top ad

الاثنين، 26 يوليو 2010

لو كنتى أم لأول مرة :

أم لأول مرة يعنى صعوبة فى التعامل مع الطفل ، مش عارفة إيه إللى بيحتاجه رضيعها من عناية و اهتمام و أكل و شرب و نوم ، و إيه أسباب بكاءه و ماذا تفعل ليسكت


رعاية الطفل من أول ساعة
أولا : العناية بالصرة :
ــ يحتاح الحبل السرى لنضافة خاصة ، حيث يجب أن يفرك هذا الحبل بالسبرتو برفق و لا يرش من بعيد لأن ده ما بيضمنش تنضيفه و إزالة الإفرازات و منع الإلتهابات . . و على الأم الجديدة ما تخافش لسماع بكاء البيبى ، فهو يصرخ لأن السبرتو بارد يعنى صاقع ، مش بيبكى من الألم .


ــ لا يجب على الأم ان تلف الصرة بشاش أو أى شئ ، انما يجب ان تترك الصرة و الحبل الصرى للهواء


ــ و الأمهات إللى بيتحب تحط رباط للصرة لازم تحطه بعد سقوط الحبل السرى .. و ان كان العلم أكد عدم لزوم هذا الرباط ، لأن فتاء الصرة بيروح لوحده مش محتاج لفة تساعده


ــ ملاحظة : العناية بالصرة مهم جدا ، حتى لا يحدث إلتهابات بها تسبب تسمم للبيبى
ثانيا : العناية بالعيون :
ــ لأن عيون البيبى مش متعودة على الأتربة و الجو الملوث الذى نعيش فيه ، لذلك نستخدم له قطرة لمدة أسبوع من أول يوم للولادة . . و هى نوع من انواع الوقاية لعين البيبى و ليست علاج


ــ نضع القطرة مرتين فى اليوم أو ثلاثة لمدة أسبوع واحد فقط


ــ نثبت رأس البيبى و نبدأ نحط نقطتين القطرة ــ نقطة فى كل عين ــ بشرط يكون بعيد عن الانارة ، لأن أى بيبى بيقفل عينه مع وجود النور
لو كنتى أم لأول مرة - مامى لأول مرة mamy1st

ثالثا : العناية بالمقعدة
ــ دهان المقعدة اول ما يولد النونو ، بحيث تدهن بالزينك أو الفزلين او الزيت ، لعمل طبقة عازلة للمقعدة من البول و البراز . . الدهان للذكور يكون بوضع المرهم بين العضو و السرة لأن البول عند الذكور يصعد لأعلى على عكس البنات ، التى تدهن لأسفل


ــ من الأسئلة الواردة للدكتور مدحت الزيات :
ابنى عمره 8 شهور و رافض الأكل تماما ً ، و خصوصا أكل الأطفال مثل سيريلاك . . أتصرف معاه إزاى ؟

  • بنتى يظهر أسفل راسها بيلية صغيرة بتتحرك . . يا ترى دى حاجة خطر ؟

  • ابنى من عشر ايام بدأ يطلع أصوات غريبة من زوره . . مش عارفة ده معناه إيه ؟


  • بتى بتعمل فى البراز جزر . . معنى كدة انها ما بتستفدش منه ؟


  • ابنى عنده خنفرة زيادة من يوم ما اتولد .. اتصرف معاه إزاى ؟

  • ابنى عنده عشر شهور ، و بعد استخدام الكالسيوم و فيتامين دال لقيت جزء من ضهر جلده جف . . فهل ده معناه انى لازم اوقف الفيتامين ؟


  • بنتى عندها خمس سنين و نص و هى نايمة بتعض فى شفتها اللى تحت و تشد فى ودنها ، لدرجة انها ورمت شفتها من شدة العض عليها كأنها ترضع فيها . . مش عارفة اعمل معاها ايه ؟


لسماع الإجابة على هذه الأسئلة و أهم التعليمات الواجب ان تتبعها أى أم جديدة او الأم لأول مرة ادخلوا على اللينك ده 
http://youtu.be/fNoSFW24gaE



