتى وقت الصلاة




تعلمت بنـْتى الزحف من عمر تسع أو عشر شهور تقريبا لا أذكر بالضبط ، و كانتا فى تلك الأيام تتأملانى و أنا ألبس اسدال الصلاة ، و تندهش بشدة لحظة وضع رأسى داخله و اختفاءها حتى موعد الخروج من الجهة الأخرى . . و كنت أراقبهما عبر نسيج القماش و أرى الدهشة المخلوطة بالإعجاب واضحة عليهما بشدة .. هنا قررت ان أجعل من الإسدال و حركته المرنة أثناء اللبس شخصية كرتونية تحبها بنـْتى "جى" و "هوهوز" ، لعلها تربطهما بالصلاة . . و فعلا من اول لحظة لمرور رأسى عبر شريط الإسدال أصبحت اخفى رأسى داخله و أحركها مع يدى كأنهم شبح خرج من واحد من أفلام الكرتون . . كنت عايش دور شبح ، شبح خفيف الظل . . فتضحك البنتان و تقهقهان حتى تستلقى "هوهوز" على قفاها ، أما "جى" تبدأ فى رفع قدميها فى الهواء و كأنها تكاد تصفق بهما فرحا و مرحا .

كنت أتعمد ادخال السرور على نفسي "جى " و "هوهوز" لكى أكون رابط شرطى بين السعادة و الفرح و بين الصلاة لعله ينعكس عليهما عندما يبلغا سن التكليف .

و مرت الأيام و انا معتقدة ان الإسدال هو كل رابط بناتى بالصلاة ، إلا انهم عندما بلغتا شهرهما الحادى عشر غيرتا من سلوكهما تجاه دخولى فى الصلاة . . فقد كانتا تتفحص كل حركة اقوم بها من وقوف و ركوع و سجود حتى التشهد و التسليم ، فقد كانت "جى " و "هوهوز" تراقبانى باندهاش و كأنهما تفاجئان فى كل مرة بآداء نفس الحركات .


و بعد أن بلغ عمرهما سنة ، بدأت "جى " و "هوهوز" تعتادا على أمر صلاتى و فقدتا اندهاشمها ، لدرجة انهم بقوا بيستوا اللحظة اللى ح أرفع فيها رأسى من السجود عشان تجرى تنام مكان رأسى ؛ مما يدفعنى لتغير مكان كل سجدة و آخرى .

لم يدم هذا الحال طويلا ، فقد قررت بنتى عدم انتظارى حتى أرفع رأسى من السجود ، ففور فرد سجادة الصلاة أصبحت كل منهما تفرد جسمها فوقها هى الأخرى مما يدفعنى للصلاة خارج حدود السجادة . . و استمر بنا الحال على هذا المنوال إلى سأمت "هوهوز" النوم فى حالة سكون على سجادة الصلاة و بدأت فى الشقلطة و القفزو الترفيس ثم تطور بها الأمر إلى ان أصبحت تلقى بنفسها فى حضنى . . و كانت تشعر بالسكينة و الراحة و الحنان لو تصادف قيامى من السجود للدخول فى التشهد سواء كان فى منتصف الصلاة او فى نهايتها .

أما "جى" ، فرغم انها تعشق الإستقرار إلا انها تتأمل كل ما يدور حولها لتتخير التوقيت و الأسلوب المناسب للتغير . . و فعلا ً قررت ان تنضم لفريق "هوهوز" للأحضان الدافئة . . و أصبحت الإثنتين على موعد مع اول لحظة لجلوسى للتشهد لأضمهما و تحديدا ليلقيا بنفسهما فى صدرى وخوفا عليهما من السقوط و فعس احدهما الآخرى ، اضمهما فعلا .

و تنوع الأمر ما بين أحضان مع بداية التشهد و نوم قبل السجود . . إلا ان قررت "هوهوز" و "جى" ان تستكملا لعبهما و أن لا تلتفت إلى إلا وقت جلوسى للتشهد .