اسئلة الـ S.M.S للدكتور مدحت الزيات :
ــ ابنى بيآخد علاج لنوبات الصرع ، امتى اعمله رسم مخ ؟ مع العلم بأن النوبات متوقفة من شهرين
ــ انا ح أولد توأم كمان شهر و مش عارفة أبدأ الرضاعة الصناعية من امتى ؟؟ من أول يوم للولادة ولا أبدأها لما أحس انهم مش ح يشبعوا ؟
ــ هل تطعيم البريفينار مهم ؟
ــ بنتى عمرها سنة و لاحظت ان تحت عنيها هالات سودا . . إيه سببه ؟
ــ بنتى تعبت و عمرها 36 يوم ، و بقت مش عارفة ترضع و مش عارفة تآخد نفسها ، و كانت بتنهج . . الدكتور قالى انه عندها إلتهاب رئوى و دخلت الحضانة و قعدت 17 يوم . . قالولى ان فى جزء فى الرئة مقفول . . و كل عشر ايام بيجيلها التهاب رئوى ، مش عارفة أعمل إيه معاها ؟؟
ــ بنتى عندها سنتين و عندها ضمور فى المخ ، و ده مأثر على أكلها ، و وزنها و بالتالى بينعكس على المخ . . فعايزة طريقة تخلينى أزود وزنها بأى طريقة عشان ما تأثرش على نموها الذهنى أكتر من كدة و حركتها
ــ ابنى عنده سنتين و على طول زوره واجعه و ملتهب . . أعمله تحليل معين أو مزرعة ؟؟
ثالثا : أستحمام الرضيع :
ــ استحمام الرضيع هى متعة للبيبى ، لذلك يجب ان يستحم من أول يوم للولادة خاصة فى الصيف و ان كان فى امكانية ان يكون كل يوم وبل و مرتين فى اليوم
ــ يكون الحمام قبل الرضاعة حتى لا يرجع البيبى
ــ كل الأطفال تستحم ، ترضع ، فتسترخى و بكدة تنام ست ساعات متواصلين . . و دى الطريقة إللى الأمهات بتعلم ولادها بيها النوم فى مواعيد منتظمة ، و بتعلمهم بيها الفرق بين الليل و النهار ، لأننها بنام بالليل و بنصحى بالنهار [معلومة جديدة على الرضيع]
ــ استحمام البيبى حتى و ان لم تسقط الصرة ، و بعد الحمام تجفف بالفوطة برفق ثم تمسح بكحول . . يتكرر نفس الموضوع لحد ما الصرة تقع
لسماع هذا الموضوع بالتفصيل اضغط على اللينك ده
 http://youtu.be/bkeEqW2aiyQ
و لكم تحياتى
مامى لأول مرة
http://la3ya3nyno.blogspot.com/


الخميس، 22 يوليو 2010

عايز ابنك يحبك ؟؟؟

هناك بعض الآباء يتناسون أهمية أن يجعلوا أبنائهم يحبونهم ويرتبطوا بهم ويصبحوا جزءا من حياتهم اليومية

ومن المشاكل التى تظهر نتيجة لعدم توافر العاطفة بين الآباء و ابناءهم :
ــ عدم التفاهم بين الآباء وأبنائهم

و لعلاج هذا الظاهرة يجب :
ــ على الآباء والأمهات الاهتمام بزيادة التواصل بينهم وبين أبنائهم و يجعلون أبنائهم يحبونهم من خلال بعض الأفعال البسيطة ومنها :
1- تخصيص بعض الوقت مع أولادك سواء بتناول وجبة الغذاء خارج البيت أو ممارسة بعض الرياضة معهم مثل المشي أو السباحة