ثم انصرفتا عنى لبضعة أيام لكى أصلى فى خشوع و سكينة و راحة ، و ده طبعا مش لسواد عيونى و لكن عشان يلعبوا بحرية دون تدخل منى بكلمة كخ و عيب و تؤ تؤتؤ ؤتؤ و لأ . . الغريب ان بناتى ما أهملتنيش بشكل كامل ، لأ خالص ، دول أول ما يشفونى أمسك بالإسدال ؛ فورا يجروا على أقرب مصلية و يجبوهالى ، لدرجة انى أتعود أطلبها منهم . . و فى مرة طلبت المصلية من " جى " فبصت بشكل تلقائى على المكان المعتاد للمصليات ، فملقتهاش ، سبتنى وراحت تكمل لعب ، لكن "هوهوز" دورت على المصلية فى حد ذاتها مش بصت فى المكان او خلاص، ل دى كلفت خاطرها و دورت. . لأ أبدا مش زيادة ذكاء من هوهوز ، لكن لأنها متعهدة الفركشة فى بيتنا وواخدة توكيل النعكشة الأوحد فى العيلة ، و طول ما هى ماشية تشد سجاجيد ، تقلب كوبايات ، تشد شلت ، تنور نور النجف و ده طبعا بعد ما تطلع على دراع الكنب .


طبعا أى حد ح يدخل بتنا و يطلب المصلية ح يلاقى مارثون بيتنصب عشان تحقيق الهدف المراد ، بشرط ان كلمة السر تكون المصلية مش سجاد الصلاة . . فـ "هوهوز" و "جى" يعرفوها باسم "مصلية" . . و انا تجرأت مرة و حاولت اطلب منهم سجادة الصلاة فكانتا لا تلتفت إلى ولا للاسدال .

و تغير سلوك بناتى مع المصلية ؛ و أصبحتا تلعبان بعيدا عنى و عن سجادتى اثناء صلتى ، و هذا الأمر يرجع لسر عجيب ، و إذا عرف السبب بطل العجب . . الظاهر ان بناتى فهمت اننى مش ح أخرج من صلاتى و مش ح ألأعب معاهم و لا أضحك و لا حتى ح أرمش ، و ده استنتجته لما واحدة منهم تبقى شبطانة فى حاجة و انا عاملة مش واخدة بالى ، فتفضل هى منهمكة فى العياط و انا منهمكة فى حكاية "انى مش واخدة بالى " . . اهم اول ما المنهمكة دى تشوفنى بألبس الإسدال تصرخ بقوة كأنها بتقولى " ما تدخليش الصلاة إلا بعد ما تجبيلى إللى انا عيزاه " . . طبعا أنا بأبدأ الصلاة ، و طبعا هى بتفتح الإستريو ــ استوريو العياط ـــ و لما تتأكد انى جوة الصلاة فعلا تبدأ تنزل بالنبرة واحدة واحدة واحدة ، لحد ما تسكت خالص و تلعب مع نفسها او مع أختها و كأن العياط ده كان جاى من عند الجيران .


و الظاهر ان حكاية انى فى الصلاة ما بأضحكش معاهم و ما بألعبش و ما بأرمش لفت نظرهم لدرجة ان هوهوز قررت تساعدنى انى أغير سلوكى زى ما هما غيروا . . و بدأت "هوهوز" تضرب على ضهرى و انا ساجدة ، فلقتنى ما بأتحركش . . قالت ، لأ الحكاية عايزة عنف أكتر فبدأت تضرب على رأسى و انا ساجدة ، برضه النتيجة صفر . . الظاهر ده زود التحدى جواها ، فقعدت على رأسى و بدأت تنطتت عليها بكل جسمها . . لأ لأ ، ما تتوجعوش أوى كدة ، الموضوع مش مؤلم ولا حاجة . . مش عايزة حد يتصور انه بيشوف فيلم فجر الإسلام و يتفتكر الكفار و هما بيعذبوا المسلمين ، لأ الحكاية مش كدة ، فى الهاية دول رضع ، و إيديهم و جسمهم أصغر و اضعف من عمل إى اصابات ، فيما عادى لما بيقرروا يلطشوا فتبقى ايديهم بتلسع زى ما يكون حد بيحدفك بحصى ، فما كان صغير لك التوالى بيخليه بيلسع و بس .