2- نمى داخل ابنك ثقتهم بنفسهم بتشجيعك لهم وتقديرك لمجهودهم الذي يبذلونه وليس فقط تقدير النتائج كما يفعل معظمنا
.3- يمكن للأبوين أن يحتفلوا بإنجازات أبنائهم ولا تمر عليهم كأنها حدث عادي لأنها بالنسبة للطفل تكون من أهم أحداث حياته ويمكن أن تظل معه طول حياته . . لذالك لابد أن تحظى باهتمام الأبوين.
4- علم أولادك التفكير الإيجابي بأن تكون إيجابيا، فمثلا بدل من أن تعاتب ابنك لأنه رجع من مدرسته وجلس على مائدة الغداء وهو
متسخ وغير مهندم قل له "يبدو أنك قضيت وقتا ممتعا في المدرسة اليوم"

http://mamy1st-children-songs.blogspot.com/
5- اخرج ألبوم صور أولادك وهم صغار واحكي لهم قصص عن هذه الفترة التي لا يتذكرونها.
6- ذكرهم بشيء قد تعلمته منهم.
7- قل لهم كيف أنك تشعر أنه شيء رائع أنك أحد والديهم وكيف أنك تحب الطريقة التي يشبّون بها.
8- اجعل أطفالك يختارون بأنفسهم ما يلبسونه فأنت تشعرهم باحترامك لقراراتهم.
9- اندمج مع أطفالك في اللعب مثلا كأن تتسخ يديك مثلهم من ألوان الماء أو الصلصال .
10- تعرف على مدرسي أطفالك وأصدقاءهم حتى لا تسألهم عندما يعودون من المدرسة بشكل عام "ماذا فعلتم اليوم" ولكن تسأل ماذا فعل فلان وماذا فعلت المدرسة فلانة فيشعر أنك متابع لتفاصيل حياته وأنك تهتم بها
11- عندما يطلب منك ابنك أن يتحدث معك لا تكلمه وأنت مشغول في شيء آخر . . كالأم عندما تحدث طفلها وهي تطبخ أو وهي تنظر إلى التلفيزيون أو ما إلى ذلك ولكن أعط تركيزك كله له وانظر في عينيه وهو يحدثك
.12- شاركهم و تحدث معهم عن أحداث الأسبوع، ولا تسمعهم فقط بل احكي لهم أيضا ما حدث لك
.13- اكتب لهم في ورقة صغيرة كلمة حب أو تشجيع أو نكتة وضعها جانبهم في السرير إذا كنت ستخرج وهم نائمين أو في حقيبة مدرستهم حتى يشعرون أنك تفكر فيهم حتى وأنت غير موجود معهم
.14- عندما يرسم أطفالك رسومات صغيرة ضعها لهم في مكان خاص في البيت وأشعرهم أنك تفتخر بها.15- لا تتصرف مع أطفالك بالطريقة التي كان يتصرف بها والديك معك دون تفكير فإن ذلك قد يوقعك في أخطاء مدمرة لنفسية ابنك
.16- بدلا من أن تقول لابنك أنت فعلت ذلك بطريقة خطأ قل له لما لا تفعل ذلك بالطريقة الآتية وعلمه الصواب
.17-حاول أن تبدأ يوما جديد كلما طلعت الشمس تنسى فيه كل أخطاء الماضي فكل يوم جديد يحمل معه فرصة جديدة يمكن أن توقعك في حب ابنك أكثر من ذي قبل وتساعدك على اكتشاف مواهبه
.18- احضن أولادك وقبلهم وقل لهم أنك تحبهم كل يوم، فمهما كثر ذلك هم في احتياج له دون اعتبار لسنهم صغار كانوا أو بالغين أو حتى متزوجين ولديك منهم أحفاد
و لكم تحياتى
مامى لأول مرة
http://el7adsa-incident.blogspot.com/


الاثنين، 19 يوليو 2010

كلام الأطفال

ممكن أعرف ما هو السن الطبيعى لكلام الأطفال لأن ابنى عنده سنة ونص ومابيتكلمش مفيش إلا همهمة بسيطة وبصوت ضعيف.. مع العلم إنى بشوف أطفال اصغر منه بيقولوا (بابا_ماما) وأصواتهم عالية لكن ابنى بحس إنه بيخاف يطلع صوت على فكرة هو ابنى الوحيد وانا وهو بنقضى أغلب ساعات اليوم لوحدنا. فهل ابنى طبيعى وايه اللى المفروض اعمله معاه؟؟
mamy1st - مامى لأول مرة - كلام الأطفال

و كانت الإجابة :
لا تقلقى يا عزيزتى
فالبداية تبدأ من عندك قبل ان تكون من عند ابنك . . فهل يا ترى ، انتى ترددى علي طفلك دائما كلمة ماما و بابا . . فترديدك لتلك الكلمات هو ما سيساعده على سماعها و حفظها ثم ترديدها . . فلا تقلقى ف ابنك مازال صغيرا على الكلام ، و لكن كلمة بابا تقال من الشهر الخامس و حتى العاشر و ماما تتأخر فستسمعيها فى الشهر السابع و حتى سنة

لكن نصيحتى لك يا عزيزتى . . رددى على مسامع ابنك الكلمات التى تريدى ان يرددها و لا تتعجلى فى سماعها لأنها تحفظ فى ذاكرته اولا . . و أهم شئ ان تتأكدى ان ابنك يسمعك جيدا . . و ثانيا تأكدى ان ابنك يفهم كلماتك ، فماذا تقصدين بكل كلمة . . فيعرف معنى الكلمات التالية " ماية ، أكل ، كرة ، لعبة . . . " أو أى كلمات ثانية تكون سهلة النطق . . و ارجوكى لا تستخدمى لغة الإشارة مع ابنك خاصة و انتم الاثنان تعيشان وحدكما ، فانتى لا تتكلمى مع احد امامه ، و اعتقد انك لا تكليمه بشكل كافى ، لذلك تستسهلى لغة الإشارة . . ارجوكى اسمعي ابنك اسماء الإشياء حتى يعتادها و يحفظها ثم يتعلم نطقها .

و يجب ان تعرفى أن لكل طفل خصوصيته ، فهناك أطفال تسمع المفردات و تحفظها بأكملها فى ذاكرتها ثم تنطق بها دفعة واحدة و ىخرون يحفظون كلمة كلمة و يردوها على الفور . . كما أ، الأولاد الذكور يتأخرون عن البنات فى النطق . . و لكن من المتعارف ان خلال اول سنة يقول الطفل كلمة ماما ، بابا ، دادا . . و يعرف اسماء اشياء أخرى و لكنه لا ينطق باسماءها
فى السنة الأولى و حتى الثانية ينطق الأطفال بعض الكلمات مثل أأكل ، أأشرب ، أألعب
و من السنة الثانية و حتى الثالثة ينطق الطفل جمل مكونة من كلمتين
مثل عايز أشرب ، أحب أكل . . ممكن ألعب

فى حالة التأكد من ان سمع الطفل جيد ، يجب ان ننتظر حتى يصل عمره إلى ثلاث سنوات ، فان تأخر الطفل عن الكلام حتى سن ثلاث سنوات ، من المفضل عرضه على طبيب تخاطب

و لك تحياتى
مامى لأول مرة
http://el7adsa-incident.blogspot.com/

الأحد، 18 يوليو 2010

النوم عند الأطفال


PLEASE CLICK
مجموع الساعات الواجب ان ينامها الطفل على مدار اليوم الواحد
أسعد لحظة تعيشها الأم هى لحظة نوم أولادها ، و من فرط سعادتها لا تعرف الأم ماذا تفعل منكتر فرحتها بنوم ولادها . . ف بعد الغارة اللى كانت مسيطرة على البيت بدأت حالة من السكون خدت الأم معاها فى رحلة من الأفكار ، يا ترى تنام ؟ ولا تطبخ ؟، تنظف ؟ ، تتكلم فى التليفون . . و قبل ان تقرر ماذا ستفعل تسمع تزياة تفيد بان انا صحيت يا ماماااااااااااااااااااا
و لأن العقل السليم فى الجسم السليم فيجب على الاهل ان يعرفوا ان نوم الأبناء صحة ، سواء صحة نفسية أو ذهنية أو بدنية . . و يجب ان يعلموا كذلك ان هناك أمراض تسبب قلة النوم و أمراض أخرى تسبب زيادة فى ساعات نوم الأطفال مثل نقص افراز الغدة الدرقية يسبب زيادة فى النوم