يرجع مرجوعنا لفيلم فجر الإسلام و المشهد التمثيلى لتعذيب "هوهوز" ليا و انا بأصلى ، بعد الطبطة على ضهرى ثم كتفى ، و القفز فوق رأسى ، ثم التراجع تدريجيا إلى الطبطبة على راسى و أنا ساجدة . . و انا صامدة و ساكتة .

هنا وجدت "هوهوز" ان الصرخة هى الحل .

فابنتى هوهوز لها صوت لكاء قادر على نسف مدينة بأكملها ، فهو رتيب بشكل قادر على خلع قلاع من جذورها و للأمانة هو تمثيل للبكاء ، لكنها تجيد أداءه بشكل رتيب مش يخرجك من الصلاة ده يخرجك من هدومك و لا مؤاخذة . . و اصرار "هوهوز" على الراتبة و السرسعة يشعرك انك فى تدريب عسكرى يمرنك على الثبات و التحكم فى الأعصاب . . و قررت "هوهوز" استخدام هذا الرنين الشوكى إللى لو عرفت بيه أمريكا لأستخدمته فى جوانتانمو و لو اكتشفوه العرب كانوا عملوه سي دى و كل بيت فى غزة شغله لحد ما يوصل لتلت أبيب .


و بعد فشل هوهوز فى ان ألتفت إليها أثناء الصلاة قررت ان تقوم بإغرائى ، فمرة تلوح لى بعروستها اللعبة و انا أقرأ الفاتحة ، و مرة أخرى تقرب من فمى لعبة فقاعات الصابون عشان انفخها و اطلع فقاقيع و هى تفرقع . .. و النتيجة انى سبتها فعلا تفرقع فقربت منى و للمرة الثالثة مع مزيج من الإلحاح التليفون اللعبة إللى بيطلع مزيكة على امل ان أشغله لها ــ مع العلم انها لسة ما بتتكلمش ــ و مش قادرة أتوقع شكل إلحاحها بعد ما تتعلم الكلام ــ احنا ان شاء الله ح ننطرش ، ابقوا تعالوا زورونا .


و لم تيأس "هوهوز" رغم كل محاولتها الفاشلة باغرائى بلعبها . . و عندما تأكدت انى لن أنصرف عن صلاتى لأى سبب ، قررت ان تعود لقواعدها سالمة بإلقاء نفسها فى حضنى اثناء التشهد . لكنها لم تنسى تحديها لى لذلك قررت أن تعبر عنه اثناء وضوئى . . ففور خلعى للشبشب لكى أغسل رجلى ، تسارع بحمله و تخرج جارية من الحمام و كأنها تقول لى : " ورينى ح تتوضى إزاى و ح تصلى إزاى "
هذه القصة بقلم : السيناريست / سمر العـزب