عدد ساعات النوم اللازمة للأطفال حسب أعمارهم هى :
ــ من عمر صفر و حتى عمر ثلاثة شهور يحتاج الرضيع من 16 الى 20 ساعة نوم
ــ و من عمر 3 شهور و حتى 12 شهر يجب ان ينام الطفل من 14 - 15 ساعة فى اليوم
ــ و من عمر سنة و حتى 3 سنين ينام 12 إلى 14 ساعة
ــ و من 3 و حتى 6 سنين ينام الطفل من 11 إلى 12 ساعة
ــ و من 6 سنوات حتى 12 سنة ينام الطفل 10 ساعات
ــ و أكتر من 12 سنة يحتاج الطفل إلى 9 ساعات نوم فى اليوم
و لسماع الدكتور مدحت الزيات اضغط على هذا الرابط




لمعرفة كيفية تنظيم نوم اولادنا بالتفاصيل و سماع اجابات الدكتور محت الزيات على الأسئلة التالية:ــ كيف نعلم الأطفال : الليل من النهار منذ أول يوم فى الولادة ــ بنتى ما بتعملش تواليت غير كل خمس ست أيام بمساعدة اللبوس . . مافيش حل ؟ ــ ابنى ح يتم سنة و نص الشهر الجاى ووزنه 13 كيلو ، بس ما بيكلش كويس و شبطان فى الرضاعة ، أعمل معاه إيه عشان أفطمه ؟؟؟
ــ بنتى عندها 11 شهر و كانت بتآكل كويس و فجأة صحيت فى يوم رافضة الأكل بشكل غير طبيعى ، و برفد الدوا و خصوصا الكالسيوم ، و لو وصل لزورها ترجع ، لما حاولت أجوعها عشان تآكل تصرخ من شدة الجوع و مع ذلك ترفض الأكل . . عايزة حل عشان ترجع تآكل ؟؟
ــ بنتى عندها عشر شهور و لسة مازحفت ، مع العلم ان و هى عندها سبع شهور جالها إلتهاب رئوى و على فكرة انا بأكلها كل حاجة دلوقتى ــ انا كان عندى تسمم حمل و ابنى اتولد و عنده رعشة فى بقه . . فياترى ح تروح و لا ح تستمر معاه ؟