و لكم تحياتى
مامى لأول مرة

الخميس، 14 أكتوبر 2010

و سقطت "هوهوز" فى البانيو







بدات أشعر بارهاق شديد عندما ترغب احدى بناتى فى تغير حفاضتها . . لأ مش من أعراض شيخوخة طبعا ، دى أعراض شباب ، بش شباب عند بناتى . . الحمد لله دراعى ما بقاش قاددر يشيلهم . . و فى الحالة دى أى وكيل النيابة ممكن يسألنى " و امتى تمكنت منك هذه الحالة "
بدأ هذا الشعور يتملكنى بعد احتفالنا بالعيد الأول لميلاد بناتى . . و قبل انقضاء الشهر الأول من الاحتفال ، بدأت أشعر ان ذراعى يكاد يقدما طلب هجرة لبلاد "ممنوع دخول الحفضات" . . و ده لأنى خلاص مش قادرة أشيل البنات و ارفعها على الحوض و أبدأ فى عملية التنظيف إللى بتفكرنى برئيس الحكومة و طبعا بيكر معاه باقى شريط الحكومة ، لأ طبعا مش على صفحات الحفاض ، لأن حفضات بناتى و الحمد لله أكثر تعقيما .
و الظاهر ان موضوع وجع الدراعات بيأثر على المخ ، عايزة أدور عن الموضوع ده . . أصلى كنت مش طايقة أشوف نموسة تدخل بيتنا من غير ما تقرص جوزى و تخرج ، ده غير أنى كنت عصبية جدا مش لأتفهة الأمور ٍُلالالالالالالالالالالالالالالالالالاكلمة اتفه دى أكبر بكتير من الحالة إللى انا كنت فيها .

طبعا ح تسألنونى ، بناتك عمرهم سنة و شهر و لسة ما قعدوش على التواليت . . ح اقولكم بالفم المليان و بكل ثقة ، لأأأأأأأأأأأأأأأأأأ . . فاكرنى ح أتكسف و أحط وشى فى الأرض خجلا منكم ، لا . . و ده مش بس عشان كل دكاترة الأطفال أكدوا ان تدريب الرضيع على التواليت يبدأ من عمر سنة و نص و تحديدا من عمر 18 شهر ، لأ كمان ، لأنى قبل ما بناتى تتم سنة ، أتحمست و قولت من النهاردة ح أبدأ تدريب عسكرى عنيف للقضاء على الحفضات . . و طالبت من جوزى يمدنى بالقصرية المتينة ، و الراجل ما كدبش خبر ، و فعلا جابها قصرية جذابة جميلة ، لولا اسمها كان الواحد استفاد بيها فى أشياء أخرى . . ح أوصفلكم شكل القصرية ، بس ده مش من باب التغزل فيها ، قد ما هو توضيح لسبب خناق بناتى عليها .

دول مش بس بقوا بيتخانقوا عليها ، لا ده كمان يا ويل لو واحدة قاعدت عليها فى حضرة التانية . . فقد أصبح مكان جلوس بناتى المفضل فوق القصرية . . مع ملاحظة انهم بكامل هدومهم . . أصلهم بيتعاملوا معاها على انها عربية و تبدأ كل واحدة تسوقها ، و مرة فكرت أقعد واحدة عليها ، لقيت التانية بدأت تصرخ و تزقها . . معاهم حق حد يلاقى عربية شيك و لونها أحمر و على شكل دبدوب و يقول لأ
و عودة لموضوع هجرة ذراعى عن جمهورية مصر العربية ، و التى لم ينقذهما إلا الحل السحرى ، لأ ما أقصدش ان بناتى قدرت تغير الحفاض لنفسها . . لكن أخيرا تعاطف معى والدى و اقترح عليا حل البانيو . . قالى انى ممكن اتعامل معاه بضمان حفاض الرضيع ، و صرخ فى وجهى مستكملا ً : " ان كانت بناتك تطور نفسها لماذا تصرى على ان تقومى بدور الحكومة فى منزلك و تفضلى محلك سر " . . و هنا قررت التعاون مع البانيو
بس واضح ان الموضوع مش بالسهولة دى ، و محتاج شوية تدريب ، لأن كم الالتهابات إللى مرت بيها "هوهوز" و "جى" تكافيهم لحد سن عشر سنين ، و هما إللى عمرهم ما تسلخوا غير مرة واحدة و بسبب موجة حر مفاجأة نتج عنها عرق شديد من "هوهوز