باقى موضوع النوم :
تدهش بعض الأمهات ان ابنها ينام 20 ساعة فى ايامه الأولى ، و يفزع البعض من ان اولادهم لا تستيقظ . . بينما يوجد أخرين يشكون من ان رضيعهم لا ينام بسبب الجوع أو الغازات و هى من اسباب عدم نوم الطفل بشكل جيد فى الثلاثة أشهر الأولى من العمر . . و لحل هذه المشكلة يجب تنظيم ساعات الرضاعة بشكل ثابت و مدة الرضاعة و التكريع بعد الرضاعة حتى لا تتجمع الغازات فى معدة الرضيع و اعطاءه دوا الغازات قبل النوم ، حتى ينام بشكل هادئ يساعده على النمو البدنى و العقلى .
ــ اما بعد اول ثلاثة أشهر يجب ان نعلم أبناءنا ان هناك ليل و نهار ، ليناموا ليلا و يستيقظقوا بالنهار ، و ذلك عن طريق ايقاظهم صباحا لبدأ أول رضعة باليوم .. و كل ثلاث ساعات نعطى الرضعة الثانية . . على ان تكون مدة كل واحدة ربع ساعة من كل ثدى . . و فى آخر اليوم يستحم الرضيع بماء دافئ و ندخله إلى سريره بعد ارضاعه حتى ينام بعمق، و مع تكرار هذا النظام سيبدأ الرضيع يتعرف على طقوس النوم و منها يعرف ان الليل هو وقت النوم و النهار هو وقت الإستيقاظ .
ــ اما عن النوم من عمر سنة و إلى ثلاث سنوات من عمر الطفل، فهو مهم جدا ان ينام الطفل فيه ليلا لأن هرمون النمو لا يفرز إلا فى المساء .
رسائل الـ S.M.S للدكتور مدحت الزيات :
ــ بنتى عمرها عشر شهور و وزنها سبعة كيلو و 200 جرام ، و الهيموجلوبين عندها وصل لسبعة يعنى عندها انيميا شديدة . . و الدكتور عايز يعملها نقل دم ، فأنقل لها دم ولا فى علاج تانى أفضل ؟
ــ بنتى عمرها 3 شهور و نص ، و هى رافضة الرضاعة بشدة ، سواء طبيعى او صناعى و بدأت انقط لها اللبن أو ارضعها و هى نايمة ، مافيش حل معها لأنه صعب انى أكمل معاها بالشكل ده ؟
ــ ينفع افطم بنتى مع انها ما طلعتش ولا سنة ، بس مشيت ؟ ـ عندى توأم واحد عنده بروز شديد فى عظام صدره و الثانى فى قفصه الصدرى . . ده فيه خطورة عليهم ؟
ــ ابنى عمره عشر شهور و ما ذلك اقصى مدة نامها هى 3 ساعات ، مع العلم انه بيرضع طبيعى ، و مابينمش بالليل أبدا ً . . فهل نموه بالشكل ده ح يكون صحيح و سليم ؟؟
ــ ابنى عنده خمس شهور و ممكن ينام 24 ساعة متواصلة و ساعات بيرضع و هو نايم و كتير ينام أكتر من يوم . . أقدر اديله أعشاب تحتوى على السينمكى ؟
لسماع اجابات الدكتور مدحت الزيات على تلك الاسئلة اضغط على الرابط التالى
و لكم تحياتى
مامى لأول مرة
http://la3ya3nyno.blogspot.com/

الثلاثاء، 13 يوليو 2010

أشهر مشكلة " أبنى ما بيكلش "

ابنى مش بياكل ومعتمد على الرضاعة و بس ، انا قلقانة عليه لأن عمره 8 شهورونصف . . مش عارفة اعمل معاه ايه ؟؟؟
أشهر مشكلة  أبنى ما بيكلش - مامى لأول مرة - mamy1st

و جاء لصاحبتنا اجابات لا حصر لها و منها :

ــ حاولى تخليه يجوع ، ماترضعهوش فترة واعمليلة اكل يكون سهل البلع خصوصا لو ضربتيله الاكل فى الخلاط . . و فرجيه على حاجة بيحبها زى الإعلانات أو قناة الأطفال . .وان شاء اللة حياكل ويكون كويس

ــ خليكي صبورة و ادعى ربنا يحمهولك ويهديهولك . . و نصيحتى ليكى انك تبدأي الاول بالاكل السهل في البلع زي الزبادي او السيريلاك او الجبنه النستو . . مافيش مانع تجربى شوريه لسان عصفور او شوربه عدس او تسلقي كوسه وجزر وبطاطس وتهرسيهم او صفار البيض وتهرسي معاه جبنه نستو كل دي افكار اكل سهل اكيد ممكن يحب حاجة منهم

ــ انا كمان ابني عنده 8 شهور واسبوعين و عندى نفس مشكلتك ، أصل ابنى برضه مغلبني بس لازم اجرب معاه كل الطرق ، ده فى الآخر آمانة ربنا ح يحاسبنا عليها ، و عشان كدة جربت مع ابنى المهلبية والكريم كراميل والارز باللبن . . يعني لغاية ما يتعود على الاكل .