المهم بعد طول تدريب طال لمدة ثلاثة أشهر قدرت أوصل للنظافة الكاملة ، بعد ما اكتشفت السر ، الحكاية انى محتاجة اخد وقتى و ما استعجلش . . و فعلا قررت أخد وقتى . . و أول امبارح و انا لآخد وقتى : كنت موقفة "جى" فى البانيو و كنا منهمكين مع الحفاضة و أستكها و المادة اللاصقة بها ، لكن ده ما يمنعش انى كنت اختلس النظر لهوهوز" اللى كانت بتحاول تمسك ماء الدش و هى واقفة برة البانيو، و لم أبال بالأمر فهذه ليست المرة الأولى التى ارى احدى بناتى و هى تحاول الإمساك بالماء المندفع من الدش كالنافورة و كان الموقف يمر ما بين ضحكنا و قفزهم لأعلى فرحا ً بالماء الذى تنجحا فى الامساك ببغض رزازه
إلا ان هذه المرة تختلف ، و كأننا على موعد مع البرد ؛ ح اقولكم إيه حكاية البرد دى كمان شوية . . و فجأة و دون سابق انذار وجدنا هوهوز تعوم فى البانيو تحت أقدام "جى " . . و كأن "هوهوز" قد احكمت الإمساك بخيوط الماء التى أبت و قررت جذب "هوهوز" بشدة داخل البانيو و تحديدا تحت ماء الدش .
و ف ثانية لقيت " هوهوز" جوة البانيو بتعوم تحت الدش ، طبعا سبت "جى" إللى كنت مسكاها باحكام عشان ما تتزحلقش و قلت أنقذ إللى بتغرق تغرق تغرق و بتبجلل . . و بسرعة خرجتها . . و لكن قبل ما تطلع ما يمنعش ان "جى" هى كمان تشاركنا البكاء من باب المجاملة" . . هو حد عارف يمكن تقع نفس الوقعة أهو تلاقى إللى يآخد بحسها . . و لما بدأت "جى" تعيط فقدت توازنها هى كمان و كانت على وشك الإنزلاق ، لكن الحمد لله ربنا ستر
و طلبت من زوجى سرعة تغير ملابس "هوهوز" على ان اتعامل مع "جى" و انتهى من تغير حفاضتها . . و لأن زوجى مش مسؤل عن موضوع التغير للبنات ، فمايعرفش حاجة عن مكان هدومهم و توزيعها و تصنيفها ، و بدأ رحلته العجيبة فى دولاب البنات و كأنه كأنه سائح سقط من طائرة رأسا ً على أحدى حارات بلدنا الحبيبة
و عقبال ما انا انهيت من مهمتى القومية و وصلت لأرض الوطن بالسلامة ، كانت "هو هوز" مازالت غرقانة فى هدومها ، و اول ما طلعتها هدومها وجدتها هى كمان قد خلعت ملابسها المبتلة . . و مهما كنت سريعة فمش ممكن أكون أسرع من البرد إللى اتمكن منها و احنا مش مديين خوانة . . و لبستها بسرعة من غير ما أتأكد ان جوزى نشفها ولا نسى . . لكن بعد ساعتين ، و لما جه معاد نومها ، لقينا مناخيرها قفلت و مش قادرة تتنفس ، و بدأنا رحلة مقاومة البرد إللى كالعادة بتبدأ بمحلول الملح لمنع الختفرة ، و بعدين شفت المخاطر من مناخيرها ، و انتهت المعركة " بتراى أمينك" إللى سبقه خمس نقط فيتامين سى للأطفال و اسمه الحركى سى فيت
و قتها قلت ان المعركة مع البرد ح تأخد تلت تيام من قيام اللي و متابعة أخد الدوا فى مواعيده ، و لو عندى واسطة كويسة الحكاية كلها تآخد خمسة تيام . . لكن المشكلة ان "هوهوز" استطاعت بنجاح منقطع النظير و بمجهودها الفردى ان تنقل فيروس البرد لكل أفراد البيت
و لو حد فكر يجى يزورنا ح يلاقينا ما بين بيحك و بيعطس و بينف و مصدع و طريح الفراش ، وكلنا يجمعنا الميكروب اللعين
و لكم تحياتى
و سلام قبل ما اعطس فى وشكم
أم لأول مرة





midlle ad