ــ ياجماعة انا جربت كل اللى بتقولوا عليه ، بس ابنى زهق ، فماحدش يعرف أكل جديد ينفع للتامن غير الخضار و لسان عصفور و الرز بلبن و المهليبة و الجيلى . . انا محتاجة اختراع جديد

ــ انا عبد الرحمن ابنى كان كدة زى ولادكم مابيكلش لحد ما فطمته ، كنت اول ماحط الاكل ينام على حجرى ، صبرت عليه لحد ما بقى عمره سنة وشهرين وفطمته . . دلوقتى الحمد الله بياكل كويس

ــ نصيحة للجميع ما حدش يخترع فى أكل العيال إللى عمرهم أقل من سنة ، انا ‎ ولادى عندهم سنة ونص و كل ما اكلهم حاجة جديدة يجيلهم اسهال .

ــ اكتر حاجة مفيدة خالص البلح مفييييييييييييييييييييييييدة الى ابعد الحدود والعيال بتحبها . . انا بديلهم مية تمر . . و الأفض لنكم تدو ماية البلح و ما يخدهاش كتير ، لأن ميت البلح كترتها ممكن تجبله سكر بس البلح نفسه لا عشان الميا بتاخد السكر كلو ومش الفيتانينات اما البلح كله مفيد يس متكتريش

ــ ممكن تحطي على الزبادي اي نوع فاكهة وتضربيهم في الخلاط ومعاهم عسل نحل او سكر هيحبو اوي جربي

ــ انا ما أقدرش أدى بنتى زبادى عشان عندها ابنى عند حساسيه من الزبادى ، ده غير ان كل الدكاترة بتقول بلاش عسل ابيض قبل سنة ، لنه بيبقى مضر على صحة الأطفال

ــ بلاش العسل ، لكن باقى الأكل‎ لازم تجربيه كله لابنك علشان يتعود عليه لو معملتيش كدة مش هيحب الاكل خالص فجربي بس براحة يعني في الاول خلية يدوق الاكل وبعدين لو حبو كملي

ــ ‎ جربتي مهلبية التفاح؟؟؟؟ حلوة قوي . . الجيلي كمان جميل قوي ابني جاتله فترة كان ممتنع عن الأكل واللي فتح نفسه تاني الجيلي

ــ أنا ابنتي 8 عمرها شهور برده على فكرة جربت اديله حِتِّة سمك مشوي معرفتش تبلعها الخميس، مع ان اختى اكلت ابنها سمك من 7 شهور وربنا ستر ودلوقتى بيحب السمك خالص


دى كانت هرتلة بعض الأمهات ، هو صحيح مش كلها صح لكن فيها حاجات ممكن تتجرب
و لكم تحياتى
مامى لأول مرة
و اللى اتعلمت ما تسمعش غير كلام الدكتور و مزاج بناتها
"هوهوز" & "جى"
http://el7adsa-incident.blogspot.com/

الأحد، 4 يوليو 2010

المغص عند الأطفال

من المشاكل الأكثر انتشارا عند الأطفال منذ ايام عمرهم الأولى ؛ هو المغص و آلام البطن . . و فى بعض الأحيان يكون المغص أمر بسيط و معتاد و فى أحيان أخرى يكون مؤشرأ ً لوجود مشكلة خطيرة عندقد تحتاج إلى جراحة الطفل
من أسباب آلام البطن :
ــ الكحة و البرد ينتج عنهما بلغم يصل إلى المعدة فيسبب مغص حاد للطفل يعقبه قئ
ــ اول اعراض الإلتهاب الرئوى يكون ألم شديد فى البطن يصحبه ارتفاع فى درجات الحرارة و قئ
ــ التفاف الخصية عن الذكور او أى خبطة بها قد تسبب آلم شديدة فى البطن
آلام البطن التى يصحبها عمليات جراحية :
ــ الزائدة الدودية بس دى بعد عمر 3 سنوات ــ فلا زائدة دودية قبل الثلاث سنوات و تكون مصحوبة بقئ بسيط و حرارة ضعيفة و ألم يختفى و يعود ، و الطفل يكون ملوى على بطنه و لا يستطيع الضغط على قدمه
ــ الانسداد المعوى يكون من عمر شهرين حتى سنتين من عمر الطفل و يكون مصحوب بقئ مستمر و لا يوجد براز أو براز به " دم "
ــ الفتاء الإربى عند الذكور
ــ إلتهاب فى الجهاز البولى
ــ إلتهاب فى البنكرياس
الموضوع ده ممكن تسمعوه بالتفصيل من الدكتور مدحت الزيات
استشارى طب الأطفال و حديث الولادة على الرابط ده
http://www.mediafire.com/?zmgym43yiem

الأسئلة المطروحة على الدكتور مدحت الزيات هى :
ــ ابنى عنده 11 شهر و فجأة بقى بيرجع كل ما يآكل ، و حتى لو شافنى أنا بآكل برضه يرجع ده إيه السبب ؟ و أعالجه إزاى ؟
ــ امتى أطعم ابنى بتطعيم الغدة النكافية ؟
ــ بنتى عمرها ست شهور و بتحط إيدها فى بقها كتير ، أعمل معاها إيه ؟ و أأكلها إيه عشان لبنى مش بيشبعها ؟
ــ بنتى اتولدت و عندها مشكلة فى التنفس و كانوا فى المستشفى بيرضعوها صناعى و فجأة قالولى انها شرقت و هى بترضع و الموضوع قلب معاها إلتهاب رئوى ، و قعدت تحت جهاز التنفس فترات طويلة ، ده ح يأثر عليها فى المستقبل ؟
أم رسائل الـ S.M.S فهى :
ــ بنوتى عندها سنة و نص بترجع من امبارح و انا خايفة عليها من الجفاف ، اعلم إيه ؟
ــ عنى ولدين توأم دايما عندهم التهاب فى الحلق ، إازاى اقوى مناعتهم ، مع العلم ان عمرهم سنة و نصف ؟
ــ ابنى عنده ست شهور و وزنه 12 كيلو و طوله 73 . . و الدكتور قالى ان وزنه زايد جدا ، اعمل ايه عشان اخلى وزنه طبيعى ؟؟
ــ بنتى عمرها سنتين ، قعدت خمس تيام فى الحضانة أول ما أتولدت و لما خرجت ما كانتش بترضع طبيعى ، و مع انها اتولدت 3 كيلو و 900 جرام الا انها دلوقتى 8 كيلو
ــ بنتى عندها انسداد فى الأمعاء و عمالة تخس ، أعمل إيه ؟
ــ بنتى عندها سنة و تمن شهور و ما بتزدش عن 8 كيلو، أعمل إيه ؟
ــ اينى عنده سبع شهور و نص و ممكن يعور ودانه من كتر الهرش ، ايه السبب ؟ و اعالجه ازاى ؟
ــ ابنى عمره شهر و عنده سرعة تنفس ، أعمل إيه لو ده مش عادى ؟
ــ بنتى عندها تمن شهور و عندها عضمة الصدر بارزة للخارج ده فى خطورة عليها ؟
ــ الدكتور حذرنى من زيادة جرعة الكالسيوم إللى بأديها لإبنى ، لأنها ممكن تسبب تلف فى الكبد ، الكلام ده صحيح ؟
ـ تواليت بنتى ريحته وحشة أوى ، فيا ترى ده من اللبن الصناعى و لا ده عادى و كل الأطفال كدة ؟
ــ إيه الفاكهة إللى ممكن تعمل حساسية لإبنى مع العلم بأن عمره ست شهور ؟

اجابات كل هذه الأسئلة ممكن تسمعوها على الرابط ده :
http://www.mediafire.com/?zmgym43yiem
و لكم تحياتى
مامى لأول مرة

http://www.egypt-medical.com/ar/

midlle ad